الحين الواحد وهو يقدح من القهوة ويمخمخ الراس يكملكم الجزء الثاني
وطولته لعيونكم واتمنى ان ينال رضاكم
الجزء الثاني /
بعد كلاس الليسننق جيتك مدرعم بكل شجاعة وفخر قلت هالتونسي بيشد من ازري
وبيقولي انطلق والقلب داعيلك
واضرب مكتب التونسي ثلاث ضربات وادخل
واناظر في وجهه الا الآدمي وده يتوطى في كبدي ليش مدري
قلت السلام عليكم
رد السلام وقال اجلس .. ومن ثم بدا يقول ياصقر انت مسلم صح 
قلت لا من الهندوس
وادعيلي بالهداية 
اكيد مسلم يادكتور هذا سؤال ,,,
قال هذا الدكتور اليكس انسان طيب ولكنه اخذ نظرة عن المسلمين في بلاده انهم غير مجتهدين
وفاشلين وقتلة 
و..(( مشفر .. بدا يدخل فالسياية الدكتور 
) ..
قلت طيب يعني ايش اسويله يعني اخليه يتمسخربي عشان اثبتله اني ماني بارهابي
واني احب العلم..... قال : انت ياصقر ارى في عينيك نظرة طموح وامل << انا هنا خلاص رحت فيها
بديت اغتر شوي
قال ياصقر مهما كان هذا دكتور وله احترامه ويجب ان تقدره ..
قلت والله اني مقدره لكنا
مانحب بعض << تعبير ولا اروع
وقعد ينصحني ومدري وشو حسيت قسم بالله اني ولد عم شارون
هذا كله عشاني هرجت على اليكس عنده..
ورحت من عنده جاني هذاك الضمير مرة ثانية وقعد يأنبني ويقولي انت غلطان وهذا
دكتور ولونه كافر له احترامه
يجب ان تحسن صورة المسلمين في نظره ... وخله يهزئك عادي وش فيها
<< هنا عاد انا عصبت وتهاوشت مع ضميري
وخرجت من الجامعة ووصلت البيت وحفظت ذاك اليوم 25 فعل من الافعال الشاذة قلت بكرة يجيلها وقت
وانخمد خمدة العافية
ويبدأ يوم جديد واجيك طاير كالعادة والشماغ عالكتف من العجلة << خبركم المنبه الساعه 7 وغفوة غفوة غفوة الين 7 ونص
وادخل الكلاس ,,, السلام عليكم كان الامريكي مارد نسيت انه نصراني .. قلتله السلام عليكم
وانا ابتسم << على بالي بحسن صورة المسلمين
كان يقول ( سيت داون) المهم واست داون في المقدمة هالمرة وجلست جنب واحد الله يذكره بالخير
كان يترجملي اللي يقوله الدكتور وانا اهز براسي يعني فاهم
المهم وبعد شوي دق جوالي وانا سامع قبل كذا ان اللي يدق جواله فمحاضرة فالجامعة
يقدر يروح يكلم
واقوم على نياتي افك الباب واطلع وبعد شوي جيت بقوة عين وادق الباب
المهم كان يسبسب الامريكي ولمحتلي كلمة فاهمها ( يو آر دونت ريسبكت اني بيرسون)
انت لا تحترم اي شخص 
وانا على نياتي والله ماكنت ادري لكن حظي الردي
وهنا تثار ثائرتي مرة ثانية واقوله والله ثم والله لو ماتحل عني لاانتف اللي بقي من شعر
راسك
( عاد هو نص راسه فيه شعر والنص الثاني ممسوح) قلتله ذا الكلام بالعربي والشباب
يضحكون
وخبركم كل مكان لازم فيه شخص من الطبقة اللعينة اللي هم ( الملاقيف ) وكان يترجمله ذا الكلام
ولا تشوف الامريكي ذاك الوقت تقول لو يروح فلسطين يحررها لوحده
ويخرجلنا دكتور سعودي ويقول وش المشكلة والامريكي يعلمه
بالسالفة ..
كان يقول تعال امش معي للعميد
قلت لا والله ياصقر انك بترجع لابوك حافي القدمين
واتوكل على الله ونوصل للعميد وادخل السلام عليكم وعليكم السلام عاد كنت واقف والدكتور
يعلمه وش السالفة .. ومن ثم قالي اجلس يوم قالي اجلس وانا اللي معنوياتي ترتفع
وارتحت قلت شكله بن حلال
قالي قول اللي عندك ... المهم علمته بالسالفة من طقطق للسلام عليكم ومن ثم قلتله يادكتور
انا في مقام ابنك ووالله اني ماجيت الا ابغى العلم وانا وهو بدينا مع بعضنا غلط وتكفى
شوفلي كلاس غيره .. لاني لا انا برتاح ولا هو بيرتاح .. اقتنع بالكلام وقال خلاص بس توعدني
تجتهد وماعاد اشوفك مرة ثانية قلت ابشر بالحرام انك ماتشوفني الا فالخير.
ونقلني في كلاس ثاني وعاد في اخر كلاس لي عند الامريكي درى بالسالفة اني بنقل
وقعد يضحك انبسسسسط المليح
وانا خارج كان اجيه واغنيله ( بودعك يالضنا انا وبخلييييييييييييييييك عسى عيونك
ماتشوف (الا النكادة ) << قاصددها) وعاد خلاص ماعاد يقدر يسوي شي تطلقنا انا واياه وفسخنا العقد
ويوم رجعت البيت قلت خل نروح بكرة نتراضى من الامريكي لعله يسلم على يدي
يوم يشوف اخلاقيات المسلمين ..
وبالفعل حفظت الكلمات اللي بقولها له بالانجليزي وكتبتها في ورقة ورحتله اليوم الثاني وجبت معي واحد
من الشباب يترجملي الكلمات اللي ماافهمها منه ..
وقلتله هالكلام وجات ردة فعله غيييييير متوقعه على الاطلاق 
قالي (((( انا اعجبت بك بصراحة وبقوة ارادتك
ودفاعك عن نفسك وانا اعتذر منك لاني اسأت إليك )))
انا هنا استغربت ماصفيت لهالرد حساب وقلتله اني انا اللي اعتذر ومن هذا الكلام فتسامحنا
وابتدا يوم جديد في حياتي وطبعا الدكتور الجديد اردني اخلاااااااااااااااااااااق بمعنى الكلمة واستفدت منه الكثير ..
ومشيت على نظام معين اللي هو كل يوم احفظ 10 كلمات واستمع الى مقطع انجليزي
لمدة 5 دقايق .. طبعا هذا النظام كان توصية من دكتوري التونسي اللي وقف في صف
الامريكي ذاك النهار
اللي صار يهتم فيني اكثر واحد فالكلاس يوم يشوف تفاعلي معاه وانا ماافقه شي في الانجليزي
الا القليل واخذ ايميلي وصار يرسلي امور تساعد على التعلم وبديت اذاكرها ..
وبعد شهر من هذا النظام جاء اليوم المنشود ...
قال الدكتور ان فيه اختبار ( اورال بريزنتيشن) اللي هو تتكلم عن موضوع معين بالانجليزي وتسال فيه
وللأسف كنت في ذاك اليوم غايب واستمر غيابي لمدة اسبوع لاني كنت متنوم في المستشفى
ومااحد يدري من الطلاب والدكتور وجيت قبل الاختبار بيوم داومت
واشوف الدكتور التونسي مفجوع علي ووده لو يغني احبس دموعي حبيبي من غلااااااااااك
قالي عن الاختبار وانه بكرة ولازم تحضر للاختبار اليوم ومدري وشو وعاد انا صرت مهتم في الانجليزي وصارت
اكثر مادة اهتم فيها .. فانبلهت وقلتله عليه كم درجة قال 20 قلت اجل خلني اروح البيت اذاكر
قال خلاص روح وانا بكلملك الدكتور الاردني ..
ووصلت البيت وقعدت ادور فالنت عن موضوع ومالقيت موضوع زين الا عالساعه 5 العصر 
والاختبار بكرة والموضوع مايقارب صفحتين يبغالك تحفظه عشان
تاخذ الدرجة كاملة واذا تبغي من 16 وانت نازل اقراه قراية 
بس انا كان طموحي العشرين شفتوا كيف تحول الحال
المهم وقعدت فوق السطح عند الحمام ومعي فنجال قهوة وقاعد اعصر في مخي وجابلي الشيطان فكرة لعييييييييييييييييييييييينة
قالي(( اشتر سماعة بلوتوث واقرا الموضوع بصوتك وسجله عالجوال والبس شماغك وغط السماعة وخل الجوال مع خويك
ولا بديت يشغل المقطع وانت تسمع المقطع وتهرج بالكلام اللي تسمعه))<<< بس اشرايكم فالخطة حسيت اني نيوتن ذاك الوقت
وبالفعل رحت اشتريت السماعة ب160 ريال << الى يومكم ذا منقهر عليها
وحطيت السماعة بالشاحن وجيت بعد 4 ساعات بجربها هذا الكلام الساعه 3 بالليل تقريبا
وماعرفت اشغلها
يالله البلشة ياصقر والله هذا الللي مااحسبت حسابه
قلت افا وانا ابو نورة << من نورة
وقلت والله اني لحل هالموضوع اليوم وادور احد يعرفلها ماش مافيه احد كلهم مفهين
واروح للمحل اللي اشتريتها منه الساعه 3 ونص واخذ الرقم اللي مكتوب باللوحة << نشببببببببة
وادق عليه بعد 6 مكالمات رد السلام عليكم وعليكم السلام ( وعلمته بالسالفة قال ياخي هذا وقته بالله
وقمت اعتذر منه واشرحله الوضع وطلع متفهم مالطشتني بقلم الييم مع السماعه)
وعلمني بالطريقة وشغلتها واشتغلت وحسيت اني انتصرت
وقلت بكرة موعدنا فالاختتبار وانااااام نوما هنيئا
يتبع في الجزء الثالث والاخير
مايستفاد من هذا الجزء/
1-اكــــــلح تفــــلح
2- اذا رضيت بغير المركز الاول فأنت فاشل
3-الانطباع الأول لا يخبرك بكل شي
4-تعاملك الحسن مع الناس يحقق رغباتك
5- (( ايوووووه قلبي عليك التاع)
ترون في الجزء الاخير /
1- ماذا حصل معي في الاختبار
2- ماعلاقة الامريكي اليكس بالاختبار؟
3-ماذا حصل عند نهاية الترم
4- كيف تجاوزت ثلالث مستويات في ترم ولله الحمد
ا
خ
و
ك
م
20-05-2010, 06:10 PM
العرض العادي
