السلام عليكم ورحمة الله وبركاته

كل يوم انا طامر لكم بـ مشروع ، اليوم عندي مشروع شرير مره < متعوب على شرير .. وبقوله لكم .. وابيكم تعطونــي رأيكم ،،

مشروعي هو :/

.

.

.

.

.

.

.

.

.


مقهى شبابي .. واولاً واخيراً بدون شيشـــــه .. لان هالشي يدخل تحت مسمّى الحرام ، وانا ابي ابعد عنه كل البعد ..

بخليه في نفس مواقـع القهاوي الشعبيه حقت الشيشـه وكذا ، مو ازين .. لكن الحين بقول فكرتي ..المقهى يكون شعبي نوعـــــــاً ما ، في الديكور وطريقة تقديم الطلبات .. اخلي الجلسات ارضيه طبعاً بـ اخليهاا قسمين ، قسم مغلق اخلي فيه 4 جلسات .. في ناس انطوائيين مايحبون احد يشوفهم وهم منبطحين على ام بي سي 2 وسعابيلهم تقوطر على انجلينا جولي يوم تجي في شخصيه تومب رايدر < بدوي محد يلومك ،

وممكن استغني عن فكره المغلق .. وبحط في وسط المقهى بوفيه صغيره كذا حق وجبات خفيفـه ، سآندوتشآت وعصيرات طازجه برتقال ورمان وانواع واجد وعصيرات وجاهزه مثل البيبسي وهالاشكال .. واحط انترنت طبعاً واير لس ، واجيب لي كم لاب توب للايجار .. الساعه بـ20 ريال وانت ماشي .. وتلفزيونات واشتراكات شوتايم واوربت .. وبلايستيشن ، اخلي اللي يبي يلعب الساعه بـ20 تقريباً .. وانظم دوري للكوره فيه .. والاشتراك من 40 ، كم واحد بيشتـرك .. واحط جائزه بلايستشن 3 .. وجوائر رمزيه للمركزين الثاني والثالث .. < برضوا فكرة الدوري ممكن استغني عنها ، احس بـ تصير مزعجه بشكل لا يحتمل ..

لكن المشكله الكبرى وكلنا ندري بها ، ان محد يجي هالمقاهي الا يبي يشيش .. طبعاً الديكور للحين مافكرت فيه ، لكن يسهلها ربي .. بس اللي مسبب لي الازمه اني ابي طرق ثانيه اجذب فيها العملاء ..

اللي يخطر على باله اي فكره ، اي فكررررررررررره .. لو حاجه بسيطه ، يقولها وله مني احلى دعوه .. واللي عَصَر مخيخـه ولا حصل شي يقوله كـ فكرره ، يرفــــــــع لي الموضوووع لـ عيوني ..


الله يجزاكم بالخيـررر يااخواني واخواتي .. ويحقق لكم كل ماتتمنون من وظايف او مشاريع ، واولاً واخيراً ، الله يرضى عليكم ويرزقكم الجنـــه ..