جندي العآطلين [ ماقصروا الاخوان وانت بعد ماقصرت بيض الله وجهك ]

والله يكتب لك القبول النهائي بالأمن العام ويجعلها لك خيره في حياتك [ اللهم امين يارب ]

يجي , من , يفيـدك , يـ : مشعـل انا , ماعنـدي خلفيـه
عن مركز ، تـدريب , المدينـة , المنـورة ,
بس , انا فحصـت , بقوى إلآمن , المدينـة , المنـورة,
لآكن تسليـم , إلآورآق , بمركز , تدريب ,ألمنطقـة ,ألشرقية,
بالتـوفيق , لك ,

مزيون الشرقيه ماقصرت بيض الله وجهك ياخوي الله يوفقك

لاهنت
والله ييسر كل امورك مشكور

اخوووي مشعل بالنسبه للفحص الطبي يوم رحت انا كان لازم حجز بعد كم يوم يقول يمكن لانه كان فيه ضغط عليهم
يعني تسلم اوراقك يقول لك الجندي تعال اليوم الفلاني هذا الي حصل معي لكن اتوقع هذه الايام فاضين مافيه تقديمات والكل انتهى من الكشف

اما بالنسبه لبصمات فهي الي بتلاقيها زحمه بس مايقبل منك التبصيم الا يوم يشوف ورقه الكشف الطبي بعدين يعطيك ورقه تعبيها لان التبصيم للكل وعاد انت تعرف الي بيتزوج والي جايب عامله بيصمه عشان الخروج فيبغالك تروح للكشف الطبي بدري ع الساع 7 لان التبصيم الساعه 11 يقفلون
وموفق يارب وربي يسهل لك كل امورك يارب ون شاء الله من المقبولين يارب جميعا

بس ليه ونا اخوك متاخر انت احتياط ؟؟؟؟

قشطه بالشطه

[ ربي يجزاك خير على المعلومات المفيده ]
لاني كنت بسافر اليوم لجل الاربعاء اكون عندهم
تهقى لوجيتهم السبت ازين لي
بعدين انا احتياط تقريبا [ لو مالكلمني شخص وقال روح لهم مارحت لهم ] بس هالشخص جزاه الله خير كلمهم ورحت لهم
والحمد لله عديت بالطول والوزن وقال لي الجندي تجينا باي وقت بس لاتتاخر

بس بسألك ياقشطه
وش الاوراق اللي اخذها معي للمركز [ اللي مع طلب الالتحاق ] !

وجزاك ربي الف خير والله يبيض وجهك كفيت ووفيت ياطيب

اخوووي مشعل بالنسبه للفحص الطبي يوم رحت انا كان لازم حجز بعد كم يوم يقول يمكن لانه كان فيه ضغط عليهم
يعني تسلم اوراقك يقول لك الجندي تعال اليوم الفلاني هذا الي حصل معي لكن اتوقع هذه الايام فاضين مافيه تقديمات والكل انتهى من الكشف
اما بالنسبه لبصمات تبصم عندهم
هم يودونها 0لمدينة التدريب الامن العام بالمدينه

بالتوفيق لك اخوي

بالتوفيق

اخوي مشعل انا مو مثلك احتياط
انا هذه اول مرا اقدم لكن مع طلب التحاق طالبين منا برنت لكشف حساب وبرنت من الاحوال وبرنت من المرور وصوره من كرت العائله تبع الوالد الله يحفظه لك وذا كان الوالد متوفي لاسمح الله صورة بطاقه ولي الامر و10 صور لك كاشف الراس بس انت زيدها من غير صوره بطاقتك والرخصه والشهادات وذا فيه عندك شهدات اضافيه مثل دوره حاسب جيبها معك ولا تنسى تجيب المؤهل الدراسي مصدق هو وشهاده حسن السيره
ون شاء الله اني مانسيت شي
وياليت ونا اخوك تخلص امورك بدري عشان الفرز قريب
وموفق يارب وفالنا الدوره ان شاء الله نتقابل فيها جميع