بسم الله الرحمن الرحيم

أخواني حبيت أنقل لكم تجربتي مع مستشفى الحرس الوطني لأني لاحظت الكثير يقدم عليهم عل وعسى تنفعكم تجربتي ..

أنا قدمت عن طريق النت وبعد فتره بسيطه تم الاتصال على من مكتب التوظيف وسئلني ليش ماكملت الطلب قلت له صراحه ماتوقعت تحتاجون تخصصي المهم كمل معي الطلب وحدد لي أختبار مبدئي رحت لهم وأختبرت المبدئي ودخلت الأختبار النهائي مباشره وحصلت على درجة 56 صراحه صعب الأختبار لكن كان بالأمكان أفضل لكن اللخبطه وعداد الوقت الي قدامك يخربطك المهم فقدت الأمل لأنهم يقولون لك لازم تجيب 60 بعد فتره بسيطه أتصلو علي وقالو تجي تسوي مقابله شخصيه لأنك عديت الأمتحان رحت لهم وسوو المقابله مكتب التوظيف أثنين واحد يتكلم معك عربي وأذا شافك تعمقت بالكلام خطم عليك الثاني بسؤال أنقليزي

يبي يشوفون هل عديت الأختبار بجدارة أو حظ المهم عديت هالمقابله وأتصلو علي بعدها بفتره بسيطه وقالو لي في وظيفه كذا وكذا وكذا نحدد لك موعد مقابله مع القسم عطيتهم الأوكي

دق علي قال موعد أمتحانك في تاريخ كذا ناسيه صراحه المهم قلت أوكي بعدها باأسبوع أتصلو علي قالو وينك ماراح تجي عندك مقابله

قلت لا لسى على مقابلتي اسبوعين ..!!

طلعت السالفه أني أنا فاهم تاريخ هجري وهم ميلادي
وهذا صراحه خطا الموظف ماقال 2007 ولا قال ميلادي وكان في شهر 6 متصادف الميلادي والهجري المهم قلت له كيف راحت علي قال ايه مايمدينا
قلت أنا خيره وحمدة الله وبعد تقريبا أسبوعين أتصلو علي قالو فيه وظيفه ثانيه لك أفضل زيادة عن ذيك بالراتب الاساسي 1000 ريال طبعا رواتبهم حلوه ولا لك دخل بالمرضى يعني وظيفه اداريه قال بحدد لك موعد مع القسم ونشوف ..بعد يومين أتصلو علي القسم سيده الي اتصلت قالت تجي تسوي المقابله رحت لهم من بكرا الي سوى لي المقابله بنتين سعوديات طبعا تكلمو لي عن الوظيفه وليش تسعى للعمل بالحرس وهل تتحمل أوقات العمل وكيف توظف تخصصك في مجال عملك وكم سؤال مو على بالي وقالو لي راح نتصل عليك بعد مانخلص مقابلات ..

أي أستفسار أنا حاظر والله يكتب الي فيه الخير

تحياتي

انا نفسي لما اتخرج اتوظف في الحرس
الله يعوض عليك ويرزقك

أتمنى لك التوفيق أختي وأن شاء الله تحققي حلمك ولكن جدي وأجتهدي وأحرصي على الانقلش بالذات لأنه أهم شي عندهم ...

الله يوفقنا وياك

ممكن تعطينا رابط أو موقع الاتصال ولو بالفاكس

الله يوفقك يارب

بالتوفيق ياغالي

أخوي برفسور هذا موقع الحرس http://www.ngha.med.sa/ngha

وهذا رقم مدينة الملك عبدالعزيز الطبيه لارد عليك السنترال قله حولني على مكتب التوظيف 012520601 بالتوفيق أخوي

البرنس,محمد العتيبي وياكم ياأخوان شاكر لكم

الله يوفقك يارب ويوفق الجميع .

بالتوفيق اخوي الزيزفزني وانشاء الله يدقون عليك باقرب وقت ممكن بالتوفيق

شاكر لكم ياأخوان والله يوفقنا وياكم

أخت دانة مازلت أتذكر قولك أنك تشعرين أن سوف أنجح في أختبارهم والحمد لله لم يخب ظنك وأن شاء الله تكون الوظيفه من نصيبي