12-05-2010, 08:35 AM
|
 |
عضو ماسي
|
|
تاريخ التسجيل: Mar 2009
المشاركات: 1,581
معدل تقييم المستوى: 1359226
|
|
اقتباس:
المشاركة الأصلية كتبت بواسطة للأسف عاشق
بالتوفيق يالغالي ....<
وانا افكر في هالمشروع ولقيت محل وكويس انك نبهتني على نقاط مهمه >> جديد في الشغله ...
بس انا ابيه اطلع عليه فــيز بس كم يعطون تاشيره؟؟؟
وش الديكور اللي مطلوب غير المكتب والباب الزجاج والطفايه >> فيه غير كذا
اسف للاطاله بس استفسار لاني يوم الاحد الجاي ان شاء الله طالع
.
وتسلم من الشر يمناك .
|
مافي ديكور فقط المكتب
اقتباس:
المشاركة الأصلية كتبت بواسطة صدى الحرمان
الله يعطيك الف الف عاااااافيه يالغالي
على طاري مؤسسة المقاولات انا قدمت قبل سنه او 9 شهور على صندوق المئويه وكان المشروع براسي بقوهـ
المهم قدمت المشروع على مؤسسة المقاولات وشرحت لهم افكاري وطريقتي شرح وافي
المهم اليوم الظهر الساعه 2 اتصل علي صندوق المئويه وخبرني انه موعدي يوم الأحد الجاي بالغرفه التجاريه
بالمدينة المنورة
المهم انا نسيت المشروع ونسيت الأفكار >> لأني بصراحه يئسـت من صندوق المئوية
يالغالي هلحين انا لو ضبط وضعي ورحت للغرفه التجاريه
سؤالي هنا
هل لها أرباح وهل هي مجديه وكيفية العمل فيها
ياليت تشرح لي بالتفصيل كيفية العمل
ولا أكنسل الفكرهـ وما أراجعهم ولا أروح وأقول لهم ابي اغيرالمشروع .. ؟؟
تشجعني عليها ولا اطنشها
أخوكـ / أبو عبدالله
|
اقتباس:
المشاركة الأصلية كتبت بواسطة صدى الحرمان
على فكرة بالمدينة سمعت شروطهم لفتح مؤسسة مقاولات
أستأجار حوش مساحته لا تقل عن 1000 متر
و سيارة خاصه بالمؤسسة
وتكون تملك خشب يكفي لأقامة عمارة كامله
هذي طلبات البلدية ومكتب العمل عشان يعطيك فيزتين فقط
|
انا ذكرت الشروط التي عندنا اما نظام المدينة ماعندي عنه خلفية وباقي إستفساراتك ماقصر الأخ محمد فهد وضحها لك
اقتباس:
المشاركة الأصلية كتبت بواسطة محمدفهد
الله يعطيك العافية يا ابن الهيلا على جهودك واسأل الله لك التوفيق
عندي جموعة نصائح
راح توفر عليك مبلغ شهادة التأمينات الطريقة بأمكانك تطلع فيها الشهادة من دون ما تضيف سعوديين اوغير سعوديين وبكذا تكون وفرت مبلغ ال 900 مائه ريال و اسمها
(شهادة من دون عمال) ومدتها ست شهور وببلاش ومن التأمينات الاجتماعية وما تاخذ وقت وتقدر تستلمها بنفس اليوم ومقبوله بكل الجهات الحكومية بس مايكون عندك عمال على المؤسسة(السجل التجاري) يعني تقدر تقول شهادة مؤقته وببلاش وطالما ماعندك عمال تقدر تجددها كل ست شهور .
وتقدر من خلالها تدخل مناقصات .
وبالبداية ماتحتاج تضيف سعوديين بالتامينات الاجتماعية الا بعد ما يكون عدد العمال الاجانب 10 على كفالة المؤسسة
اختيار اسم المؤسسة ترى له دور كبير وفرص بالعمل اكبر وانصح استخدام الاسماء التجاريه للترويج للمؤسسة هذي من وجهه نظري لان اغلب اللي بالسوق مؤسسة فلان بن فلان الفلاني للمقاولات والشركات تبني الانطباع على اسم المؤسسة .
للمعلومية يا اخوان اللي يبي يدخل المناقصات ترى الوزارات والمنشأت الحكومية اللي نازل لها مشاريع ما تعطي تأييد بالعمالة الا اذا كان مدة العقد سنه او مبلغ العقد مليون ريال هذي حسب طلب مكتب العمل وهذا القرار جديد .
هذي الشروط على عقود الترميم والانشاء ولا تشمل الصيانة والتشغيل
واللي يبي موقع للمناقصات وشهادات التصنيف (اللي تخولك بالدخول لمشاريع اكبر)والتواصل مع الموردين من اخشاب وحديد واسمنت يراسلني على الخاص
الموقع سعودي في سعودي وتنزل فيه جميع المناقصات في المملكة
اختيار المهن والجنسيات والتكلفه .
بالنسبه للحداده والنجارة المصريين هم الافضل والتعامل معهم بالمتر يكون افضل ويتميزون بسرعة الانجاز
ولا تشغل معلمين باليوميه او بالراتب لان مراح يكون فيه انجاز حتى لو كان على كفالتك
البنيان
افضل المصريين والباكستانين
التكلفة 15 ريال للمتر
بالنسبه للياسه انا افضل الهند (كيرلا)
الشغل بالراتب
التكلفه بالمتر 12 ريال مع المواد
التبليط
الهند وسعر المتر 8 ريال
الدهان
يفضل يكون باكستاني بنجابي وسعر المتر 15ريال مع المواد للبوية الخارجيه
السباكة
باكستاني وسعرها يعتمد على نوع العمل
الكهربائي فلبيني
بالراتب اذا كان العمل مستمر
اسأل الله لك التوفيق والسداد |
مشكور اخي محمد على المعلومات القيمة
|
نصائح
العرض العادي
