ممكن أخوي توظفني بإدارة الجامعة انا حاليا موظفة بس ابي نقل من وظيفتي لادارة الجامعة

أبي أحد يفيدني في الموضوع فيه وحدة قالتلي أن أختبار الوظيفة (مسجلة معلومات نساء )
أنهم أختبروا يوم السبت ألي فات وأبي أحد يقولي هذا الكلام صدق ولا كذب ولي يمر على موضوعي ولا يرد الله لا يحللة ولا يبيحة

أخوي كامري تكفى شفلنا موضوع وظيفة مسجلة معلومات نساء
تكفىىىىىىىىىىىى أنا لا أثق في أحد غيرك بعد الله شفلي موضعها تكفى

تكفين ياجروح العالم قولي إنك تكذبين والخبر غير صحيح لأني يوم قريت كلامك ضاقت بي الدنيا وكنت مشغوله بالخبر وافكر دايم بالاختبار آخرتها يختبرون من غير مايعلن شي إن شاء الله الخبر غير صحيح وكامري الرياض بيجيب لنا الاخبار الزينه الله يعافيك رد علينا ترانا تجوز فينا الرحمة والرسول صلى الله عليه وسلم استوصى بالنساء خيرا
والله يوفقا الجميع

بالتوفيق سنه أولى بطاله ..

حلوه مقابلتك وإن شاء الله يارب تتوفقين إذا فيها خير لك ..



الأخت جروح العالم ..

والله قلبي وجعني على كلمة اللي يمر ولا يرد الله لا يحلله ولا يبيحه !!!

سبحان الله .. خلق الإنسان عجولا ...

وإنتِ بعد أخت ندو _ ندو .. ضاقت فيك الدنيا !!!



أذكروا ربكم .. أذكروا ربكم ..



أولا : ما صار شي للآن ..

ثانيا : لو كان فعلا صار الإختبار .. معناته ..



الله ما أراد أنكم تدروا عنه ولا تختبروا وأنا معاكم ..

علما أني متابعه .. مو عشاني والله ..

عشان فيه ناس اعتمدوا علي ...

كل شي مكتوب .. وما راح تأخذوا إلا اللي ربي كاتبه ..

وفي السماء رزقكم وما توعدون ..

وكمان لو أنكم تتوكلون على الله حق توكله ..

طبعا مع الإهتمام والحرص والأخذ بالأسباب ..

وهو .. السؤال والتأكد متى الإختبار ..



ليه أقولكم الكلام هذا ؟؟

عشان الله لا يقدر بكره لو ربي ما كتب نصيب فيها

ما تتضايقوا وتزعلوا وتكتئبوا .. لا ..

إياكم .. أبدأوا من جديد بالبحث عن وظائف جديده ..

ولا تنسوا أنه إحنا بداية سنه جديده ..

وكمان بالميلادي شهر 9 كلها كم شهر

وتبدأ السنه الجديده وتبدأ العقود



وكمان أنت أخ nj7 .. معاك حق .. الإنتظار صعب ..

لكن هل بتجلس تنتظرهم !! وإلا بتستغل وقتك وتبحث

عن الجديد مع متابعة أخبار الجامعه ..

لا تنسوا أنه إحنا أساسا ( بلا فخر ) عاطلين ..

لما جت وظائف الجامعه خلاص علقنا كل آمالنا عليها !!

لازم نبحث عن الجديد .. وبكل مكان .. وبكل تفاؤل ..




في فتره من الفترات كنت مثلكم .. بس تعلمت ..

أن بعد العسر يسرا .. وأن الصبر مفتاح الفرج ..

لازم نصبر وما نيأس .. ونبحث وما نتحطم ..

والكلام هذا أوجهه لي قبلكم ..


نصيحه أخيره ..

أكثروا من الإستغفار والصدقه والدعاء ..

وأحرصوا على أداء صلاتكم في وقتها ..

وعلى بر الوالدين ..



اسأل الله لنا جميعا فرجا عاجلا ..

الله يجزاك خير يامشاعر عاطله
والله أحس إن مقابلتي مو حلوه
بيقولون هذي بتخرش السكن بسكانه
أقولك كنت مخروشه ،، وأجاوب بسرعه
بس فيه وحده من ال4 ملكعه توقف عند كل إجابة
تطلع من الإجابة سؤالين ثلاثة ،،
حاسه إني ماراح اترشح ،، وماهي مشكله لو ما ترشحنا ماعند الله خير وأبقى
وذكر الله خير من الدنيا ومافيها000

.


.



صبــاح الخير


ياليت اذا احد دخل اختبار لـ وظيفه فني مختبر

يقول لنا عن طبيعه الاسئله

اسئله عامه بـ العلوم / او في ماده معينه فيزياء .. كيمياء .. / سهله / صعبه ..؟!

ومده الاختبار



سنه اولى بطاله .. ياليت تقولي لنا


تفاصيل المقابله


بـ التوفيق للكل

شوفي يا أختي أنآ
بعطيكِ اللي حصل معاي بالتفصيل الممل من دخلت مبنى السكن إلين طلعت منه00
أنا رحت لهم قبل الموعد بربع ساعه
وبعدين جت وحده وسجلت أسماءنا حسب وصولنا يعني اللي جت الأول تكون أول وحده0
بعدين صاروا ينادون 4 اسماء مع بعض ويروحون لمبنى الإدارة عشان عمل المقابلة
00قبل المقابلة ،، لازم تنزلين عبايتك ،، يعني لازم تلبسين لبس معقول وساتر برضه لاتلبسين بنطلون أحسن لك ،،
أما مقابلتي معاهم ماطولت يادوب 4- 5 دقايق لأني رجه يعني مستعجله 00
00لمن تدخلين على الأخوات اللي يمتحنونك يمكن عددهم 4 أو أقل أو أكثر
بيسألونك اسئلة شخصية وأخرى عامه مثال (عرفي بنفسك ، وش مؤهلاتك ، وش الدورات اللي حصلتي عليها،، وبعدها أسئله عامه مثل:مين مدير الجامعه، مين وزير الصحه، مين وزير التعليم التعالي، كم عدد سور القرآن، كم عدد أولاد الرسول صلى الله عليه وسلم0000 الخ) يعني بتدوخين شوي ،،وأكيد لطبيعة التخصص دور بالأسئلة 00
إذا أنهيتي المقابلة ، بيخلونك تسجلين إسمك على إقرار إنك عارفه بطبيعة العمل وإنه كذا وكذا وتوقعين ،، (هذا بالنسبة لمشرفة إسكان ، بس فني مختبر ما أدري توقعون إقرار أولا )
بس توكلي على الله يا الغاليه،، وخليكِ واثقة من نفسك ،، وأحفظي أسماء الوزراء يمكن أحد تغيرمنهم لاسمح الله ،،، بصراحه أغلب اللي معاي يقولون وش ذا الأسئلة مالها داعي ،، ماعرفنا نجاوب 00

أتمنى إنك مازهقتي من نشرة الأخبااااار أعلااااااااااااه وبالتوفيق ياااارب للجيمع ،،

يالله يوفقكم جميعاً