سما
ياخوان اليوم اتصل علي واحد من شركة سما يقول عندك موعد المقابلة يوم الأربعا المقبل
بالرياض المقر الريئسي حبيت أسل فية أحد أخذ مقابلة معهم كيف الشركة وأين موقعه بالظبط لآني ماني فاضي أطق مشوارمن المدينه

ليش منت فاضي .. ؟؟!!
ياخوي .. أعقلهــا وتوكل
يمكن تكـون فاتحـة خير بالنسبـة لك


بالنسبــة للمقابلـة الشخصيـة عندهم .. ماعندي معلومـة عنها
إن شاء الله يفـيدك أحد الأخوان ممّن لهم تجربـة مع سما
بالتوفيق ياخــوي

حلوه ذي ماني فاضي،،انا اتوقع انك عاطل فاكيد بتكون فاضي
الواحد مايصدق تلفونه يرن من اول رنه يرد ويتشقق من وناسه اذا قال له عندك مقابله تعال

توكل على الله وروح،، ولاتياس ماتدري ووين نصيبك فيه ،،واذا ماصار معك شي لاتندم يكفي اكتسبت خبره بالمقابلات

وعن الشركه ماعندي ايه فكره عنها بس انا اذكر قدمت عليها>>حتى بوظايف رجال نشبت

بس اتوقع انها كويسه

وفالكـ التوفيق يارب

أنا لاعرف أحد عمل مقابله مع سما

المقابلات الشخصيه في كل مكان تكلم عن نفسك ثم تخصصك بالعربي أو بالأنجليزي على حسب وضع الشركة
وتكون مبتسم والمظهر له دور كبير بالتقييم
ويمكن يسألك عن هواياتك وأسئله أخرى تتعلق بمواقف مرت عليك أثناء عملك السابق او أثناء التدريب
وأنتبه لوضع جلوسك مناسب ...تأكد أنك لست مستعجل وهادئ ومركز مع اللجنه او المقابلين وبالتوفيق

والله وأنا أخوك روح للمقابله يمكن تكون فاتحة خير ولا تردد وأن ماجازت الشركة أسحب على ألي جابها ورزق عند الله ولا تجلس وتقول لازم يجي شيء ممتاز ومعروف تراء الجلسة بطاله وأنت ( من مطير حمران النواظر أهل الطولات من غير قاصر بالقبائل ) والله يرزقك ويحقق لك كل ماتتمناه .
تحيـــــــــــــــــــــــــاتي

حبيبي اول شي
سلام عليكم الحميع ؟
بخصوص المقابله ؟
انا سويت مقابله قبل اسبوعين تقريبا في شركة ؛سما؛ورحت على حسب الوقت الي هم طالبينه طبعا انا رحتلهم العصر ساعه 5
حبيبي يسالك عن الشهايد والخبرات الي انت حاصل عليها
كمان يقول ححد راتبك عاد انت حدد الي تبي يعني ؟
قالي روح واحنا نتصل عليك تجينا بعد اسبوع
والا الان محد اتصل
يعني باختصار ماعندهم سالفه
الموقع بجوار مستشفى بخش شارع الستين
وسلامتك انت سوي الي عليك

God help you brotherly

اخوي
هل هي شركة سما للطيران او شركة سمة السعودية للمعلومات الائتمانية ؟