[frame="1 98"]
سلام عليكم ورحمة الله وبركاته

ياخوان انا اتصلت على الديوان اليوم

ورد علي واحد بدون نفس وشكله توه صاحي مكبر المخده بالمكتب

سئلته في دفعه ثانيه ولا كيف نظامكم مطابقه ثم ترشيح ولا مطابقه دفعات للجميع ثم ترشيح

رد علي رد مثل وجه الفايز يرفع الضغط
قال والله مدري
عاد انا عصبت كم مره ادق عليهم ماعندهم سالفه تصريف بس
قلت طيب وش وظيفتك انت اي واحد اتصل عليه يقول مادري ماعندي خبر ولا يعطيني كلام مش حالك كل شي ماتدرون عنه اخبار سريه ولا عندكم اسرار نوويه خايفين تعلمون احد
ضحك ذيك الضحكه تشبه ضحكت زكيه زكريا خخخخخخ

قلتله ياهوووووه خافو الله لنا سنتين ننتظر يفتح التقديم بس والحين تماطلون بعد مافتح
عندكم وظايف ولا لا قال اكيد فيه وظايف بس مثل ماقلتلك الاوامر تجينا من فوق
عاد قلتله من الفايز يعني الرجال يداوم اصلن عمره فوق ال80 هو بنفسه يبيله رعايه
لاتقعد تصرفني انتم فاشلين ماعندكم نظام تمشون عليه


زبدة الموضوع ياخوان
اغسلو يدينكم الاوضاع خربانه في البلد الفساد منتشر في كل مكان ولا حسيب ولا رقيب
الفايز الي عمره ناهز ال80 الي وجوده الى الان يخلينا نشك بالوضع يعترف عيني عينك بوجود وظايف بالااااااااااف ووجود 68 الف اجنبي ومحد قاله شي
الربيعه ممستقعد لاصحاب الدبلوم من ابناء الوطن وكل شهرين متعاقد مع اجانب
لا واكثر من 17 الف اجنبي بشهايد مزروه و60 الف اجنبي في وزارة الصحه حاط دوبه علينا بس
والعجيب بالامر مره حضر بالسعوديه قائد عسكري اماراتي على ماظن تدرون من استقبله
الربيعه هههههههههههه ياخوان الاوضاع مدري كيف جايه

وزير العمل تخبطات واهمال
البلد ممليانه اجانب ومليانه فلوس لاكنها للغير تبرعات بالمليارات والشباب عاطل والفقر منتشر

وتبون وظايف لو يبون يوظفونا كاااااااان توظفنا من زمان

فتحو عيونكم راح تكشفوووووون اشياء تصدمكم

فتحو عيونكم زين

وتوكلو على الله وهو خير المتوكلين وادعو على من ظلمنا
حسبي الله ونعم الوكيل





[/frame]

الله كريم ..
وإن شاء الله تتوظفون قريب ..

بس انتم ليش متحاملين كذا ع الربيعة ..عطوه فرصة الرجال توه مستلم الوزارة .. الشرهه مو عليه على الوزير اللي كان مخربها قبله .. وإلا هو لو بيجي يعدل مسكين يعدل ايش ويخلي ايش مسك خرابه وفساد اداري مو وزارة

.
.
.
ربي يوفقكم ان شاء الله ويرزقكم بالوظايف والذريه الصالحة ..

راي الشخصي الربيعه ممتاز كطبيب
ضعيف اداريا
ام الفساد فعام جميع الوزرات وليس خاص بوزاره بعينها

ياناس وربي ان الوظيفة والتعيينات قريبة بس طولوا بالكم ومحد يسبق رزقة ( ع قولة جدتي الله يطول بعمرها ) بس يبغالنا صبر والناس ماتقدر تصبر لكن ان شاء الله الفرج قريب والامور زينة ومادام ان الربيعه يجيد فصل التوائم وبمهارة ياليته ييسوي عملية ويفصل ديوان الخدعة المدنية عن وزارة الصحة وبكذا نرتاح من تصريفاتهم ونتعين بسرعه وبدون تعقيدات ..
ياربااااااااااااااااااااااه لو اتوظف ع قولة المعلق فارس عوض .
ع فكرة يلوموني بالعالمي ===

ياطويل العمر انا كنت امس بالديوان
فرع المدينة وسألته عن الدفعة الثانية قال
احتمال بعد شهرين يعني الله يصبرنا

الله ييييييييعين

وظائف مافي وظائف لعيالهم وعيال عيالهم وعيال عيالهم

وحنى نعيش على التفائل والبشائر والتصريحات

والوعود فقط للتخدير

وبالأخير نكتشف ان جلودنا كمشت ولحومنا عفنت

ولا سيارة ولا وظيفه ولا زواج

الوظيفه تجي بارده مبرده لعيال عيال المسؤلين

اللي ماسكين الوزرات والمؤسسات الحكومية

الامور ان شاء الله طيبة وبالنسبة للتوظيف راح تتوظفون ومو منة من الخدمة المدنية إلا غصب عنهم

بس الموضوع يبي له صبر ويبي له مصادر حقيقية لمتابعة الاخبار

والله كرهت حياتي من غير وظيفة

كل يوم اسأل نفسي .. أنا ليش عايش وغيري اهل الواسطات متهنئ ومرتاح وانا ابسط امور الحياة مقدر احصل عليها

الله يوفق الجميع