اخيرا فتحت محل ساعدوووني

الصديق الصامت · #1 (**permalink**) 04-08-2007, 04:43 PM

السلام عليكم ورحمة الله

شلونكم حبايبي ان شاء الله بخير

بصراحه انا فتحت محل خدمة طالب ...وكنت ناوي اخليه خدمة عاطل خخخخخ

بصراحه للحين مافتحت بشكل رسمي لنقص بعض الاشياء عندي ...وان شاء الله ناوي

يكون الافتتاح ببداية شهر ثمانية ...

طبعا راح يكون اعتمادي على نفسي بالبداية ولمدة على الأقل سنة كاملة ..لاني ماصدقت اجمع مبلغ محترم يؤهلني افتح هالمحل ..وماعندي استعداد احط عماله
الحمدلله عندي خبره بالتصميم وعمل الابحاث ..بس ينقصني افكاركم واشياء عشان
اكسب زباين ...

واللي بتبوك ويبي ينضم معي وياخذ خبره ونسبة يهلا ومرحبا فيه اهم شي سعودي
وانا عندي استعداد اعلمه معي شلون يصمم بروشورات ومجلات ومطويات ويتعامل مع الوورد ...

تنقصني افكاركم

ســلــيــمــانــ · #2 (**permalink**) 04-08-2007, 07:00 PM

اقتباس:

طبعا راح يكون اعتمادي على نفسي بالبداية ولمدة على الأقل سنة كاملة ..لاني ماصدقت اجمع مبلغ محترم يؤهلني افتح هالمحل ..وماعندي استعداد احط عماله

اول شي الله يوفقك اول شي لازم يكون اعتمادك الكلي على الله سبحانه وتعالى
وتوكل عليه
ثانياً اي مدرس تعرفه اعرض عليه محلك وعرفه بالمحل وقله راح نسوي خصومات للطلاب
الي يجون عن طريقك .... اذا كان المدرس طبعاً يعمل مذكرات
اطبع لك كمية من الاوراق فيها اعلان عن محلك ووزعها في المكتبات
وابدأ بتوزيعها في المدارس وعلى المدرسين من اجل ان يضعوا ملخصاتهم عندك ويرسلون الطلاب الى المحل
يجب ان تتحلى بالصدق في الامانه والمواعيد والاحترام للزبون والمعامله الحسنه
اهم شي بالبداية الخصم بعدين اذا عرفوك الناس مايحتاج اعلانات ولا شي

الله يوفقك يارب عليك بالاستغفار والالحاح على الله بالدعاء لاجل ان يوفقك

هذا مالدي من افكار بسيطه واسئل الله لك التوفيق والسداد

فضل · #3 (**permalink**) 04-08-2007, 07:08 PM

على البركة وان شاء الله تتوفق بالمحل

وعشان الغير يستفيد

ياليت تتكرم وتخبرنا كم كلفك المحل والمعدات وكم اسعار المعدات

ليستفيد الجميع ويكون مرجع للغير

بالتوفيق

طموحها زايد شويه · #4 (**permalink**) 04-08-2007, 07:09 PM

ربي يوفقك ويرزقك
انا مو من اهل تبوك بس لو في الرياض مااصور الا عندك
بالتوفيق

الرويال · #5 (**permalink**) 04-08-2007, 11:31 PM

مشاء الله تبارك الله
الله يعطيك خيره ويكفيك شره

المشروع ممتاز بإذن الله اذا اشتغلت فيه بنفسك
حاول بقدر المستطاع تكون متواجد وضع رقمك اذا مسكر المحل

بالبدايه اكيد تحتاج للدعاية والتخفيض لاتفكر تكسب ولا هلله باول شهرين

نصيحة وانا اخوك بالذات في هذا المجال انتبه من الإغراء والإتصالات البايخه
صدقني بتربح اذا تعاملت بجديه

ضع فاكس واشتره مستعمل مايكلفك شي نص الي بتكتبه بيرسلونه الناس بالفاكس

خارج النص طابعه للسيديات اذا كنت هاوي وقادر

وقبل الإختبارات تحتاج لمتعاونين بالكتابه بالكبيوتر ( الاسئلة )
وتكون بالنسبة وممكن يشتغلون البنات فيها بالبيت اذا لهم خبره بالورد

اخيراً الاسعار واكسب زبونك وصدقني راح تحقق المراد

الله يوفقك ونشوف فروع اكبر في كل مناطق المملكة

د/ ريـــــان · #6 (**permalink**) 04-08-2007, 11:48 PM

أولاً / الله يبارك لك
ثانياً / لا تنسى حي على الفلاح

حاول توصل اعلانات للمعلمات
صدقني ما تخسر

الله يوفق الجميع

ملحطة · #7 (**permalink**) 05-08-2007, 12:56 AM

اهلين الصديق الصامت مسيك بالخير ....

كنت والله بسأل عن مشروع زي كذا لإن ودي افتح مشروع طباعة بحوث وكذا ..

شرايك فيه ؟؟؟ تحس له جدوى ؟

وكم قيمة الصفحة ؟

لإن انا عندي خبرة برضوا بالاشياء هذي وحابة اشتغل فيها !!

طالبة كبيرة · #8 (**permalink**) 05-08-2007, 08:42 AM

الف مبروك الله يوفقك
الدعاية ياخوي اهم شيء والامانة قبل كل شيء والالتزام بالمواعيد والاتقان في العمل

LULU CATY · #9 (**permalink**) 05-08-2007, 09:25 AM

الله يباركلك يااارب
شوف عندك المنتديات التعليميه ابحث عنها في جوجل واعرض خدماتك هناك
وحاول تكون اسعارك معقوله لا تبالغ كثير بالاسعار
حاول تسوي نماذج بسيطه لمطويات وغيرها وتخرجها بطريقه حلوه وتكون فكرتها مميزه
يعني مو شغل خدني جيتك
اذا عندك احد من اهلك ممكن تخليه يسوي لك اعلانات في المنتديات النسائيه لان اغلبها يكون فيها اقسام للاعلانات التجاريه للاعضاء ودحين داخلين على دوام واغلب المعلمات يبغو تحاضير ...
والله يوفقك يارب