[align=center]
السلام عليكم ورحمة الله

كيف حال الجميع ^^
انا عندي عدة استفسارات وياريت تتقبلوني بصدر رحب ..
في البداية انا سجلت في (المعهد السعودي للسيدات )بمكة لاخذ (شهادة الرخصة الدولية )
واليوم جانا خبر انه (الرخصة الدولية )اتلغت من جميع المعاهد عشان في مشكلة بينهم وبين مايكروسوفت لان الاخيرة زادت في السعر .....

طبعا المعهد خيرنا بخيارين اما دراسة دورة (استخدام الحاسب في الاعمال المكتبية ) 3 شهور
او دورة (ادخال بيانات ومعالجة نصوص ) 6 شهور

وانا محتارة اي الدورتين اقبلها للعلم ماحياخذو رسوم بس نفسي اعرف عند التقديم في الوظيفة
اي الشهادتين افضل وهل(المعهد السعودي للسيدات ) دوراته معتمده انا خايفة في النهاية مايكون في ختم .

واية الجهة الحكومية اللي ختمها معتمد هل ( المؤسسة العامة للتعليم الفني والتدريب المهني )
ولا (وزارة الخدمة المدنية ) .

واذا اتورطت واخدت الشهاده ومافيها ختم معتمد هل يقبل في الوظائف ؟؟
لانة خلاص مستحيل يرجعو الرسوم .

الله يسعدكم ياريت اي معلومة تفيدني لاني جاهلة في دي الامور
وجزاكم الله خير وربنا ييسر اموركم [/align]

اهلين حياتي شوفي من وجهة نظري ادخال بيانات افضل بكثير

وقبل كل شي عشان ماتتورطين اطلبي منهم ختم المعهد عشان تتاكدي من الاعتماد

واكيد يابعدي اذا مومعتمده ماراح تنفعك في الوظايف عشان كذا تاكدي قبل كل شي

وبالتوفيق يارب

[align=center]كروووز تسلم على الرد
ان شاء الله اسجل ادخال بيانات حتى اخواتي قالو افضل
المشكلة دا المعهد ماينعرفلهم يقولو في ختم بس عندهم سمعة وقت الشهادة تتبخر الوعود
شاكرة ردك وجزاك الله خير[/align]

الله يوفقك انا معي دورة إدخال بيانات ومعالجة نصوص 6 اشهر

دورة حلوه وفيه وظايف بتخصص إدخال بيانات

الله يوفقك ويوفق الجميع ان شاء الله