بسم الله الرحمن الرحيم
لما تكون الوحده عايشه في وطن غني وتدفعها الحاجه لهذا الطريق ماهو حرام بس لا والف لا اموووووت وانا شريفه ارحم لي قصتي كالاتي تزوجت وكنت حاسه الدنياورديه وفرحانه اول ايام البصل موالعسل استغربت تصرفات زوجي كان دايم صاك عليه الغرفه ومهوب يمي حتى ليلة الدخله ماطالع فيني مع اني ولله الحمد جميله ومن عائله بس الحظ الردي حطني في طريقه المهم حسيت بتعب ورحت للدكتوره وقالت حامل وطرت من الفرح مرت الايام واكتشفت ان زوجي مدمن هيروين تخيلو الصدمه جمعت قواي وقلت لازم اوقف جنبه مهما يصير وبدت المعاناه نحاول ويفشل ونرجع نحاول واقنعته يدخل مستشفى الامل ورحت معه يوم دخلناعندالدكتور كانت الصدمه جاب ملف الاهو مدمن من 20 سنه ودخل كم مره وجلست اترجا الدكتور يدخله ولايكون فيها دعوه قضائيه(لان اللي يدخل المدمن له خمس فرص للمستشفى بعدها يسجنونه)المهم قعد ثلاث اسابيع واول ماطلع راح للمروج وشراله وكشفته طبعآالمهم ولدت وتوني طالعه من النفاس مالي يومين قالي ان الشرطه مسكوه وانصدمت وحققو معه وطلقوسراحه وبعد اسبوع استدعوه المديريه العامه للمخدرات وراح ولا عاد رجع وانا لحالي انا وولدي الصغيرولامعي ولا ريال يتبع--

تابع
المهم قعددت انا وولدي الصغير وضايقه الدنيا فيني قررت ماني قايله لاهلي لان احنا من عائله معروفه واخاف من كثر الحكي وبكره يعيرون ولدي بأبوه والناس للأسف يحبون الحكي والشماته المهم ماخلت جهه حكوميه ماكلمتها عشان اعرف بكم ينحكم واكثرهم يفزعون فزعات وراها نيه شينه هو انمسك شهر سبعه والحكم كان شهر احد عشر تخيلو بس النفسيه والضغوط ومع هذا كله اهلي مايدرون عن شي حتى امي لاني خفت تقول لاخواني واخواني يقولون لحريمهم وينتشر الخبر استمريت على هالوضع يوم طلع الحكم كنت عند اهلي وقايله انه مسافر بعثه برا ودريت ان الحكم سنتين ونص بغى يغمى علي تمالكت نفسي واضحك واسولف واذا صكيت باب غرفتي حضنت ولدي وانهرت في البكي مرت سنه وسبعة شهور وانا في حال الله العالم به وكل ماجا عفو تاملت يشمله بس ماشمله لان عنده سوابق كنت اروح ازوره انا وولدي بس لو تشوفون كيف التفتيش ومسخرة الضباط علينا شي الله العالم به والتكاسي اللي كنت اركب معهم من الساعه خمس الفجر وكيف وزع واحدباكستاني رقمي وكيف قامو يهددوني عشاني لحالي وزوجي مسجون المهم طلع بعد سنه وسبع شهور واول ماطلع وقبل مايجيني انا وولده راح للمروجين يشتري منهم لان في السجن كانو يبيعون عليهم المخدرات تصدقون وانا اقول يمكنها خيره سجنه بيترك هالبلاوي طلعت المصايب في السجن وهذي حياتي معه انفصل من وظيفته وكان يقولي والله لأعوضك ولاهالحين وانا اعاني معه والمشكله انا عاطله والضمان يوم طلع من السجن اخذو الصرافه اللي كانت تمشي لنا يومه مسجون وعطوه 18 الف اعانه مقطوعه صرفها غلى البلاوي وهالحين عايشين على اللي يجينا من الناس والضمان رافض يصرف لنا لانه موعاجز وانا تعبت من دوارت الوظيفه المفروض الدوله تخلي اللي مثل حالتيوزوجات المساجين لهم اسبقيه في التوظيف وانا انسانه طموحه ومعي بكالوريوس تربوي وناجحه في تصميم الملابس وذوقي حلو واملك مواهب كثيره بس مدري وش اسوي الطرق اسودت في وجهي يااتوظف وهذا صار شبه مستحيل يااطر وانا انسانه اتعفف من هالشي والله دمعتي على خدي اذا احد عطاني شي قولولي وش الححححححل؟؟؟؟

لا حول ولاقوة الا بالله العلى العظيم

زوجك هذا مايتوووب والسبب ليس هوو وانما السبب على عدم تنفيذ حكم الله من قبل الجهات المختصه!

لماذا لم يتعقبووو مصدر المخدرات وتطبيق شرع الله ,, لكان الان بصحة وعافية هو وغيرره من الضحاااياا

مشكلة المخدرات ادمااان شديد مثله بمثل شرب الدخان لا يستطيع الاقلاع عنه الا بالصعوووووبة

واستغرب تكرار فعلته مرة اخرى في شرااء المخدر !! الله يهدييه بس هو اللحين بطريق الانتحار لو ما تاب منه..

كل ماعليك هو الدعاء اخر الليل لعلى الله يهديه ويعيده كما كان شخص صالح ومنها يجد عمل وليس بذالك بعيد

فقط كل مايهمك هو أمل وحسن الظن بالله + استغفار + دعاء اناء الليل +كثرة الصلاة

وبهذه باذن لله الحى القيوووم سوف تتحسن حالتكم وتعود كما كااانت فقط ااذا طلبتى فاطلبي الله وان استعنتى فستعينى بالله فهو القادر على كل شى سبحاااااانه

واسال الله صاحب العرش العظيم ان يمد لكم الصحة والعافية وان يفتح ابواب الرزق لكم ويجعلها مباركة طيبه
ويحفظ ابنكم ويعافى ابااااه في القريب العاجل ,,,,

الله يكون في عونك
و الله أتخيل المشكلة بتمعن
يعني 20 سنة و ش بقى من عمره
لكن أنتي أختي الله يحفظك
لا تفكرين الوضع هين و تتحملينه لوحدك
مدمن و له سوابق و أول ما يظهر يروح يشتري
هذا ميؤس منه بكل صراحة
أقول جزاك الله خير و الله يثيبك على ما تفعلين
لكن لكل داء دواء
و لا يمكن تحمل كل هذا الوضع لانه اب لإبنك و زوجك
و أخوانك و أهلك لا يعرفون
و يمكن بعيدة عنهم لان مثل زوجك يكون معروف لدى الناس و منهم أخوانك
اعرف الكثير من هذه القصص و لدى صديق يحدثني عن شقيقه
يقول ما باقي إلا ابكي تحت رجليه أن يترك هذا الدمار
و لا فائدة ينسجن و يخرج و يعمل مشاكل في البيت و يتهجم على امه و أبوه
و يعود كما كان
أما المخدرات في السجن هذا الفساد بعينه
حتى يصلون درجة الإدمان من كثر التعاطي
و أخرها طبيب نفسي هو اللى يروج مخدرات
كان الله في عنك

هلا اختى ودي اساعدك والله بس ما اقدر


عموما الحل هو انك تكوني معا الله اسغفري كثير وادعي اخر الليل كثير
ثاني حاولي تسمعين زوجك شريط اسلامي في شريط اسمه يوسف الصالح هذا كان مدمن 20 سنه وتاب شريط جدا ماثر يبكي الشخص الي يسمعه ..وتلقينه في اليوتيوب ..
انصحيه كثير قول شوف الناس وين وحنا وين ومانبغى احد يتكلم عنا وانا احبك وما ابغى احد يتكلم عنا وعندنا ولد ولازم نعلمه وموعيب انك مدمن وتغلط بس العيب انك تتمادى ولا تصحح اغلاطك ومن االكلام هذا اعطيه ..وما نبغى نقعد نطلب احد يساعدنا ويذلنا اتشغل انت لو تكسي كداد اي حاجه يقدر يشتغل يدبر عمره لو يقول مافيه لا فيه ويحصل بس الواحد يدعي ويصلي . والشغل موجود لو سعى الشخص لو يبيع حبب عند المساجد مو عيب ناس صارت تجار من هي الشغله ..اضربك مثال والله اعرف شخص كان يجمع علب الحمضيات التالفه وكنت اضحك عليه اقول ياحجه تقعد تجمع وتشتري من الحجات واضحك عليه ...الرجال الحين هذا صار تاجر ويبيع ويتشري بسكراب واشتري بيت وتزوج ثنيتن وسيارة الله يرزقه تذكرت يوم اضحك عليه صار هو يضحك عليه ..انا اسف طلعت عن خارج الموضوع بس حبيت اعلمك انه الشغل موجود ....
وبصراحه لاتزعلين مني انت لك اساس في زوجك تساعدينه اشفيك ترى الحرمه لها اثر على الرجال باسلوبك تقنيعه وتحكمين فيه بعد ,,,في شخض ايضا كان يدمن حشيش بعد ماتزوج ب 9 شهور الحرمه شافته المهم بعدها ب 3 شهور بطل الرجال وانا ماصدقت والله زي ما اقوولك الحرمه لها اسلوب ومكان عند الرجال
وبعديين انتي غلطانه يوم تقول ما ابغى احد يدري عيب ويعيرون ولده او يعروك انتي

غلطانه انتي كذا ولو تعطيه فلوس تكوني غلطانه كذا شجيعه على الغلط ولا ادمان
وتذكري مو انت لحالك كذا كثيرين والله في ناس يخلون حريمهم يروح عند البياع وفي حريم يدمنون من ازواجهم وفي قصص والله تشيب الراس يعني انت امرك بسيط الحل عندك بعد الله زي ما قلتتلك اسلوبك هو يقنعه

الله يعينك اختي ويكون في عونك
لو بيدي شي والله اساعدك

اخواني اثلج صدري ردودكم اما يوم تقول ياخوي (مليت )الحرمه لها اسلوبها الله العالم وش كنت اسوي معه وديته لدكتور نفسي كنت اسهر الليل عليه وهو تطريش والام مايعلم به الاالله كنت امشي على رجولي للصيدليات عشان اجيب سابوفين ودوا اللتطريش ماخليت باب ماطرقته كلمت جمعية المدمنين المجهولين ونسقت معهم يجون يقعدون معه قريت له قصص واحفزه كم مره وهو دايم يقول الله يجازيك الجنه عزالله انك بنت رجال هو ياخوي مومن قبيلتي ولا يعرفونه ربعنا زين جابه النصيب لي الله يعين بس انا هالحين ابي ابد مشروع انستر انا وعيالي منه لاني حملت وجبت ولدتاني وبغيت انجن يوم دريت اني حامل الله العالم بس انا وش سويت والله لايضيع لي تعب ييارب انا ودي اقدم على صندوق المئويه اوعبد اللطيف جميل اي جهه بس يدعموني لو بعشرين الف لاني ابي خياطه في البيت وانا اصمم موديلات بشهادة صديقاتي حلوه بس ابي احط رجلي على بداية الطريق احس انها مسدوده في وجهي عسى ربي يفرجها علي وعلى المسلمين اويرزقني بوظيفه حكوميه وادرس لو في خرخير الله كريم