السلام عليكم ورحمة الله وبركاته

اخبار العاطلين والباطلين ان شاء الله تزقحون

مالكم بالطويله انا بصف ثالث ثانوي قدر الله علي

وجزمة وقدمة على العثيم كــ محاسب مبيعات


تعرفون هالزمن ما ينفع الا واحد مكافح بالصبح مدرسه وباللليل شغل

>>>حسييييييييت اني مكافح واناظركم بنص عين

الموووووهم قبلون واشتغلت اول شهر تعرفون الواحد لا اشتغل

ما يشوف قدامه الا متى يجي الراتب ويفكر وش يبي يسوي فيه الموووووهم

جاء الراتب 2500 مع انه الحقيقه والراتب الاساسي 3000 بس قلت يمكني عشاني جديد

وعندي عجز المهم تم اسبوع بعد ما طلع راتبي الا واشوف كل يوم يصير عندي عجز

يوم 140 ويوم 50 مع العلم واثق مليون بالميه ما عندي اخطا واللي غاثني

ان اول شهر ما جاني عجز ابد مع ان كان عندي ضغط زباين واجد
والشهر الثاني تعودت على الدوام بس يحطووون عجز من راااسهم

والمشكله مشرفيني مصااااااااريا اقول شوفو تأكدو يمكن انكم غلطانين

يقولون لا انت غلطان بالحسااااب وانا الان محتااااار ودي اقدم استقااااااالتي

ومراات اقول اصبر شوي يا ولد نشوف اخرتها


وش تنصحووووني

مدام مشرفينك مصاريه عز الله راحت فلوسك
اشتك عليهم ماعندهم ذمه حياته تفكير بالفلوس
الله يعيينا بس

أخوي موظف عادي

أنا كنت أستلم 1916 ريال لمدة سنه وتركتهم على شان أخلص دراستي في الكلية وأنا محاسب مبيعات

طيب أنت تعد الفلوس إلي تستلم في أول الدوام يمكن يكون فيه خطىء عند المشرف

أنا أول ثلاث شهور زياده كل يوم 10 ريال إلى 15 ريال

بعدين جاني يوم 150 ريال و200 ريال و100 ريال بس ما نقدر نقول شيء


لا تخليهم إلا وانت محصل شغل مضمون

اخوي طالبهم ببرنت موضح فيه العجز كل شهر مع الخصم واطلع لادارتهم إذا مالقيت حل ...؟؟

اخوي ممكن يكون هناك مفتاح آخر للصندوق اللي انت شغال عليه . مع احد الاشخاص.. تأكد ..... غير موقعك اذا ممكن

كمان ممكن يكون مثل ما قال اخوي الغروووب خطأ في حساب المشرف للعهدة التي تستلمها ... تأكد

والله الأجانب اكلونا ( المصارية ) ولا والبلوة الأكبر إنهم يكونون مدراء علينا شوفوا ياخوي انا حاليا موظف بشركة والحمدلله مدير قسم وعمري 22 سنة ( خريخ كلية ) بس اللي يغيظك ويقهرك إن الشركة اللي انا بيها بعض الموظفين شغل دنفسة وتخريب يبون يطلعونك من شان يحطون واحد محلك يقرب لواحد فيهم والله قبل إسبوع إستأذنت من مدير الشركة براسه وكان عندي ظرف طارئ سافرت ورجعت بنفس اليوم يعني ما أخذت إلا يوم واحد فلما رجعت من السفر داومت اليوم الثاني الصبح لقيت المساعد للشؤون الإدارية مدير مكتب المدير العام (مدير الشركة يطلع خالة)
(سعودي مو مصري يعني... ) رافع فيني تقرير غياب وإهمال بالعمل وخصم ثلاث ايام وقرار نهائي بالفصل مع إني قايم بعملي على أكمل وجه وهو أصلا ماكان موجود وقت إستأذاني من المدير العام " مسافر " فإستأذنت من المدير العام ....
فأنا أبي أعرف شي واحد ليش يسوون كذا إيش مصلحتهم من هذا كله والله إنهم ظالميننا يبونا نصيع بالشوارع ؟ ونتشرد ؟ ونشحذ ؟
فأنا قلت بنفسي حسبي الله ونعم الوكيل فيهم مع إني والله حنين على الموظفين اللي تحت إيدي ومراعيهم ومو مقصر معهم بس وقت العمل عمل لازم اشد عليهم وما يحتاج اتكلم عن السعودين في العمل (يبي يأخذ راحتة ) والحمدلله أعطيهم راحه وما أتعبهم كثير وما أفرق بينهم في المعاملة و الحمدلله أقدر الناس حاس فيهم ما ابيهم يتمرمطون و يتغلبون زي ما أنا عانيت بدنيتي وإنشالله ربي يرزقني بوظيفة حكومية تغنيني عن هذي الشركة مانقول غير شي واحد الله يصبرنا على هالدنيا ويعيننا عليها وتذكروا يا إخوان دام الله موجود كل شي بخير ولن يصيبنا إلا ماكتب الله لنا ...

ياشباب أبيكم تدعون لي إن ربنا يوفقني ويرزقني بوظيفة حكومية عن قريب إنشالله ,,,