المقابله الشخصيه (وزارة الخارجية)

عبيرص · #**271** (**permalink**) 27-09-2010, 01:59 AM

هذي مشاركة من منتدى ثاني!!بس الغريب انها تقول فيه استمارة تعبيها بالانجليزي!! ما احد من الاخوات الي قبل تكلم عن هذي الاستمارة!!!

اول حاجه لما تروحوا المقابله حيدوكم ورقه تكتبوها كلها بالنجلششششش اول سؤال حيكون طبعا اسمك وسجلك المدني ... بعدها سؤال عن حالتك الاجتماعيه وبعدين سؤال عن 3 دول زرتيها وكم مده قعدتي فيها والسبب .. كمان سؤال عن 3 ايجابيات تكتبيها عن نفسك و 3 سلبيات ... سؤال بعدو ايش الاشياء اللي عملتيها بحياتك في مدة الخمس سنوات اللي راحت يعني الاشياء اللي انجزتيها ... وكمان اخر سؤال ليه تتوقعني انو احنا نقبلك بالوظيفه دي ....

طبعا هذا كلووووووووو بالانجلششششششششششششششششششش يعني جهزوا من دحين
وترى الورقه دي توزعت السبت والاحد عشان يشوفوا قد ايش انتوا تعرفو انجلش ...

نجي عند المقابه طبعا اللي بعلم النفس راح تعرف الدكتوره ليلى هيا موجوده من ضمن الدكتورات عددهم 4
اول سؤال: عرفينا عن نفسك وطبعا لما شافت معدلي انصدمت ليه وليه منتي معيده انا اطل في دكتوره ليلى واقول قدمت بس ما قبلوني خخخخخخ .... السؤال اللي بعدو اصعب موقف مر بحياتك ... السؤال الثالث : ايش جلستي تسوي بعد تخرجك ... واللي بعدو مسكتني انجلش بس كان مفهوم اللي هوا عشان تكوني ناجحه ايش المفروض تعملي ..... بعدين لما بديت اتنح قلبت عربي وقالت لي ايش الفرق بين النجاح والفعاليه ؟؟؟ لما جاوبت قالت انتي تشوفي نفسك فعاله ؟؟؟ امممممم وش كمااااان تقريبا هذا كل الي انسئلتو يعني كلو كان شخصي بصراحه وسبحان الله المره دي مررررررره ما حسيت لا بخوف ولا بقلق عكس تماااما المره الاولى ...

اللي يجي بدري يدخل بدري غير كذا تذكرت سؤاااال انقال لوحده قالوا لها ايش يعني مصفوفه عاد ابدئو بالبحث عن دا الشي واللي انجلش في وحده سئلوها ايش يعني ال لbcc اللي هوا الامانه العامه لمجلس التعاون شي زي كدا الانجلش يركزوا عليها ,,

نوتا · #**272** (**permalink**) 27-09-2010, 02:44 AM

[align=center]
صباح الخيرات,,,يعطيكم 1000 عافيه على النقل والله يوفقكم يارب ريحتونا,,بس تتوقعون يسألون عن التخصص؟؟ يعني موجود دكتوره لكل تخصص؟؟
الله يستر من هالشي والله نسينا اللي درسناه.
[/align]

بنت كول · #**273** (**permalink**) 27-09-2010, 05:27 AM

الله يجزاكم كل خير يارب
وان شاء الله تتسهل الامور

دانة المسك · #**274** (**permalink**) 27-09-2010, 05:47 AM

الله يجزاكم كل خير يعطيكم العافية ما قصرتوا
الله ييسرها لنا ويكتب لنا كل مافية خير

نوتا · #**275** (**permalink**) 27-09-2010, 02:30 PM

مساء الخير,,يالغاليات انا اتأكدت من صاحبتي سوت المقابله امس مافي اسئله عن التخصص,,كله شخصي وعن الوظيفه زي ماقالوا البنات الله يعطيهم ويعطيها العافيه..

[align=center]
والورقه اتوزعت اكيد..شدوا حيلكم بال E
[/align]

عبيرص · #**276** (**permalink**) 27-09-2010, 03:36 PM

يا اخواتي
فيه تصحيح لمعلومة ...
bcc هو رمز الرسايل المخفية في الايميل وهي اختصار كلمةblind carbon copy
مجلس التعاون اختصاره gcc
Gulf Cooperation Council

دانة المسك · #**277** (**permalink**) 27-09-2010, 06:02 PM

الله يسعدكم ويوفقكم ماقصرتو يابنات

بنت كول · #**278** (**permalink**) 27-09-2010, 06:07 PM

السلام عليكم ورحمة الله وبركاته
دعواتكم لي يابنات
مقابلتي غدا الثلاثاء وباذن الله هاكتب كل شي يصير
بس راح اتاخر لاني مو من سكان جده على مارجع منطقتي بإذن الله على خير واحكي لكم عن كل شي
بليز بنات دعواتكم
بدا التوتر من الان

Antigone · #**279** (**permalink**) 27-09-2010, 07:09 PM

بالتوفيق للجميع

Antigone · #**280** (**permalink**) 27-09-2010, 07:13 PM

الله ييسر لك أمرك و مقابلتك ،،،،

قولي قبل لا تدخلي المقابلة ادعية الاستفتاح و قولي الاية

وجعلنا من بين أيديهم سدا ومن خلفهم سدا فغشيناهم فهم لا يبصرون

.... موفقة باذن الله ....

المقابله الشخصيه (وزارة الخارجية)

إستفسارات ونتائج وظائف القطاع الخاص

السلام عليكم ورحمة الله وبركاته كيفكم يابنات ..؟؟ طبعا مثل مانتم عارفين اليوم بدات المقابله الشخصية لوظائف وزارة الخارجية ومكانها بجامعة الملك...

المقابله الشخصيه (وزارة الخارجية)

تسجيل الدخول

المقابله الشخصيه (وزارة الخارجية)

إستفسارات ونتائج وظائف القطاع الخاص

السلام عليكم ورحمة الله وبركاته كيفكم يابنات ..؟؟ طبعا مثل مانتم عارفين اليوم بدات المقابله الشخصية لوظائف وزارة الخارجية ومكانها بجامعة الملك...

المقابله الشخصيه (وزارة الخارجية)