[align=center]

سلام من الله عليكم ورحمة منه وبركاته





معكم صقر ورقان يحييكم في إحدى مغامراته مع احدى العقبات التي واجهته في حياته...

اذكر لكم هذه القصة لتغيير الجو شوي والفائدة الكثيرة وسوف يظهر لكم هذا الامر وكيف كانت نظرة الامريكي للمسلمين وكيف تبدلت وكيف يكون تعلم اللغة الانجليزية سهل عندما تلتزم بعد امور سوف اذكرها لاحقا

هذي قصتي مع هالعنقليزي اللي كل مكان يبغونه وكيف كنت ماعرف غير ييس ونو وبيكوز<<اهم كلمة بيكوزا حسها اليمة شوي وكيف تجاوزت ثلاث مستويات في ترم ولله الحمد.

ومع الدكتور الامريكي (اليكس هنري ) وكيف صرنا مثل شارون والشعب الفلسطيني في الحب المتبادل


اول يوم فالجامعة
جيت ساحب الخط 190 لاني اجي من بعد 75 كم يقالك طالب مجتهد يبي يوصل بسرعه
وانا ساحب على الاسبوعين الاولى

المهم وكان اوصل وانا متاخر عن المحاضرة 10 دقايق واضرب الباب ضربتين

ويخرجلي واحد تعوذت من ابليس يوم شفته كان يقول يو ار هير من الفهاوة قلت نو
مدري وش السالفة ويقول كلمة واقول ييس ومن ثم نو ضاع الامريكي فيني وفهم اني

مااعرف انجليزي وترجملي واحد الله يذكره بالخير وبديت احس اني فالسعودية يوم

سمعت كلمة عربيودخلت الكلاس وجلست في ركني المحبوب ركن الدوافير

وكان ابتلش معاه مرة ثانية ويقول كام هير دونت سيت ذير << قلتلكم نحب بعض

وقلتله بيكوز نو والكلاس يضحك حسيت اني جبت العيد واني الحرب العالميةالثالثة

بتقوم في ذا الكلاس واشوى الامريكي مشاها وخلى واحد يترجملي << حسيت اني مهم

ذيك اللحظة وجلست قدام وجهه وكل شوي اناظر فيه واتعوذ من ابليس ..

وقالي ستاند اب وقمت في وسط الكلاس واعين الناس تطالعني وقاعد يشرح على الثوب

والشماغ وانا مدري وش السالفة والشباب الله يجزاهم خير يضحكون .

وعاد هنا انا ثارت ثائرتي وقلتله بالعربي ابلع العافية واسكت < يسمعبها... ورحت

جلست وهالمرة عاد ارتفع ضغطه وقعد يهاوش ويو ار ستوبيد ومدري وشو وانا اضحك واقول بيكوز ييس نو

وقام قال قيرارآوت وانا جالس مدري وش السالفة وياشر على الباب وعرفت وش يبي

وذاك الوقت جاتني فكرة جهنمية وقلت خلني استغل اني مااعرف فالانجليزي ورحت

سويت مني فاهم وفصكيت الباب ورجعت جلست وذاك الساعة لا تشوف الامريكي حرام ياوجهه قلب اصفر وهو اسود
وانا هنا تعوذت من ابليس وسويت جاني اتصال وخرجت ..

وجاء الكلاس الثاني وبرضه انجليزي ليسننق وجانا واحد الله يذكرره بالخير تونسي

اخلاق وعلم واسلوب ودخلت الكلاس متاخر بعد وقام استقبلني وهرجني بالعربي وبلا شعور قلت (يحيى العرب علي بالحرام لااحب خشمك) وانبله مني التونسي وقال اجلس اجلس

المهم ارتحت لذا الدمي وصار يشرح كلاس بالعربي واليوم الثاني نراجع اللي تعلمناه بالانجليزي ونطبقه وعلى ذا الحال ..
ورحت البيت وتذكرت (اليكس هنري ) الامريكي واخترب مزاجي واروح مكتبة جرير واخذ كتب فوكابلري معربة .
واقعد احفظ الكلمات اللي فيها انتقاص مني مثل ستوبيد وغيرها .. وعرفت كلمت آند يو
عشان اذا عرفت انها سبة اقولها له ..

وبالفعل جاء اليوم الثاني بعد نومة ماتجاوزت ساعتين خبركم جات مباراة قدييمة

فالجزيرة بين الاهلي والاتحاد وقمت احللها واكتب فاوراق اخطاء اللاعبين << حسيت اني غطيت على مورينهو ذاك الوقت

المهم واصبح على وجه الامريكي وادخل الكلاس بس اعتبرت باللي صار امس ودخلت

بدري .. وشوي فوسط الشرح وانا خبركم ماني فاهم وش السالفة اشر علي وقال (لايك ذيس بيرسون ) والكلاس يضحك وانا يالله عفوك داخل جو مع كتابة اشعار بن فطيس فالدفتر ..

واناظر فالناس الا والأعين علي وارتفع ضغطي من ذا الامريكي اللي ماهو مرسيها على

بر وكان اقوله ( آند يو آر )<<جابت نتيجة وانقهر الامريكي وطلعني للمرة الثانية ..

المهم وانا قاعد برا على جريدة الجزيرة اللي مافيها ولا خبر زين ومعاي كود رد

وحزييين الناس فكلاساتها وانا كاني مشرد قاعد فالشموس جاني اللي يقولون عنه

الضمير الحي وقلت لنفسي ياللعين جاي من مسافة 75 كم عشان تنطرد .. تعلم ورد

عليه بالعلم ماهو كل يوم وهو ممسك الباب ماكأنك الا ماعندك ابو <<< قسيت على

نفسي شوي

وجاتني ذيك الارادة وانتظر الكلاس الثاني وادخل عالتونسي وانتبه للشرح واكتب

الكلمات وانتبهلي التونسي وقال ماشااءالله وشبك اليوم مهتم

كان انفعل وافرغ مافي قلبي على ذاك االمريكي واقوله الامريكي حق السبيكنق يسوي

كذا وكذا وكذا وابي ااتعلم الانجليزي عشان اخليه يعرف من ( الستوبيد)وعشان

يعرف ان العرب يفهمون اللي مليون امريكي مايفهمه .
قال تعال ابغاك بعد الكلاس في المكتب قلت ابشر اجيك ...


يستفاد من هذا الجزء/
1- الجرح ارحم ولا يسبك امريكي
2- لاتجلس في ركن الدوافير أبدا
3-لا تبدأ بداية خاطئة مثلي
4- خلك مرآة نظيفة لابناء جلدتك


ونكمل لكم الجزء الثاني وفيه << يسمع بالتشويق ... لا والله بس يدي تكسرت من اول وانا مشغول تو فضيت وقلت اكتب ذا القصة لعل احد يستفيد منها واكملها لكم بعدين..
المهم في الجزء الثاني /

1- وش قالي الدكتور الونسي
2- وش صار فاليوم الثاني مع الدكتور الامريكي اليكس
3-ماذا حصل بيني وبين عميد قسم اللغة الانجليزية

دمتم بخير
محبكم / صقر ورقان
[/align]

الله يعطيك العافيه ياصقر

>>اجل انت قاعد في ركن الدوافير >>كان ركني المفضل في الاخير تحت المكيف

والله دخلت جو مع القصه


تكفى بسرعه كملها تراني انتظرك يالبى روحك

فعلا قصة أكشن
وتشوقنا للمعرفة باقي الأحداث
واتمنى لك التوفيق

أجـــل اند يو ار هههههه شي القصه ربي يسعدك ياصقر

اقتباس:

المشاركة الأصلية كتبت بواسطة مبرمج زمانه الله يعطيك العافيه ياصقر >>اجل انت قاعد في ركن الدوافير >>كان ركني المفضل في الاخير تحت المكيف والله دخلت جو مع القصه تكفى بسرعه كملها تراني انتظرك يالبى روحك

اجل انت ركن اللي تحت المكيف>> كان ركني المفضل في الزاويه (فيس يدخن)

اتمنى من الاخوة الذين يدخلون الموضوع ان يشاركوا بردودهم وملاحظاتهم

رفعا للمعنويات يعني

ولاعدمناكم

حلو يااااااصقر وخلك ذيب مع هاالامريكي
واذا شوفت الامريكي زعلان قوله
( يو نيد هبلي ببلي ****HUBLY BUBLY )))
معناها ( معسل او شيشه )
واذا قالك ok اوف كورس ماي فرند

اعطيه بلي الشيشه في ظهره وقوله هذا ( هبلي بابلي )
هههههههههههههه ( اعانك الله )

لي عودة قريبا للتعقيب ولاكمال الجزء الثاني
ا
خ
و
ك
م