الجزء الثالث والاخير باذن الله بعد اقل من ساعة بيدحدرلكم هنيا
فانتظروني ..
ا
خ
و
ك
م

[align=center]
تقبلوا نصيحتي لحد يكتب موضوع وماعنده فنجال قهوة والله مايبدع...


الجزء الثالث والاخير /

بدأ يوم الاختبار ولأني منحوس أبا عن جد لذلك فالخط انفقع علي كفر وحمدلله ربكم سلمني

ونزلت وشوف عاد فالخط السريع وانت تركب الاستبنة وان لقيت احد يساعدك هذا وجهي سوبه كذا

وبعد ربع ساعة من العناء والتعب انطلق على بركة الله واوصل الاختبار متاخر نص ساعة

ولكن ربك سلم لسا مابدا الاختبار ينتظرون المشرف على الاختبار الثاني لانهم هم اثنين مشرفين
واحد جاء والثاني قاعدين ننتظره المهم وامسك خويي على جنب واعلمه بسالفة السماعة

ومتى ابغاه يشغلها وعلمته باشارة البدء اللي هي كلمة now عشان الدكاترة يحسبوني اقصد

ناو داخل عالموضوع وانا قاصدبها ابدا ياملعون الصلايب وشغل المقطع

المهم بعد انتظار دام لمدة خمس دقايق اتى المشرف الثاني القادم من بعيد عرفتوا منهو صح

اخينا في الله الامريكي هو المشرف الثاني وانا اقول والله النشبببببببببة هذا اللي بيخليني

اخذ الصفر ولا ابالي ويوم اجي وانا ارحبه واهليبه واغنيله(( ايوووووووووووه قلبي
عليك التاااااااااااااااع ) لعل وعسى ينسى مامضى من تاريخنا سوى ويتذكر اننا تسامحنا

المهم وقبل ماادخل الاختبار سويت مصيييييييييييييبة رحت دورات المياه الله يكرمكم وهي بعيدة
عن الكلاس مسافة 30 متر تقريبا وبتقولون وشي المصيبة لكن انتظروا الحين تعرفون

المهم ندخل الاختبار ويبدأ الطالب الاول واشوفه والا هو يتنافض منحرج اخينا في الله

والثاني مثله وقلت لا والله وجهك ياصقر وانت اتنافض ماهو زين قلت مالنا الا السبحة احرك يدي
يصير محد يدري انا اتنافض ولالا المهم والثاني خرج والثالث الين وصل رقمي 17

وينادي صقر ورقان محد يرد ياصقر وينك ويناظر ورى الا وانا رااااااقد

وياتيني بكل حنية اصحى ياعزيزي وقتك اتى واقوم وانا كلي فخر بخطتي وواثق من نجاحها
وانزل السبحة المقاومة للتنافض واوقف فالمقدمة الا والكاميرا علي والانظار متطلعة لما اقدمه

وانا ماني شايل هم الا هالامريكي ودي اقله تراني احبك بس عطني درجة زينة تكفى

واسمي بالله وابدا المهم المقدمة كنت حافظها ( قود مورنينق افري بادي ايام صقر ورقان فروم ....)
وجات اللحظة المهمة واقول (now ) الا واللعين ماشغل واقول مرة ثانية (now) وانتبه وشغل المقطع

لكن انا ماهو بس انا اللي سمعت المقطع لاااااااااااااا الشعب كله سمعه لانه اشتغل فالجوال مااشتغل فالسماعة

ليش كذا ؟ عشان المصيبة اللي سويتها يوم رحت دورة المياه ( انقطع الاتصال لان المسافة بعيدة وخويي معاه الجوال وانا السماعة فاذني فلذلك حصل ماحصل )

كان يقول الدكتور وات ز ذيس قلت والله البلشة والدبرة الحين ؟

ويوم قال الامريكي يو آر زيروووووووو قلت الا الزيرووو ذا يرحم ابووووك
واقله انتظر انتظر

واتذكر ان معي الورقة اللي كاتب فيها الموضوع واقول 16 ولا زيرو وانزلها واقعد اقرا

وانا حزييييييييييييييين والسبحة مانفعت ولو تشوفني تقول مكهرب

المهم يوم خلصت الا والشباب يصفقولي ( خبركم مشبكهم من اول قلت بالحرام اللي مايصفقلي
اني ماعاد احبه)

ورحت جلست ويوم انتهى الاختبار وانا اللي انادي : دكتور اليكس ( يعني بشبكه)

واشوى قال ييس وامسكه على جنب واقله بليز ( جيف مي قود مارك ) اعطني درجة جيدة
<< لعين مذيه وجايبله الجنان وله وجه بس قلتلكم ( اكلح تفلح)

قال افكورس صقر يو آر قود ستيودينت ,, انت طالب جيد << مدري على ايش
يمكن عشاني ذاك اليوم اعتذرت

المهم يوم جاء وقت النتيجة فالموقع افك الموقع واصك افك واطالع بنص عين واصك

وقلت خلاص زي ماتجي تجي وافك الدرجة الا وهي

( 17 من 20) وعلى طول اردج راسك فالسيراميك ياصقر واسجد لله واحمد ربك

المهم ان هالدرجة اعطتني دافع معنوي كبير لانها كانت نتجية ثاني اختبار الاول كتابة واخذت فيه 8 من 10 وهذي 17

وقلت يااكون او لاا اكون
وانعزل عن الناس وشوفلك مذاكرة ليل ونهار وحفظ كلمات وقواعد ومشاركة مع الدكتور
واروح الحرم لاني من مكة واحمل ناس بالسيارة من فندق اعرف واحد فيه وقلتله ماابغى الا اجانب
عشان امارس معهم اللغة واقوي لغتي

وقبل نهاية الترم وبداية فترة الاختبارات وانا اللهم لك الحمد عندي لغة تمشي الحال قابلت الامريكي

وناداني وقام يسالني عن الدرجات وكيف دراستك وايش ناوي تتخصص المهم فليناها سوى

وقلتله انا عازمك عالغدا وانا مامعي الا 11 ريال احسبه ماهو موافق قلت يمكن عنده محاضرة
طلع اللعين فاضي وقال اوكي ولا تشوفني ذاك الوقت وياصقر الحين ذا ووين نغديه ب11 ريال؟

واشوى ان الجامعة حاطه مطعم نظام بوفيه وتشتري تذكرة ب5 ريال وتختار اللي تبي

ووديته له والله وقعدنا نسولف وناخذ ونعطي واعطاني معلومة يغفل عنها الكثيريييييييييييين

ممن هم مغترين بثقافة الغرب قال ياصقر ( تدري انكم مجتمع ناجح ولهذا السبب الغرب يحاربكم
قلت كيف . قال :انتم مجتمع يقدر المرأة فهي تستريح وانتم تتعبون ورايت شباب منكم يطمحون ويرغبون
في بناء المجتمع واسمى ما يريدونه هو العلم والاعتماد على النفس والنجاح
ولكن لااحد يمد لهم يد الرعاية والاهتمام
بحيث ان اكثر الشباب الغربي تفكيره منصب في الشرب والنساء ولكن اذا اتى واحد منهم يريد العلم والنجاح
فترى جميع الابواب مفتوحة له وهذا الفرق بيننا وبينكم.
وقال هل تعلم ان الغربيين يقرؤون القرآن ويكتشفوا الاعجازات التي فيه ويتاكدون منها
وينشرونها منسوبة لهم !!!! .....) ووبدا يقول كلام كثير بعضه مااقدر انشره..

وانتهى لقائي معاه و( تواددعنا انا وياه سوى هلت مدااااامعنا)

وبدت الاختبارات بعدها باسبوع والحمدلله كنت مرتاح نفسيا لاني تعبت فالمذاكرة والله مايضيع اجر العاملين
وبعد انتهاء فترة الاختبارات وانا على اعصابي انتظر درجة الانجليزي اهم شي

وجاء اليوم الموعود.... وادخل عالموقع ولله الحمد اخذت (84 من 100) وانا كنت لاافقه
شي في البداية واجتهدت واخذت هذه الدرجة

...
اما كيف حسب لي باني تجاوزت ثلاث مستويات وكيف تم انتقالي للمستوى الرابع في الانجليزي

فهذا لان الجامعة اختبارها موحد لجميع المستويات ومجموع درجات اختباراتك يحكم فيها على مستواك
والدرجة اللي انا جبتها اهلتني لتجاوز ثلاث مستويات تجاوزا اليييييييما
والحمدلله على كل حال .

انـــــــــــــــــــــــــتــــــــــــــــــــــ ـــــــــــــهـــــــــــــــــــــــــت

مايستفاد من هذا الجزء / 1- الغش خيبة والكذب شعره سهل قطعها
2- ان الغرب لم يهاجمونا الا لانهم رأوا فينا شي
لم نقتنع به نحن .
3- قال تعالى(ان الله لا يضيع اجر عمل عامل منكم )
4- لا تعزم احد وانت مامعاك فلوس ولو مجاملة
5- لاتشتري سماعة بلوتوث

..................................................
كيف تعلمت اللغة الانجليزية ولا اقول تعلما كاملا فانا الى الان اتعلم ولكن ولله الحمد مستواي افضل من الاول بكثيييييييييييييير:

1- حفظ 5 كلمات يوميا حفظا كاملا وبحسبة بسيطة 5*30 = 150 كلمة شهريا
2- متابعة البرامج الغير مترجمة ومحاولة فهم مايقال من خلال تقلبات الوجه
3- محاولة التعرف على اي اجنبي لكي تمارس اللغة معه والاستفادة منه
4-تصفح الجرايد الانجليزية وترجمة الكلمات التي يستعصي عليك معرفة معناها
............

ارجو ان تكون القصة نالت على رضاكم واستحسانكم.

اخوكم ومحبكم / صقر ورقان
[/align]

سلمت ياصقر والله يوفقك ان شاء الله

الله يوفقك لما يحبه ربي ويرضآهـ

اتمنى لك التوفيق

سلمت يمينك على القصه يااخوي صقر

وتستاهل اطنخ تقييم


كنت متابع معاك من البدايه ومتحمس اعرف نهايتها

الله يسعدك ويوفقك في دراستك

تحياتي

صراحه قصتك مرررره \روعه ههههههههه
تسلم يا صقر
انتظر الجزء الثاني بفارق الصبر