السلام عليكم ورحمة الله وبركاته





اول موضوع لي في هذا القسم واتمنى انه يحوز على رضاكم..



اولا المشاريع التي ساذكرها بعضها من واقع تجربة وبعضها اعرف اناس طبقوها..

وكلها ماتقدر تسويها الا في مكة وفي الحرم تحديدا بما أننا اقتربنا من شهر رمضان الكريم احببت ذكرها..

1- تعال الحرم عند اي جهة وبالنسبة لي افضل جهة جهة فندق دار التوحيد وتلقى ناس معهم عربيات وجالسين عليها كل مامريت من عند احد اساله للبيع ( وبعضهم تلقاه خارج من الحرم ومعين خير ويبي يرجع بيته ويبيعها باقل سعر )
تبدا اسعارها هناك من 20 ريال الى 60 ريال

ومن ثم اختارلك مكان مضبوط واجلس فيه ( اهم شي يكون بعيد عن اعين العسكر والمراقبين لانهم يسحبون العربية منك )

وانتظر لين يمرون من عندك الحجاج وهم يقولولك طواف وعمرة وطبعا خلك ثقيل يعني عاااادي ان راح يجي غيره عشان مايبخس فالسعر ( تختلف الجنسيات في وضع السعر المصري مايدفع فوق 250 طواف وعمرة _ الاماراتي يدفع الى 600 ريال _الشاميين يدفع الى 350 _ السعودي يدفع الى 400 ريال) وطبعا هذي اسعار تقريبية

طبعا انت وظيفك تدف المسنين اللي مايقدرون يمشون ولا يتعبون واتطوفهم وتسعيهم بالاسعار المذكورة سابقا.

وطبعا انت ونصيبك مرات ماتوصل بعربيتك الا وجايك زبون ومرات تقعد بالساعات محدن يجيك.

من واقع تجربة ( اللهم لك الحمد اشتغلت هالشغلة اكثر من ست مرات وكنت كل مااشتغلها مايقل اللي اطلعه عن 2000 ريال في خلال يومين الى 3 ايام )
وبعضهم ينام فالحرم بالايام ويطلع عشرات الالاف بس للامانه يبيلها صبر وجلادة

قابلت واحد العام فالحج من جيزان يشتغل الشغلة اللي ذكرتها لكم وقاعد اسولف معاه اكتشفت ان هذي شغلته ولقمة عيشه متزوج وعنده 7 عيال ويجي برمضان والحج وينام بالحرم طول هالشهرين ويقول في رمضان اطلع ممايعادل 10000الى 20000
وفالحج من 20000 الى 35000

ملاحظة ( هالشغلة ممنوعة من العساكر ولكن بعضهم يتساهل معاك ولكن اذا مسكوك يودونك مكافحة التسول وتجيب من يكفلك << صارت معي )





المشروع الثاني

برضه عند الحرم

تشتري جكات صغار سعرها ب5 ريال الواحد وتعبيها من ماء زمزم ويجونك الحجاج ولا اللي مافيه حيل يعبي ويشتري منك الجك ب10 ريال
اخبر واحد من الشباب اشتغلها وطلع منها في اسبوع 2500 ريال .






المشروع الثالث برضه عند الحرم

اشتر مقص بريالين واقعد عند برا الحرم قريب من الباب وبعيد عن العسكر ويجونك الحجاج اللي ماخذ عمره ومافيه حيل ينتظر السرا فالحلاق لان الحلاقين اللي عند الحرم زحممممممممة موت احمر ويجي يخليك تقصقصله ب5 ريال وشوف عالراس 5 ريال لو قلنا بحسبة بسيطة
قصيت ل50 واحد فاليوم 50 *5 =250 وانت مادفعت غير ريالين




ملاحظة هامة ( على خبري بهالمشاريع يبيلك تنتبه من العسكر واللي يمسك تسايره واتكلم معاه بالطيب وان مانفع انحاش لا تقعدلها وعيدها مرة ثانية بس في باب ثاني )<<< مجربة

محبكم واخوكم/ صقر ورقان

واي استفسار انا حاضر

85 مشاهدة وولا رد..!!

جهزنا العده وعلى ذمه الراوي

ما شاء الله عليك

يبلها واحد سبوق

بارك الله فيك
بس اسعار العربيات مرره غالييييه ليه كذا
وياكثراللي اشوفهم وقت رمضان يتفاصلون على السعر احزن عليهم يضطرون يدفعون (الله يدوم العافيه علينا وعليكم ) استغرب تمسك الشباب بالسعر مدري لو كانت ارخص احسن اجر واجره والبركه من الله
بالتوفيييق للجميع

الله يوفقكم ..
افكار حلوهـ بس قدروا اللي ما يقدرون يدفعون مثل هالمبالغ ..||
و ساعد الخلق ربي يساعدك ان شاء الله .. بالتوفيق للكل .|