فهد لاتنسى تاخذ معاك للدورة كت كات ..

الله يوفقنا

ياخي الي مسوي انه رجال ويرد رد ما ادري وش يبي جب كتكات ونعومه وعلى الارشيف
يا اخي استح على وجهك الرجال يبي حل لمشكلته يا قل خير ولا سد فمك انت وياه حط نفسك مكانه
واشكر الرجاجيل الي ردو عليه بكل نصائح وتوجيه له
والله انشاء الله يصبرك اخوي فهد
توكل على الله في كل شي وما عليك من الحياء ولاتخليه يصيطر عليك والى الامام

والله يابن الحلال موضوعك صعب
بس تبغى الحقيقه العسكريه أحسن شئ لك

انا بصراحه ماااأدري أنت خجول ولا خائف من الناس والطلبه اللي بالدورهـ
لو قصدك مستحي منهم ولا تقدر تتعرف وتسولف معاهم
صدقني أول يوم بتدخلون كل اوضاعكم وحالتكم مثل بعض
يعني وضعكم واحد وكلكم جدد كل واحد فيكم راح يحااول انه يتعرف على ناس طيبين شروا الموجودين هنا
وانت ماراح تبلش يعني ماتحصل احد تسولف معه
اصلا أول يوم مايتكلمون كثير لانهم جدد ولاهم متعودين بس صدقني راح تكون انت وسريتك وخوياك بالتحديد اعز اصحااب ولو وفقك الله وتعينت بمدينه وهم بمدينه صدقني راح تروح مشوار لهم عشان تسلم عليهم
اما ان كان قصدك انك حلو ووسيم وان العسكريه لك عليها وناس ماترحم ومن هالكلام (انا بصراحه ماااأدري عن ايش تقصد بس حطيت كل الاحتمالات عشان اكون افدتك)
لو كام زي ماقلت حلو ووسيم صدقني ماراح احد يقرب منك لان الناس الحين فهمت وبيني وبينك الدورهـ أكثرها عنصريه ولو انك من قبيله كبيرهـ (ونعم بك على كل حال )
راح تحصل عيال عمك وخوياك معك
ولو خايف ان احد يسوي بك شئ لاقدر الله اقولك ان الدعووهـ ماهي فوضه هدي مدينة تدريب مو مرقص بسوريا ولا نيودلهي>>
كل ماتحتاجه عشان يزول الحياء انك تتعسكر صدقني حتى بعد الدورهـ راح يلاحظون اهلك وجماعتك ان كلامك كبير وانك فاهم كل شئ

بس لو دخلت أول يوم وتميت سااكت صدقني راح تنسجب ثاني يوم من الدورهـ
نصيحتي لك وانا اخوكـ لاتدع للحياء مجال في العسكريه

اسف على الاطاله بس والله حاس فيك وخايف عليك

شوف يانون عيني
أنت أكيد ماجيت من عطارد والا المريخ
أكيد دورتك دوره عسكريه يعني في أحد من منتدى البطاله
مقبول في نفس دورتك عطنا اسم الدوره ومقرها وننزلك موضوع
وندخل معك مجموعه وعن طريق هالشيء بتكسر حاجز الخجل
وبترتاح نفسيتك
وكل واحد منكم بيهدي على الثاني
ويوقف معه
وتطمن حتى لو مافي أحد دخل معك
تراك أنت رجال ولو منت كفو
والله ماكان احد قبلك
خذها قاعده
أفضل أخوه ومعزه بتحصلها بحياتك
هي وقت الدوره
بتحصل ناس تفديك بعيونها وقت حاجتك
ناس وانت بكرامه واللي يقراء كلامي
تعطيك أدواتها :يعني "شراب للجزمه ..وهو بدون شراب.. ووووو اشياء كثير والله تحببك في اللي بالدوره

إذا قصدك على الناس المفلسعه
تأكد
ان لكل بيت حمام <<<<<<<<يكرم القارئ
يعني مستحيل يكونون كلهم طيبين وأخلاق

في ناس بدو قح <<<<<<يعني لو بيده
والله يشربك بدمه لجل يقهويك ويكرمك
وفي ناس عايشين جوين
الجو الأول
الشهامه والمرجله
الجو الثاني
خلي حياتك كوووول


....................
نصيحتي لك
الطيب عامله بطيب
اللي مسوي فيها فحل عليك
خش في وجهه وعلمه ان مو بس هو فحل
حتى لو يسير اللي يسير ولو توصل لأيش
أقسم لك بالله
أن هيبتك لتوصل للظباط مو بس مع الأفراد



الناس الفلاويه والونس
بادلهم بإبتسامه

اللي ماشيء في حاله
خله بحاله

ونصيحه
إذا أحد طلبك بشيء يعني مساعدتك

لاترده
وافديه بروحك
""إذا كان رجال يستاهل

يارجال الحياء للنسوان في ذا الزمن العالم ياخوك ماعاد تستحي وابشرك الناس اللحين كل واحد حاله بحاله مايبون المشاكل وابد اول ماتدخل الدوره تعرف لك على بدوي اقسم بالله ان يحطك على راسه ترى الخوي عند البدو اقرب له من اخوه خذها نصيحه مني وبالتوفيق لك ولكل الزكرت الموجودين

ملاجظه /اسمع الاتخلي اي شخص يسطى عليك بمعنى لا تجامل ونتبه تعطي الواحد وجه ازياده عن حجمه وتسير بكره مسخره الاكلام هذا مع الطلاب اخوياك

الصرررررراحه ونعم بالشباب فيه نااس ردودهم قسم بالله
ودك تجي وتحب على راااسه
ونصهم يستخف دمه ومسووي فيها يضحك لو يسكت يكون احسن !!!
انا فااهم سؤالك هذاك اوووووول الحين لا

الواثق من خطااااااه يمشي ملك