السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

انا اخوكم خريج ثانوية عامه قسم علمي ابغا طريقه اجد فيها عمل في الوزارة
كيف اسوى او بماذا تنصحون تكملت الدراسه ماتنفع نسبتي 73.25جيد ماتقبل اي
كليه او جامعه والدراسه بفلوس اه ياليت الضروف تسمح
لكن ابغا منكم مشوره او طريقه اقدم فيها على الوزاراة
شـكرا لكم وبارك الله فيكم ... لكم مني أجمل تحية .
موفقين بإذن الله ... لكم مني أجمل تحية .

تكفون ردو

اخوي وظح اكتر قصدك اي وزاره؟؟؟؟؟؟؟

شوف يالحبيب اذا تبي تكمل دراسة ونسبتك ما تنفع ما فيه الا حل واحد >> من خلال خبرتي بجامعة الامام

اللي نسبته ما تساعده يقدم خطاب على مدير الجامعة يطلب منه القبول بالجامعة وصدقني فيه ناس كثير سوو الطريقة هذي وانقبلو بالجامعة
ولله يوفقك ان شالله

جربت تقدم على العسكرية لأن السجون قبلت ناس نسبتهم أقل من نسبتك وإذا مالك في العسكرية في منح دراسية تقدمها الأكاديمية الصحية بس للأسف ما أعرف نظام التقديم أو أدخل في الكليات التقنية يقبلون نسبتك وبعدين ليه ماتدخل إختبار القدرات ممكن يرفع نسبة الثانوية وتقبلك الجامعات

الله يوفقك ويرزقك ان شالله

خريج ثانويه عامه علمي نسبتي 73.25 واختبرت قياس نسبتي56واختبرت تحصيلي ونسبتي 59
وكل هذا وقدمة على اكثر من جامعه وكلية بس للاسف مقبلوني حتى الكليه التقنية قدمت
3مرات ومافي فائده والله وانا اخوك ما بقي شي وقدمنا عليه العسكريه اما الطول واما الوزن
او مايطلع رقمك مع القبول وش نسوى عجزنا الطول168 والوزن90 وقدمت على السجون وانقبلت فيها
واعطوني موعد السنه الجاية 11/2/1432 عمر والله وانا متخرج عام 1428-1429 يعني تقريبا 3سنوات
ما جنيت منها شي وش تنصحوني به انا ودي بوظيفه مدنيه في الوزارة او اداراة او مؤسسات حكوميه
لكن ابغا واحد يدلني بس على التقديم وزارة الخدمه المدنية كل اسبوع وانا عندهم يقولك مافيه بثانوية
يمكن بعد شهر وبعد شهر نفس الكلام والعسكريه قدمت في تبوك على المدرعات وكان وزني109وقالو
خفف ويم خخفت ورجعت قالو خلاص اكتفينا اه يالقهر بعد التعب شفته سراب واركض ورى حلم الامل
ويجي تسجيل في السجون واسجل وبعدها المباحث ويالله ياكريم

مو معقوله 92 ماعندهم حل