السلام عليكم
مساء الخير للجميع

هذي اول فكرة اطرحها بالمنتدى الحقيقة الفكرة داخله مزاجي لكن ابي منكم كان احد عنده فكرة عنها لايبخل علينا
الفكرة هي اعداد القهوة والشاي للشقق اللي متوفرة الايام هذي في كل مكان ( أقصد شقق العزابيه)
الطريقة:
1ـ تدور لك محل لآعداد القهوة والشاهي
2ـ تجيب اغراض القهوه والشاهي
3ـ تشتري مجموعه من ثلاجات القهوه والشاهي
4ـ تشتري تمر وحلى وتقسمة في صحون صغيرة تقدم حسب الطلب
5ـ بعد اعداد القهوة والشاهي تقوم بتوصيلها للشقق حسب الطلب
والله ياشباب انا حسبتها والله فيها خير بس وين اللي يشتغل
لو نفترض ان العمارة فيها 10 شقق كل شقه يوميا تطلب مرة وحدة بس قهوة وشاهي وتمر مع الحلى 15*10= 150 اضعف الايمان 150*20=3000 هذا اضعف الايمان
حسبت انك تشتغل 20 يوم بالشهر بس

تقبلوا مروري تسعدني ملاحظاتكم

فكره حلوه ،، ولكن تنفع بالاعراس والحفلات والاستراحات ،، الليله الوحده يمكن توصل 500 او اكثر بكثير ،،

او حتى تجيب عاملين ويشتغلون ولهم نسبه وانت لك النص ،،

الله يوفقك

فكره حلوووه

طبعا النزيل للفندق قد لايعلم..كونه بعد عمله يكون داخل غرفته..

ولكن هل تجد نعاون كبير من رسيبشن الفندق او الشقق؟؟

^
هنا مربط الفرس على قولتهم...

الله يوفقك ويرزقك

بروح اطقطق على شقق العزاب تبون قهوة وشاهي ؟

مادخلت راسي ع العموم الله يوفقك

يسلممو ع الفكرره

بس بعد ماادخلت باالي يبي لك رااس مااالي

لان الديكوور لمثل هالمشاااريع مهم

وجهة نظر

انا اقول ان شاء الله بتنجح والله اخوي عزابي بعيد عنا وكل الراتب اكل وشرب مع انه لديهم في الشقة مطبخ بس
-يليت تبيع مع الشاهي والقهوة المكسرات والفطاير والكرسونات الجاهزه ونوع الشاهي نعناع واذاتقدر مغربي وخل اسعارك حلوه تناسب العزاب
-اكتب بورقة على الكمبيوتر عن محلك وماتبيعه والاسعار وانك توصلها لشقة بريالين فقط وصورها 100 ورقه ووزعها على كل الشقق اوحطها عند الباب واهم شي حط الرقم بلاعلان لتواصل والطلب
-انتبه وخلك حريص عند توصيلك او العامل للشقق لان موب كل الشباب صالحين خلك ذيب

بتوفيق ادعلي اختك في الله بذرية الصالحة .................................................. .......

يبيلك عامل على كفالتك وسياره ما تحتاجها ابو 2000 الى 5000 ريال كرسيده ياحليلها

ومو محتاج محل في البيت الاهل يسونها ووزع منشورات عن المغاسل الى في نفس الشقق
وحط الاسعار ولا تنسا تامين على الثلاجه والفناجيل والصحن يعني تامين 30 ريال
تدفع مع الحساب وبعد ساعه يمر الهندي على الشقق يشيل الاغراض ويرجع التامين
تخيل كم شقه في حيك اكثر من 50 الى 70 شقه عزاب خل في اليوم 10 بس* 20 ريال قيمه قهوه وشاي = 200 ريال اضربها في 20 يوم = 4000
اغراض الشاي والقهوه قل 1000 ريال
راتب العامل 700
زيت وبنزين 500
وفي الجيب 1800 ريال شهريا
وبتزبط الامور لو في خدامه في البيت

فكرة مره حلوة والأخوان اقتراحاتهم حلوه .. والله يوفق الجميع

الله يعطيكم العافيه

اقتراحتكم في محلها
باذن الله جاري البحث عن المواقع ودراسة عدد السكان فيها

اتمنى لك التوفيق