السلام عليكم ورحمة الله وبركاته

شباااب ولا يهونو البنات اللي هنا

اول شي اذكرو الله

لا إله إلا الله .. محمد رسول الله

يالغاليين والله مدري من وين ابدأ لكن : ابي اكتب الكلام اللي براسي
واعذروني على الدش بالكلام وانا والله احس حالي ضايع بس تكفون
الفزعه الفزعه الفزعه يالذيااابه ..

شباب انا محتار بين امرين والله يشهد على كلامي اللي هي العسكريه والا المدنيه

تذكرون الخبر اللي يقول لكل عاطل 1500 ريال انا الخبر هذا اقرب لوظيفتي بتقولو كيف

اقولكم:

انا جالس عند أهلي وبالشهر تجيني 10 اوراق بس اللي علي أركب موتري وادعس للرجال واعطيهم الاوراق وارجع للبيت وبسسسس يعني زي التمشيه وتجيني مو 1500 ريال لاااا يجيني بسسس1000 ريال كل شهر ماشاءالله تبارك الله
وانا توني متخرج الحمدلله من كلية المعلمين


هذا الاول ...

لكن الثاني : (ياليت تفتحو عيونكم )



تنصحوني أكنسلها وأدخل العسكريه

(بحكم اني مقدم على المباحث برتبة جندي لو انقبلت بالمباحث يعني؟)

( او انتظر الامن العام للجامعيين برتبه وكيل رقيب)

(والا انتظر الامنيه مع ان المثل يقول اغسل يدك منها)

(او انتظر أمن المنشآت برتبة وكيل رقيب مع اني الحمدلله انقبلت بأمن المنشآت بوكيل رقيب اللي طاف تقديمها بس ما رحت وكملت ..حصلتلي ظروف منعتني!! )



والا ابقى بالشركه هاذي وانتظر الوظائف الغير تعليميه لاني مقدم عليهم ..وللي ما يعرف الوظائف الغير تعليميه يالغاليين يعني (مدنيه) يقولو المطابقه بشهر 7 ....

والله انكم اخواني وأكثر بعد وحبيت نصيحتكم لاني حبيتكم

يالذياابه تكفوون لا تقصرووون معي

أخوكم خالد العنزي

بعطيكـ وجهة نظري يمكن ما تعجبكـ بس في الاخير وجهة نظر وكل شخص له وجه نظر طيب

بخصوص العسكرية انا اكره العسكرية صراحة الا اذا كانت في مكان مثل الجنائية ووزارة الداخلية والكلية الامنية هذي تمام يعني بالله معكـ بكالوريس وتروح الامن العام مستحيل اما المباحث بدون تعليق لا حد يزعل مني اللي يحبون الشغلة احسها انها تسحب الشحض للوادي الرخيص والناس كلها اعداءكـ (بدون زعل) واحس اني محد جا بالفطرة للعسكرية ********> قوية هذي


طيب ممكن تشتغل بمدرسة اهلية صباحي واي شغلة دوام جزئي مسائي

او اشتغل ببنكـ او كاشير او مراسل اي شئ انا مجربها كلها الين تجي الوظائف التعليمية يازين التدريس ياليتني مدرس دوام ل 2 الظهر مع الطلاب اجازات3 شهور غير المواسم فله راتب 5 او 7 مادري كم هههه انصحكـ خلكـ تربوي مو دبلوم صحي وحايسين والله يوفق الجميع

وتقبل مروري ياخوي بكل سعة صدر


سبحان الله وبحمده سبحان الله العظيم

قبل ما أبدي رايي ممكن أعرف شو تخصصك

اولا ربي يوفقك ان شاء الله ويسهل عليك ويفتح عليك دنيا واخره يارب

ثاني حاجه نصيحه مني لاتروح العسكريه الا برتبة ضابط

انت جامعي مو اي كلام وحرام تروح تعب السنين والسهر ع رتبة وكيل رقيب ولى جندي

لاجل ذلك انصحك انك تبقى لما يجيك الفرج وعليك بكثر الاستغفار وصلاة الوتر اخر الليل الرب سبحانه ينزل للسماء ويقول ادعوني استجب لكم

ادع ربك لك ولنا ولجميع المسلمين وربي يوفقك ويوفق الجميع

الأنسان يضع نفسه في المكان الذي يجد انه مناسب له وفعلا يحير لأن العسكريه رواتب زينه لكن عمل جدا صعب الأ في بعض الاقسام الاداريه داخل العسكريه لكن المدنيه وخاصة الجهات الحكوميه راتب حليل واجازات سنويه

والله بصراحه قريت الموضوع وحطيت نفسي مكانك وتوهقت لكن انتظر الين ما تجيك الوظيفه المدنيه والا اذا انت مستعجل روح لامن المنشأت بصرااحه عملهم راحه وغير كذا ترقياتهم بسرعه وبالذات انك جامعي بيقدرون شهادتك وهتكون الاولويه لك بالترقياات والله يوفق الجميع

المدنية افضل بمراحل
لا تدخل عسكرية واخرتها جندي لكن اذا كان وكيل رقيب وطالع ادخلها
بالتوفيق

خالد المدنيه احسن بمليون مره وخذها نصيحه

لا اله الله محمد رسول الله ... بارك الله فيك اخوي .. الله يعينك ... بصراحه انت حطيتنا بامر صعب . ولا نعرف ميولك اكثر . ولا اعطيتنا معلومات عن تخصصك . ولا عند الدورات..
اذا تخصصك مرغوب . في التدريس .. التدريس افضل لك بكثير.. ويمكن بعض الادارات الحكوميه ترغب بتخصصك
او الشركات... الله يعينك اخوي ..

اولا


طبعا محد يرضي بالف ريال وش تسوي هذي اللي رواتبهم فوق السته ماسوت لهم شي رواتبهم مهو الف ريال



طبعا دور لك وظيفه غيرها


بس قبل لاتتركها وظيفه ابو الف ريال الا وانت مقبول بوظيفه

عشان ماتتوهق بعدين


هذا اولا



ثانيا


اذا كان تخصصك مرغوب وتخصص نادر


واذا كان مزحوم نفس تخصصك يعني يتطول وانت ماتوظفت مدرس


ولقيت لك وظيفه بالعسكريه ادخلها بشرررط

اولا تدخل الامن العام وابعد عن الجيش بكل اقسامه ليش لان معك بكالريوس

والا اللي معه ثنويه عادي

حرام تدخل وبرتبه جندي


انصحك اذا لقيت رتبه وكيل رقيب فما فوووق


وبالامن العام بكل اقسامه ورتبه مثل ماقلت وكيل رقيب


وش تنتظر


ادخلها وانت مغمض

تقول لي ليش لانك وكيل رقيب

ولا راح تتاخر بالترقيات


يعني احسب اربع او خمس سنوات وانت رقيب وبعدها قل خمس سنوات الا انت رقيب اول


رقيب اول وانت بالامن العام والله نعمه راتب زين ومرتاح شوي احسن من جندي

اذا كنت بقطاع مثل امن المنشات لانهم حديثين والترقيات ماشيه على طول

هذي نصيحتي لك


وماتدري بعد عشر سنوات او اكثر شوي الا انت رئيس رقبا وراتب باصل الي 12 الف ورمتاااح ع الاخر


وبتنفعك شهادتك اذا كنت منظبط واكيد برتاح من اول ماتتوظف لانك قطعت اشواط طويل غير اللي تعهين على رتبه جندي

يعني انت جيت من نص المسافه وبترتاح

برتبه وكيل رقيب كثثيير عن رتبه جندي

هذي نصيحتي بكل صدق واتمني لك الاتوفيق وقبلها

صل صلاه الاستخاره

والله يوفقك ويوفق الجميع


اخوك سليمان الشمري