السلام عليكم ورحمة الله وبركاته
مسائكم الله بالرضى والعافية
يالله عاد ابي منكم ترحيبه حلوهـ
اولاً: اشكر جميع القائمين على هذا المنتدى بمشرفينه واعضائة على مايقدمونه من تعاون ومايقدمونه لشباب وصبايا هذا الوطن .
ثانياً : بكل صراحه انا ول مرة اشارك في منتدى < يعني بكرتوني يعني لاحد يزعل علي لاني للحين ماعرفت مداخيل ومخارج المنتدى > كوبررري ماهوب منتدى
ثآلثآ: حبايب قلبي بكل صراحه انا واقع بحيرة وقلت مالي بعد الله الا انتم اخذ مشورتكم بموضوعي < يسسسسد قرق<

حبايبي انا موظف حكومي بالمرتبة الخامسة وراتبي ( 4360) > هذا الي يبقآلي بعد ماياخذون التقاعد وعندي امي . ورسمي . وسكرتير . ودوامي من الساعه 8 لين الساعه 2 . > ياكثر حتسيك > (حتسيك = حكيك ... بس بالهجة القصمنجيه ) المهم اتصلو علي شركة موبايلي وقالو عندنا لك وظيفه بالدمام بمرتب 7000 شامل الراتب الاساسي والبدلات .. وطبيعة الوظيفه على الكول سنتر > يعني رد على مكالمات مثل 902 والدوام 8 ساعات ونظام شفتات يعني مالي دوام ثابت والاجازة الاسبوعيه مالها ايام محدده .
وانا من جد محتار وابيك تفيدوني بالي عندك . الله يجزاكم خير ويوفقكم لدروب الخير .:o

اذا ظروفك تسمح لك بالذهاب للدمام

توكل على الله

__________________
ومن يعمل من الصالحات وهو مؤمن فلا يخاف ظلما ولا هضما

وعليكم السلام.....
يالغالي انا اخوي كان شغال في الكول سنتر في موبايلي ....وكان يشتكي من اذنه بين فترة واخرى.......بعدين نقل لقسم ثاني......وفوق كذا الدوام شفتات.....والزيادة السنوية معقدة شوية ...يعني 90 ريال تقريبا (بس عندك راتب قوي).....بس نصيحتي الشخصية ....لاتروح لها لانك راح تمل منها هذا اولا ....ثانيا انت في الدائرة الحكومية راح يزيد راتبك السنوي وبعدين انت ملزم بعمل محدد في موبايلي اذا ما نفذته يكون فيه تقرير وفيه كلام كثير.....
اما في عملك الحالي الوضع ماحولك احد.......كأي دائرة حكومية اخرى
انت تقول ان دوامك من 8 الى 2....هذا التزمت بالدوام الرسمي......اذا تأخرت والا تغيبت بسيطة مديرك يمشيها لك.......اما في موبايلي لازم تقرير طبي ............

استخير الله ..........

احسن شي الاستخارة

الوظيفه الحكوميه احسن
<<<افكارها قديمه بالحيييييييييييييل

والله ياخوي مايبي لها تفكير حكومي وعند أهلك وأذا انت من سكان القصيم هالراتب أفضل لك من سبع ألاف بالرياض أو الشرقيه بحكم السكن أغلى وكل شي أغلى وغير التردد والعزوبيه وأنت اعرف لكن هذي نصيحتي

حراااام تخلي الحكوميه وتروح خاااصه مالهم اماااااااااااااااان

بأي وقت يكرشوووونك = يطردوووووووونك

خلك على ما انت عليه تراك بنعمه عظيمه ماشاء الله

وخل موبايلي لغيرك واحدن محتاج ولا عنده حكوميه

وعليك بالاستخاره بعد الاستشاره

~~من راي الحكومية افضل وعند امك احسن واحسن ~~

استخـــير وشوف وش يطلع معاك

بصــراحة موبايلي شركة جديدة مالها أمان .. خلك في الحكوومي اضمن واحسن وبعدين وش فيها من 8 الى 2 يا زينها

شوف المدرسين من 5 الى 2 واللى متغرب عن أهله ..و و و و

اقــول ابلع النعمة وخلك في وظيفــتك ( لا تبيــع جنيك يجيك أجن منه ) ==> عصب