السلام عليكم ورحمة الله وبركاته

ممكن احد يفيدنا بمعلومات حول طبيعة عمل بنك الانماء مسوق قروض باب رزق
واش رايكم في الوظيفة..والمقابلة كيف تكون

شاكر حسن تعاونكم

والله جاتني الرساله اليوم العصر بالمقابله غدا باذن الله طيارتي من المدينة لجده الساعهخ 1ليل اليوم ان شاء الله
دعوووووواتكم بالتوفيق شباب وياليت احد يفيدنا بكم معلومه

انا ارسلو لي مسج بموعد المقابلة

الوظيفة رسمية في نفس البنك او شركة مشغلة؟

ياشباب كيف اقدم على الانماء

والله انا قدمت عليهم وماجاني شي . لكن الله يوفقكم وانتبهو على عده نقاط اول شي لازم يكون الراتب ثااابت مو وقت ماتجيب عملاء تأخذ هذا اهم شي . وغير كذا لازم تعرفوا ان العمل ميداني . هذا هو اللي بقوله لكم . لكن ركزو على الراتب الثابت وذا قالولك لا جيب عملاء اقل شي 3 ونعيطك ومدري ايش لاتروحون لانكم راح تتعبون ولا في شي وشكرا

الله يكتب الي فية خير والله يوفق الجميع

الدوعن اسعد الله جميع اوقـاتك بكل خير

اخي العزيز

انا توظفت لدى بنك الانماء لمدة 8 اشهر بالظبط من شهر اغسطس 2009 اي قبل رمضان واستقلت قبل شهر تقريبا

طبيعه العمل تعمل بأحد المجمعات التجاريه الكبرى بالمدن الرئيسيه او الكبرى عموما الدوام فتره واحده اوفترتين حسب نظام مدير المنطقه المشرف عليها اذا كان المشرف حابب تعملو فترتين فأنت ستعمل مع محلات المجمع اي من 9 صباحا الى اذان الظهر ومن 4 عصرا الى 11 ليلا وان كان متعاون يقولك من 1 ظهرا الى 11 ليلا نفس المده لاكن تفرق فتره اوفترتين طبيعه عملك بتكون شرح للعملاء عن منتجات البنك سيارات عقار وتقسيط التعليم بيعطونك لابتوب كعهده عليـك تحسب فيها راتب الشريك اللي هو العميل بس الانماء يسميه شريك ][ مسوين تميز يعني ][ المرتب بيكون 3344ريال بالظبـط انا استغربت لما قالو باب رزق 2000 وعموله ممكن تغير شي الله اعلـم انت طبعا راح تكون موظف متعاقد ولون بطاقتك بالبني الداكن والموظف الرسمي لون بطاقته بالابيض طبعا البنك يعتمد بالمقام الاول بالعنصريه والعنصريه راح تعرفها اذا دخلت مابي اسببلك رعب منهم بس بأذن الله تنجح وتتوفق فيها ويجيك ترسيم مع اني اشوفه من سابع المستحيلات لانه بنك زيه زي البنوك الاخرى والموظفين اللي ذاقو الامرين ولاشافو ترسيم واكبر دليل موظفي الكول سنتر بالراجحي لهم سنتين وثلاث ولم يترسمو والترسيم بالبنوك صعب للغايه عموما انت ادخلها بإستمتاع ولاتخلي شي يوقف بوجهك وتوكل على الله ماتدري يمكن رزقك هنا وتوفيقك وحياتك بهالبنك وعلى الله التوفيق


اتمنى بإني وظحت ولو شيء بسيط من تساؤلاتك مع دعواتي لك ولجميع الاخوه بالتوفيق

اعتذر عن الاطاله

مشكور ياخالد كفيت ووفيت لاهنت
بس ممكن على قد ماتقدر تحط الايجابيات والسلبيات على شكل نقاط مختصرة

وهل فيها امان وظيفي ونوع العقد

شاكر لك سعة صدرك

شكر لك اخوي خالد لكن هل الراااااااااتب ثابت ولا لا بحسب العملاء اللي اجيبهم انا . لان اكثر الشركات زي كذا يقوووولون راتب ثابت ولما تجي يقووولون لا.. جيب عملاء وشتغل وزي كذا . اهم شي راتب ثاااااااابت سوء جبت عملاء ولا لا. والداوم هل هو حر . ام اكون مرااااقب اذا كان مراقب حلو لانه يمكن في راتب ثابت بعكس الحر لانهم راح يقولون ماراح نعيطك راتب ثابت يمكن تجي وتووووقع وتروح تنااااااام في البيت وشكرا