اخي ممكن توصفني موقع محلك لاني يمكن ازور المدينة خلال الايام القادمة منها اتعرف عليك ومنها اعطيك افكار تعجبك ان شاء الله
اول شي
انصحك تسوي لوحة داخل المحل تحمل صورالسيارات التي تم تزيينها عن طريق المحل
ثانيا سجل عضويات في منتديات السيارات مثل تويوتا ومكشات وغيرها ونزل عروض على الزينون
حاول يكون لديك حب التوليف للسيارت مثلا تركيب شبك سيارة على سيارة اخرى او خطوط
ايضا طباعة الملصقات لو قدرت مع الايام تجيب جهاز كمبويتر وطابعة ممتازة لطباعة الملصقات
مثال

توفر الشاشات والتخشيب

تجهيز سيارات الزواج

الاهتمام بالمناسبات

زينة الاندية

اهتم بالتخشيب


والتظليل فيشغل


والتنجيد


وتجليد السيارة

المحل الزينه فكره حلوه جدا ً اذا عندك راس مال فتوكل على الله اهم شي بالمحل قبل الاسم الموقع لازم يكون في موقع حيوي جدا ً جداً و وموقع يكون معروف للشباب او يدورون فيه يعني مكان اهم شي لك

وبالنسبه للاسم الخطوه الثانيه يكون اسم حلو ورايق وشبابي لان كل الي بيجونك اغلبهم شباب ..

والثالثه تجهز المحل بكل شي بحيث ان الي يجيك يلقى كل شي يبيه موب توفر شي وتترك شي لان الواحد لما يدخل محل ويلقى كل الي يبيه بيستمر يجيك ..

والفكره الرابعه تجيب الاله طباعه عبارات استكرات صدقني هذي لحالها مكسب لحاله وبتدعي لي ..

و الخامسه تجيب عمال لبقين جدا جدا مع الزبون ويكون اسلوبهم حلو وخفيف ومقنع وافضل لك السودانيه والهنود بس يكون المسول والوجه المباشر للزبون سوداني ..


شوف بااي تجاره اذا توفر المكـــآن + الديكور + البضاعه + فريق عمل جيد = نجاح اي مشروع

ولو تبي محلات جمله لو تبي تفتحه بالرياض بدلك على كم محل جمله وتوفر لك ..


ولو فتحت المحل سو سحب على هدايا عينيه عشان الكل يشوف المحل ويجي حتى لو كان عشان الهدايا يعني يشوف المحل والتنظيم من قرب ..


والله يوفقنا وياك

لا تنسى تمر دبي ترا بضاعتهم حلوة

بالتوفيق

يا هلا باخوي للأسف عاشق

أنا مالي خبرة في هذا المجال لكن حاب أعطيك نصائح واقتراحات من الأشياء اللي تنقصنا بالمدينة :

1 ) فريق العمل يكون متميز في شغله وتكون أخلاقه حلوة وسريع لأني رحت أضبط السيارة في محل في مجمع حامد الأحمدي جلست من الساعة 5 العصر حتى الساعة 10 ونصف بالليل والعامل نفسه على راس خشمه مثل ما يقولون ولا عنده اهتمام بالزبون لا عنده اهتمام بكثرة الزبائن يعني يشتغل في سيارتك شوي ثم بعدها ما تحصله تبحث عنه تلقاه جايب زبون ثاني وجالس يشتغل له .

2 ) توفير كل شيء بالمحل من خدمات السيارات والعناية بها ولو كان نشاطه عناية بالسيارات وجبت ماكينتين غسيل بالبخار يكون جيد .

3 ) الأسعار الأسعار الأسعار الأسعار الجيدة يعني حاول تروح مجمع حامد الأحمدي وتروح محطة العريض اللي عند مدارس الأوس الأهلية وتشوف الأسعار عنهم وتخفض أكثر منهم ( والربح القليل يجلب الرزق )

4 ) توفير مكان زي ما تقول مكتب بسيط يكون فيه كم قطعة كنب وشاشة تلفزيون وثلاجة قهوة وشاي للزباين اللي تشتغلون في سياراتهم لأن أغلب اللي يزورونكم من الشباب أنا أعرف واحد كان يبغى يشتغل بسيارته وكانت فيه مباراة ذاك اليوم قال خلاص بعد المباراة بينما لو كان فيه شاشة تلفزيون في مكتب خاص يروح ويصيد طيرين برمية أثناء المباراة العمال شغالين في سيارته ولأني زي ما قلت لك تخيل جلست من 5 إلى 10 ونصف ما أدري وين أروح العامل منزل المراتب كلها ينجدها وأنا مرة بالبوفيه ومرة ألف بين المحلات ومرة أروح للمسجد أجلس فيه .

5 ) اهتم بالديكور لأني رحت المجمع اللي عند حامد الأحمدي ما فيه محل مهتم بالديكور نهائياً ومع هذا الطلب جيد .

6 ) الموقع : اختر موقع مميز والا فيه محلات زينة سيارات لأني شفت من اللي في المجمع حسد غير طبيعي ( إذا واحد حصل زبون تحصل الثاني حاقد عليه .

7 ) الصدق والأمانة والدقة في العمل والمواعيد : لأن الناس تدور الشخص الصادق الآن واللي يضمن سيارته وهي عنده سيارتي الآن بدأت تفكك التنجيدة وتخرب مع العلم إنه قال لي ساعتين وأنت منتهي ومرت 5 ساعات وأنا عنده .



وأخيراً لا تنسى تقولنا وين موقع المحل إذا افتتحته وبإذن الله نكون من أول زباينك بس الله الله بالتخفيض .

وأسأل الله لك التوفيق في مشروعك وفي حياتك وآخرتك