يابوي حبيته وابي اطلب يدهـ الفراغ + هدوء = جرف بدحديره

وثيقه متلحفه · #1 (**permalink**) 16-05-2010, 11:37 PM

مدخل
ليتني اعرف بيته واطلب يدهـ من ابوهـ
ليت ابوهـ وابوي اخوان واقوله
ياولد عمي مكانك بمحجر العين
ياولد عمي شيل همي
وان ماعجبني وشفته ناكس خلعته بثلاث واخذت اخوهـ

جاتني رساله كول مي !! ومن بعدها وحالتي حاله مدري هو هالحب ..!!
اللي قطع مصارين البعارين ولا العشق اللي ذبح الشعب المصري

الوكاد انه هالحب ياقوته يطير النوم عن العين وغديت اسرح وامرح
والافكار الورديه والنرجسيه لعبت فيه
مير اني بصرح لأهلي عن حبي وعن محبوبي

كفايه عذاب ابيه بقربي.... اخاف يروح مني اذا راح مني مااسامح نفسي ..
رميت برقع الحيا بوجه العادات والتقاليد وشمرت وحطيت رجلي ودقيت ريوس عند
غرفة ابوي قلت مالها داعي احط حواجز بيني وبين ابوي وبدخل عليه من غير اطربق
وادق الباب وماني قيلتن له سلام عليكم اسدح له الموضوع يعرف اني جادتن بحبي
موب لعب ولا حبن بزارين

يابوي

ابوي

مارد عليه معطيني قفاه يقلك انه معصب ويبيني افهم واخرج من الغرفه

دخلت عليه بمدخل شنيع وقلت

يابوي حبيته وحبه شلع قلبي نصفين

رقم جاني وتعلق قلبي به <عجوز قريح مب حاقره نفسها [IMG]http://www.*****.com/up/uploads/images/*****-83409c2305.gif[/IMG]

وانتهى مسلسل معالي زايد ونكتفي بهذا الحد

السلام عليكم ورحمة الله وبركاته

ترون هالطلاسم اللي فوق يقولون اللي بحولي مابيه انوثه قلت اجرب الدلع
يقالك الحين بقمة دلعي

يوم اكتب هالمقدمه واني بعيشكم اجواء رومنصيه
الله ياخذ عفريتكم على ابليسكم فضحوتنا من كثر ماتتميلحون بالمواقع
يوم سالتهم قالوا بلاهم فاقدين العاطفه عيالكم

ماعلينا منكم عساكم ماتلقون هالعاطفه بنجي عند زبدة موضوعنا

الفراغ

تعريف الفراغ :

شعور ينتاب كل سلتوح وجحنط وبني البشر واحساس بوجود ثقب
يصدر من دخان تضرب اسلاك المخ والقلب

رواية اخرى ( الفراغ من فارغ الشي لحد الملل )

( أسبابه )
1

التسدح على هالاجهزة لين الفجر
وهذا من اكبر الأسباب من تقومون من نومكم حتى الغبره ماتنفضونها عن وجيهكم
تشغلون هالاب وتتكون عليه وتقولون طفش

مير عدلوا جدولكم الخايس تتعدل أخلاقكم وماتحسون بها الفراغ ..!!

2
هو مرتبط بالاول يمال العطسه تعطسونها وتتطلع الغبار من روسكم
الاعتماد والتقاسع عن الاعمال اليوميه

وهالسبين اهم الاسباب ومخلوطه معها العلاج
علاج الفراغ تلقونه بوسط الاسباب < ماني بفاضيتن لكم استخرج الاسباب من العلاج

( الهدوء)

ترون الهدوء منعون يقود للهاويه براحه ويسحبكم للجرف
مب طيبه تعرفون الهدوء ابليس يحضر فيها
وانا وحده من اللي يخافون على اعمارهم مير يقولون به مستقبل اقشر
ينتظرني بعد خمسين سنه .

اخاف انحرف بها الاوضاع هدودء + فراغ = بطيح بجرف

اعوذ بالله من ابليس << فالك ماقبلناه

تروني اصلي واسبح واحصن عمري بس تعرفون ابليس ملعون
وعارفن اني فقد ابو شرارة ومن بعده صار ماعندي لا محرم
ولا وليف لاونيس اشتقت لكلمة ياعجوز قريح وكنت اناديه
شيبة عرر

ايام العيد كان يقول سحيله ام الخلاقين وانا اقول له .. ياعداد الغنم

ترون حالكم مايسر... وراكم كلن يمشي ام العبيد ترقص عند خشمه

تسنعوا الله يصلحكم ولا قسمن ازوجكم اخوات ابو ابو شراره
واخوان ابوشرارة تروهم على الذمه قاعدين

تبون تحذفون الموضوع تعفطونه وتنطلونه برميل البلدية ماهناك زعل
خذو راحتكم

< ركزوا ع الفيس تراه صادق

عندي طلب مايرد الطيب غير الئيم

تلزقون خمس نجوم بموضوعي تكفون يوم بحس اني متكوشخه ترون
لاتنسون اني مشرفتن بمحبس الجن

وضيفه بالواحه والعرب مايردون ضيوفهم حطوا لي نجمات

مخرج
ياربي يامعبود تتطير الطنقره عن اعضائنا

يابوي حبيته وابي اطلب يدهـ الفراغ + هدوء = جرف بدحديره

إستراحة الأعضـاء

مدخل ليتني اعرف بيته واطلب يدهـ من ابوهـ ليت ابوهـ وابوي اخوان واقوله ياولد عمي مكانك بمحجر العين ياولد عمي شيل همي وان ماعجبني وشفته ناكس خلعته...

يابوي حبيته وابي اطلب يدهـ الفراغ + هدوء = جرف بدحديره

تسجيل الدخول

يابوي حبيته وابي اطلب يدهـ الفراغ + هدوء = جرف بدحديره

إستراحة الأعضـاء

مدخل ليتني اعرف بيته واطلب يدهـ من ابوهـ ليت ابوهـ وابوي اخوان واقوله ياولد عمي مكانك بمحجر العين ياولد عمي شيل همي وان ماعجبني وشفته ناكس خلعته...

يابوي حبيته وابي اطلب يدهـ الفراغ + هدوء = جرف بدحديره