بسم الله الرحمن الرحيم
عندي استفسار وقلت مالي الا الله ثم اعضاء منتدنا الاوفياء
كلمتني صاحبتي اليوم تقول جاه عرض من بنك مسقط
بصراحه انا سبق اني لمحت مبنى البنك من برى (طريق الملك فهدبالرياض)
وهي محتاره تروح اولا؟
السؤال هو كالتالي : اذا احد من اخواني الاعضاء لديه فكره عن البنك واداراته ورواتبهم
يعني بالعربي كل حاجه
دمتم بخير وشكرا مقدما

راح اوضح لك

يا اختي الكريمه اعرف زميل لي شغال بنفس الفرع الي حكيتي عنه بصراحه الرجال يبي الطلعه باقرب وقت
يقول السعودي محارب جدا جدا وفوق هذا طلبوه يسوق بطائق وقروض ربوية وفيها تغرير على الناس وخداعهم تخيلي يقول لخويي لمن يطلب العميل قرض وقعه على ورقة بطاقة ائتمانية وهو ما يدري وقله هذي من ضمن اوراق القرض..
ورواتبهم مو بذاك الزود يعني مصارفنا افضل بكثير...وسمعت انهم يحبون امور النفتاحية والحياة المختلطه عاد انتي عارفه وش اقصد.....

نصيحتي...

من ترك شيئا لله عوضة الله بالافضل والله يا اختي اني كلمت الشيخ العصيمي قبل فترة مضت لاني كنت بتوظف بالبنك العربي وقالي والله العظيم انك لو تشحذث بالمساجد انه افضلك من العمل فبنك ربوي ...وتاكدي يا اختي ان اليوم حياة وغدا ممات ...ودام خويتك لها شهادة مختصة بالبنوك انصحها بالراجحي او الانماء او البلاد بنوك اسلامية والمشايخ ينصحون بالعمل بها....

اسال الله لك ولها التوفيق في الدارين وامانه توصلين لها كلامي ..... انها ما تروح لان الشغلة فيها امور لا تحمد عقباها....وعلى فكرة يا اختي الراجحي بيفتتح السنه القادمة 99 فرع واغلبها نسائية...

بنك فاشل جدا

بنك ربوي لا أنصح خويتك فيه لأن فيه إختلاط وربوي 100%

بنك ربوي أختي

بناء على كلام شخص كان يعمل به سابقا ...

الله يعوضها بأفضل منه

الله وأعلم

الله يجازيكم كل الخير
ويجعله بموازين حسناتكم
راح اخبرها بالمعلومات اللى ذكرتوها
وعموما هي شغاله ببنك سعودي بس تبحث عن الافضل
الله يرزقها ويرزقكم بالرزق الحلال

من ترك شيئاً لله عوضه الله خير منه

قال الله تعالى: (وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب )