تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
22-05-2010, 02:24 AM
|
||||
|
||||
0|0 سياحتي بشرم الشيخ يوم الاربعاء .وبداية انحرافي ..ويالله التوبه النصوح0|0
السلام عليكم ورحمة الله وبركاته كيف حالكم وعلومكم واخر اخباركم عساكم تهاوشتوا يوم غبت عنكم الحياة من دون مناقر ماصله وطعمها ماسع ومن تزوج بعد ماقفيت عنكم عساكم اعرستوا كل ابوكم ومن طلق ترلته واعرس على حرمته (فال الله ولا فالك يالمنتهيه حتى انا ماقبلت هالفال  )(حياكم الله كبيركم وصغيريكم ببيتي... ماشالكم البيت احطكم على راسي القمل مو احسن منكم له مده هو مستعمر راسي ) ماكافكم راسي احطكم بعيوني المشطوطه (من زين عويناتك اللي صايبها صفار )< مطوله عجوز قريح  يالله تتوب عليه وترزقني الهدايه والصلاح قبل اسدح الموضوع بعطيكم موانع  موانع قراءة هالموضوع : 1- لزوم قبل تنون تقرون هالموضوع تكرار قول انا مسلم وانا مسلمه ودينا الاسلامي يحثنا على الابتعاد طريق الهاويه . 2- الموضوع موب صاحي للعيال البلاك بيري ومسموح لعيال العسكريم ابوتوت يدخلونه. 3- ليتكم تكتبون بورقه وتلزقونها بنص الشاشه ( الدنيا فنية وجهنم للعصاه المرده)  كود تذكركم بالاخرة وتردعكم عن الانحراف والانجراف. 4-اللي يحس ايمانه موب قوي لايدخل اخاف اكون سبب بخروجكم عن الدين وعن دائرة الاسلام واتباع الديانه المسيحيه . . . . . (شكلها مطولها مي ناويه تتدخل بالموضوع  ) لزوم تتحملوني ومحد قلكم تعطوني عضوية تحملوا غلطت عمركم خلصنا وصلنا عند الجد ونبعد عن الهزل... يوم الربوع ومع زغللت العصافير وبعد صلاة الفجر مباشرتن جاابوي من المسجد واقترح لأمي اقتراح نتقلع ونذلف لمصر ام الدنيا وبتحديد لشرم الشيخ لمدة يومين فعط امي اعترضت على فكرة ابويا الدخيله واعتبرت ان السفر لمصر كبيره من كبار الأثم ولا وش بيوديهم شرم الشيخ .... وبعد محاولتن من ابويا وافقت واني انا اعترض لهم وانشب بوسطهم هم يحاولون يفركون مني ومني وانا دبوس قاعد لهم اعترفت امي اني بليه ابتليوا بيه وقالت بنفسها مره وحده ارميها هناك واتخلص منها ( دايم تحاول بس محاولتها فاشله ..مره رمتني بالبحر طلعت لهم من فوق الجبل ) وانا عارفه ان اهلي تعبوا مني وعانوا مني اشد المعاناة بس محد قلهم يجيبوني يتحملون اللي يجيهم من خلقت على وجه الدنيا وانا مهدده اهلي لأقعدن لكم بشر اعمالي (تصدقون انكم رفقاء سوء اجل تقرون هالمقطع ولا واحد فيكم رفع يديه ودعاء لي بالهدايه )ايه يوم وصلنا لشرم الشيخ وانا اسعى واركض وعبايتي طايره وقميصي اخضر فسفوري ناري ومشجر (يعني مورد ومخطط بالوان كثيره ) يقالكم الحين وضحت المعنى .. اعبر عن فرحت وصولي بسلامه وزي العاده ابويا وقف بطريق تعبيري عن الفرحه ويمسكني مع رقبتي حسيت اني بس (رواية يقولون البس هو القطو) وهو يقولي ياالسلب السلوقي اركدي تروني قلبت الكلمه لسلب احترامن لذوق العام <<< تحيط العجوزالذوق العام ويرميني على قارعة الطريق وزين طحت على براطمي ولا كان تكسر راسي وهني دقيت تحية شكر وعرفان لبرطمي لأنقذي من حادث أليم وقفت على رجيلاتي نص وقفه وبمعني اوضح نص ركبه واقز بأبويا بنظرات غضب مير ان ابويا يروح مع امي ويخلون بنتهم وانا بنفسي اقول هو مابه امل تحبوني بس احسبوا حساب مشاعري وقلبي المطعون والمجروح وشوي التفت يمين وانا بقمة غضبي واشوف ذاك الشي يالله لاتفضحنا شفت لي مجموعه كهلات وانا اقوم على كراعيني واصيح ياوجه الله ويديني على راسي (من هول ماشفت) وش اللي اشوفه وش لابسين مير حاولت اغض بصري واجتهد بكل المقايس شيطاني وقريني مارد قلت بمتع عويناتي كم دقيقه واعلن التوبه واني احط شنطتي تحت راسي واضرب التكوه واقزهم كود يستحون من نظراتي وهم ولا اعطوني بال ياويلي ويلاه لابسين فوق اركب وكتوفهم منتفه من غير خلاقين وانا اقول وش بلاهم عيالنا منهبلين على هالسفريات يوم قربوا مني مابقي بيني وبينهم غير ذراع ويطير عليّ ابوي وامي مضيعتهم واقوم اخم شنطتي واسعي سعي ادور امي ابوي واخذت لي ساعتين وانا اسعى عرض وطول ... وتعبت ومالقيتهم وانزوي بركن ... ويمر عليّ شريط حياتي وأن ابوي له بوادر ومحاولت لتخلص مني أول ماطلعت بطاقة الاحوال أبوي كان مؤيد لها وماصدق ان صدر القرار وينطلني من كرت العائلة مايبي شي يربطه فيني وهني اخليت مع نفسي خلوه طيبه لا تخالف الشرع وبديت اعزز نفسي اقوم من مكاني واقابل هالفصخ ينعن ابو دارهم هم مايعرفون الخلاقين كلهم يمشون شذي وتذكرتلزوم على المسلمين ان شافوا منكر يحاولون يغيرونه واني اعترض لهم بنص الطريق وقلت لزوم انقل اخلاق السعوديات واسوي شي ومن سوء حظي طلعوا اللي مسكتهم روسيات عاد انا ماعرفت انهم روسيات خبركم شرم الشيخ كلهم لونهم واحد ماتفرقون بينهم صابونهم طيب اللي يستخدمونه موب زي صابونا تجاري مغشوش اجسامهم تلمع واحنا نعرط وندعك بصابون تايد وعجله مير ماجاب شي فينا ايه عاد قلت لهم السلام عليكم ردوا عليّ : سام واتذكر درس التوحيد سنه رابع ابتدائي اليهود يقولون لنا سام عليكم وتجيني ام العبيد واقوم افرط الشريط عليها اجل انتي يالخواجيه يالحمراء المرطاء تدعين عليّ بسم لدغتك حيه وفرغت سمها بجسمك ولا تلقين لك مصل ياليهوديه الكافره المارجه الفاسده عساك بجهنم يالمارده تروها راحت بطريقها وصلت بيتها وانا قاعده ابربر بالهواء ردة فعلي بعد الكسحه يازين بلادنا زينه الله من الفصاخه اللي عندهم يازين السعوديه ماالوم اللي غنى بلدي السعوديه ولااحب سواه واقتنعت بمقولة حب الوطن من الايمان واشوف الليل ظلم واهلي مالهم نيه يدورن على بنتهم مالي غير اسلم نفسي للشرطه واخليهم يصورني ويحطونها بالقرناط (الجريده ) صورتي كود اهلي تاخذهم الحنيه والرحمه ويرجعوني لذمتهم وانا غارقه بتفكير وتنهل قراميع وترفيس وانعدمت الرؤيه صرت اشوف كلمة محجوب ويطري علي هالذيك المواقع ياربيه الحين كم سنه وانا محافظه على الحجاب الحين صرت بقوقل ولا وش جاب كلمة محجوب هالموقع  وبعد مارجعت عويناتي وبدأت الصوره تتضح وطلع ابوي وهالمره مسكني مع شوشتي هو يقول بصوته كله يبي يسمع الاقمار الصناعيه انه شديد وكلمته تهز الكيان امشي ياحمارالقايله يالعقربه يالقرده وتركيل جاب اسماء الحيوانا كل ابوها قلت وراك ماتريح على عمرك وتسميني حديقة حيوان ويجيني ذاك المخمس يامال وجع الضرس تستهزئين بأبوك عاد هني شفت ابوي اخذ عليه وصار يختار الالفاظ الشنيعه ويقذفها عليه لزوم ارد عليه قلت له ياابوي ماعليك زود انا بس قلت هالكلمه ويجيني بوقس وتتسدح سنيناتي على ضروسي يالله ترزقنا التوبه .. وصلنا الشقه والقى امي قاعدتن بصاله وحاطه على قناة مصر التعليمه واتحدى اذا فهمت وش يقولون غير تبي تجعص على ابويا انها مثقفه وينطلني ابويا عليها ويقول لها بنبرة حاده سحيله ام الخلاقين مالها طلعه من الشقه امي طايب لها على طول وافقت على قرار ابوي ونسيوا انهم حبسوني بغرفة بها بلكونه (البلكونه حوش مصغريطلعك على الشارع ) حتى البلكونه تبوني اشرحها لكم يامال الفهاوه اللي تسري بدمكم هني وانا معزوله بالغرفه وارح بوسط عالمي المليء بالاهانات والحظ المقرود اللي مخاويني حتى اول مااخذت الاشراف المراقبين كلهم غابوا عن المنتدى اتوقع اعتكفوا بالمسجد ويستغفرون حسوا انهم ارتكبوا خطيئة بحق المسلمين وانا غاطسه بدموعي وليه الناس ضدي وكلهم مايدانوني قلت مدام نفسيتي زفت وراني ماارمي نفسي وارتاح وقررت ارمي نفسي لا محاله دون تراجع ورحت افتح شنطتي اتكوشخ قبل ارمي نفسي حتى ان طلعت صورتي بالقرناط (الجرايد) يقولون كاشخه ومتزبرقه مدام ماعندي حسنات عسى هالحسنه تنفعني يالله تحسن خاتمتنا وتكفينا شر الشر ومالقيت غير كرته بشنطتي لونها اصفر طولها ذراع تسحب بالارض واكمام طويله يوم لبستها شمرت ونقزت وطلعت فوق الكعب بشوي كما ثوب السنه واشقلب بشنطه ادور مطاط فلوس شي اربط به العشه والشوشه مالقيت مطاط مو مشكله الكدش موضه صح سبقني ماجد عبد الله ومحمد عبده ايام الثمنينات شوشهم كانت قاعده جويه ( اوضح للي مالحق على اشكالهم قبل التوبه )وبخيت مويه على شوشتي مخلوطه بفازلين ماابغى يكون كدشي باهت لونه زي كدش فيصل علوي على طاري فيصل علوي الله يرحمه ويغفرله ويالله ترزق الجميع الهدايه والصلاح والتوبه النصوح بعد ماتكوشخت واوقف عند المرايه خفت اعطي نفسي عين واني اقوم اقراء على نفسي المعوذات <خبركم العين حق وانا اخاف على نفسي من العين يالله تكفينا شر هالعين وتحفظ اهالينا وكل غالي علينا منها يقولون العين مصيبه ماتروح لين يموت صاحبها وبعد ماتمت الكشخه وبقي العطر ادور مالقيت عطر وانا محبوسه بالغرفه ماعندي غير هالبلكونه وانا مااحب اتعطر غير بالبصل انقعه بالمويه وثمن اتتدهن فيه قلت مو بلازم العطر واروح البلكونه واستعرض قلت بجرب الفسق والفساد وبتوب على طول ومن ارجع مكه بسوي عمره اكفر عن سيئات وشر اعمالي تروني مابستمربس شذي مجرد تجربه وانا اتوقف بالبلكونه والهواء يطير شوشتي وتنتفخ تقول حطيت عليها خميره موب فازلين واتبوسم ابي اخطف انظار الماره  ومحد حولي واقوم اشمر اكمامي بوريهم البناجر الذهب قلك عملية اغراء والعياذ بالله تفوه على ابليس منعون من تفتحون له الباب يجرك لجهنم يالله الستر ومير اني مواصله وتعبت من الوقفه وتجيني دوخه وانا طايحه من الدور الثالث وعلى السفلت يافضحي فضحاه ويلي ويلاه ياربي وش السواة واني ماحسيت بألم الطيحه خفت يجي ابوي وانا متمده بشارع ياسواد الوجه وش ذا الحظ الاقشر وانا ناويه اني بتوب على طول مانويت استمر بطريق الفسق لو نويت وش بيصير ليه ويقرب مني واحد ماعرفت وش اصله هو مصري ولا متمصري يعني مااخذ الجنسيه المصريه اقصد ....هو وجه دم احمر كنه مصلخه بشمع ويتكلم مثل كلامنا وعرفت انه نصراني من ريحت صنانه الله يقرفهم من لحم الخنزير اللي يسفون فيه قلي ارفعي راسك وانا صدعت مو من الطيحه من ريحته الخايس قلت طس عني تراك سديت مجاري التنفس عندي هو مصر انه يساعدني واقتنعت اني ارضي بمساعدته شفت محد حولي غير هورضيت بالمروح اصبر على روحه وابيه ينقذني قبل ابوي يجي ويلقى له فرصه يتبرا مني قلي من اي بلد قلت له انتا خمن من اي بلد يالوجه السموح ( ماصدقت احد يعبرها طيحت التكلفه على طول ونسيت ريحة الصنان ) قلي من بنقلاديش وانا هنا ترجع علي حالة الاغماء اجل بنقلاديش يالامرط عسا الجدري يصيبك ويحفر بوجهك يامال الجلطه تجلط دمك وتقلبك اسود ( عندها عقده من البياض )وانا تعبانه بخشتي ازبرق فيها بعد عني ياقليل الادب هذي اخر كلمة قلتها وبعدها مدري عن نفسي ورجعت لي الذاكره ورجع عقلي يمارس نشاطه على رفسة ابوي هو يجدعبي يمين ويسار يالداشره طالعه من غيرعباتن ونايمتن بشارع وانا احاول اعلم ابوي اني اعلنت التوبه النصوح مير مااعطاني فرصتن اني موب نايمتن بتعمد مغير مغمى عليّ  وفهمته امي ان وجهي يجيب الفقر والغثيان ومحد بيلاحقني ولا بيطالع فيني ماهناك مقاومات تفتن هني دقيت تحية لأمي انها امتصت غضب والدي بحنكه ودراية واخذ درس ابوي العجله ماوراها غير الندامه يالله تصلح بينا ورجعنا لمكه يوم الجمعه والاخلاق الاسلاميه تكون مكثفه وخصبه بها اليوم وابوي ماحاسبني ولا تبرى مني يعرف بنته عدل عقلها فاصل منذ خشونة اظافرها وعقلها فاسد مع ختم من وزارة السياحه والتجاره ووزارة الصحه حذرت من التعامل معي وتروها قول بس مو فعل وانا علمتكم وماخشيت عنكم شي اللي يبيني اصير صقيقته يقيمني اخضر واللي يبي يقطع علاقته معي يقيمني احمر اشور شوركم واحكموا بضمائركم الحيه اعذروني على التمغط بسالفه فاضيه قلت وراك ماترزعين على ايقونه موضوع جديد وتكتبين وتشغلين وقت فراغك بماهو مفيد واغثكم بهروجي اللي ماتخلص ترون الموضوع به فوائد جمه اللي يفهمني يشوف انه به خير ملاحظه هالموضوع معروض للبيع اللي يبيه يشارك به بالمسابقه لا يتردد اقبل بالاقساط المريح كل شهر ريال واللي مقروش يبي يدفع كاش 12 ريال سعودي عطسة سمعتها من مشرفين الواحه اجتمعوا مشرفين الواحه وقرروا قرار نهائي بالأجماع اني اي موضوع انزله يثبتونه ( الذوقه سوقه ) ضريت عجوز قريح لمحت بالموضوع الاولى ولزقوا لها نجوم ترون جبر الخواطر زين وطيب مو بزين تكسرون خاطري اذا مشغولين انا اثبت الموضوع
وثيقه متكيه هون 
|
|
22-05-2010, 03:04 AM
|
|||
|
|||
|
خخخخخخخخخخخخخخخخخخخخخخ
|
|
22-05-2010, 03:10 AM
|
||||
|
||||
|
|
|
22-05-2010, 03:29 AM
|
||||
|
||||
|
|
|
22-05-2010, 05:58 AM
|
||||
|
||||
|
ربي يسعدك ,.,
|
|
22-05-2010, 06:14 AM
|
||||
|
||||
|
عليه العوض ومنه العوض التعديل الأخير تم بواسطة يـرِبــِشٌ ; 22-05-2010 الساعة 06:23 AM
|
|
22-05-2010, 07:05 AM
|
||||
|
||||
|
اخخخخخخخخخخخخخخخ منس ياكثر ماتقرقرين اوجعني راسي
|
|
22-05-2010, 10:29 AM
|
|||
|
|||
|
مبدعه ياوث وث >>وين رجاء الصانع عنك
|
|
22-05-2010, 01:59 PM
|
||||
|
||||
|
|
| أضف رد |
|
(( لا تنسى ذكر الله )) |
|
|
|
|
.png)
العرض العادي
