السلام عليكم ورحمة الله وبركاته

صباح الخير للجميع

انا صراحه افكر افتح إنشاءالله محل أبو ريالين

لكن ابي اعرف من وين اجيب البضائع

تعرفون احد يقدر يساعدني

وكم ميزانيه البضائع

اذا كان المحل فتحه وحده

وراح اخصص فقط العاب من 2 إلى 10 ريال


ساعدوني ولكم جزيل الشكر


سلااام

من سوق الجمله
اذا من الغربيه بجده
واذا من منطقه ثانيه اذكرها لعلى الشباب يدلونك على سوق الجمله

اخي خريج الله يوفقك أن كنت من الرياض عندك اسواق
السويلم كل شيء فيها ورخيص وبما انك تبي تحط محل
أبو ريالين ليه ماتجيب كل شيء اكسسوارات والعاب وكماليات
وبلاستيكات وغيره كثير صدقني الكبير والصغير بيشتري منك بإذن الله.

اخوي بضاعة ابو ريالين من الميناء تلاقي حاوية بضاعتها تسمى استوك
تلاقي فيها كل الي موجود عند ابو ريالين ... و سلامتكـ .

عندك جدة-دبي-الصين
بس ادرس الموضوع صح
موفق ان شاء الله

اهلا اخي

اذ كنت من الرياض

بخصوص الكماليات والاكسسوارت النسائية والكريمات والعطورات والشامبوات والالعاب وتحف والاكترونيات والادوات المدرسية هذه موجودة في شارع السويلم -الديرة
اما البلاستيك وادواتها عندك شارع غبيراء اما الاواني بجميع انواعها فهي في شارع السبالة
الاكسسوارت النسائية والشنط البطحاء حي المرقب
العطورات البطحاء
بخصوص الاسعار سعر اقل للاجنبي وسعر اعلى لسعودي فتنبه لذلك
اتمنى لك التوفيق
تحياتي
السلاطين

الله يجزاكم خير جميعا

اشكر كل من رد على موضوعي

خلوني اعلمكم وش انا افكر فيه

فيه محلات جديده توها فاتحه وقدام المحلات مدرسه ابتدائيه بنين

وانا صراحه افكر اشتري البضاعه كلها العاب تتراوح من 2 إلى 10 و اذا نجح المشروع إنشاءالله

طورت المشروع واجيب بضائع كماليات

اتمنى لو فيه احد يقدر يساعدني

او يعرف احد يبيع بضائع رخيصه ويعرف رقمه

اتمنى يرسله لي بالخاص

وراح ادعيله

وبالتوفيق لكم

ياليت اعرف كم يكلف فتح محل ابو ريالين واذا فيه بضاعه وماانباعت وش السوات

الله يوفقك

للامانه

اذا استطعت ان تجد الموقع المناسب..فهذا المشروع ان شاء الله ظمن المشاريع الناجحه
فحاول بقدر الامكان لايخرج زبونك الاوقد وجد بضاعته..

وللمعلوميه ...مثل هذه الانشطه تحتاج مساحه كبيره..

ربي يرزقك ويوفقك