يمه مريولي توصخ ..!

قائد · #1 (**permalink**) 19-05-2010, 07:34 AM

[ALIGN=CENTER][TABLE1="width:95%;background-colorlack;"][CELL="filter:;"][ALIGN=center]
[/ALIGN][/CELL][/TABLE1][/ALIGN][ALIGN=CENTER][TABLE1="width:95%;background-colorlack;"][CELL="filter:;"][ALIGN=center]

جبتلكم هالخاطره منجد ابكتني يوم قريتها أتمنى إنها تنال

اعجابكم(الله يخليلكم أمهاتكم يارب)

\\
//
\\
يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!

يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

يمه تكفين ارجعي ..
اليوم حطت لي المديره ..
نجمه على جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
والا عشاني دايم اسرح

يمه مريولي توصخ ..
ماكان قصدي اوصخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...

يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها..
راحت تدور غيري..
عشان تلقى احد يونسهـا..

يــمــه..
يالله خلاص لاتمزحي..
يالله قومي...
تعالي معي للبيت ارجعي..

يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...

يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..

أو اقولك ..
خلاص خلاص ..
انا بجيك بكرهـ ..
اذا راحوا من هنا الناس ..
تكفين يمه بكره اصحي ..
تكفين يمه بكره ارجعي
[/ALIGN][/CELL][/TABLE1][/ALIGN]

صمت أنثى · #2 (**permalink**) 19-05-2010, 07:56 AM

ياحياتي مسكينه تشكي لامها وهي.......... إذا فات الفوت ماينفع الصوت
يالله ياإنك تخلي لي أمي وكل أمهات المسلمين آمين
مشكور أخوي عالطرح ويعطيك العافيه يارب ويخلي لك أمك

كلي فخر سعودية · #3 (**permalink**) 19-05-2010, 07:59 AM

فعلا مؤثره الله يرحم الجميع

مزآجي غيير · #4 (**permalink**) 19-05-2010, 08:05 AM

كل اللي أقوله ..
آآآآآآآآه ياعمري عليها
العبره خانقتني مدري وش أقول ..
أحس كل الجمل توقف عند دمعه بعيوني
فعلآ خاطره مؤثره
يارب لاتحرمنا من كل غآلي
أخوي وليد جعل أمك ماتبكيك تسلم على هالطرح