السلام عليكم


على قناة العربية دائما تعرض وجبة الاقتصادية للسوق السعودي كل ظهيرة وكان من ضمن هذه الفقرات

مقابلة مع مدير الشركة سعودي اوجيه حيث طرحت المذيعه سؤال فيه نوع من الذكاء الأعلامي لديها:

قالت المذيعة هناك سؤال يطرح كثيراً عن { سعودة سعودي اوجيه } في
الشركه ، كيف تنظرون اليها ؟

المدير اللبناني << { حمر وجهه من السؤال } قال /

هذه شركة انشائية لاتعتمد على نسب معينة في التوظيف ، فـ لدينا 65 الف عامل
6% منهم سعوديين فقط... !

والنسبة المطلوبة لدينا هي 10% ولكن لم
نستطيع تحقيقها نظراً لأن الشركة غير معنيه عن هذا الأمر

انتهى ..



انا اعتقد ان 5.5 منهم سيكورتيه والنص الباقي بوفية....!

شين وقوي عين

بس صدق يوم قال مو معني لان المعني وزارة العمل

قابلو معي مرتين بمشروع جامعة نورة بالرياض

وبعدها معاد دقو علي

لكن تبي الصدق

ترى سمعتهم في الهوى

يعني كعمل ما عندهم سالفة ، واسطاتهم في المشاريع موب ذيك القوية

شوف شركة السويلم للعقارات ماخذين مشروع قطار الحرمين بـ 2 مليار ريال بشطارتهم وذكاء الراجحي نسيب السويلم .

لكن سعودي اوجيه ماشين بالبركه وسمعة عبدالعزيز بن فهد طقها والحقها على قول المثل

بالنسبة للسعودة في سعودي اوجيه انا سمعت ان الاداريين السعودين من اصحاب الشهادات الجامعية والخبرات لا تتجاوز رواتبهم 5000 الى 6000 ريال ، واللبناني يوصل راتبه الى 12 و13 الف

يا عمي السويلم راتب المحاسب الاردني عنده يوصل 15 الف وبخبرة سنتين الى اربع سنوات فقط . والله رئيس الحسابات اردني بكالوريوس محاسبة وخبرته 4 سنوات راتبه 20 ألف والله

ويا ما شفنا العجب العجاب في القطاع الخاص وظلمهم للسعوديين

اخوي هذا والله الي يصير .. الاجانب مسكو الوظائف بالقطاع الخاص او العام

والمشكله ان بعض الاجانب اقسم بالله يا السعودي بالثانويه افضل منه ... ولكن وش عاد نسوي ..

تصدق اني شفت البرنامج اليوم هو صادق غير معني بالسعوده معني بس في اكل الفلوس ولمشاريع والسفريات ومثل ماقال واحد وظايف السعووديين بس امن
طز ع السعوده الي يعرفونها وياخيي ويابيي وهيدا خيي وهيدي زوج اختي

يابلادي دحدري واحنا وراك

ما رآح اتكلم عن نسبه السعوده اللي وظفهم عنده لأني متأكد انهم سكيورتيه

بس ليش نسبه السعوده 10% هذي شركه سعوديه الاصل من الملك فهد رحمه الله و الشريك الرئيس اللبناني رفيق الحريري

نسبه اللبنانيين في التوظيف أكثر من نسبه السعوديين فيها .. ؟؟

شركة سواها من افضت ارواحهم الى ربهم رحمة الله عليهم

وهي الان شركة بالوراثة فلا تدورن منها شي