بسم الله الرحمن الرحيم

السلام عليكم ورحمة الله وبركاته

الى متى البطاله ياشباب ملينا من الكذب...

لأويقول الشيخ غازي القصيبي فيه وظائف على 1500 واذا زادت 2000 وش الرواتب هذي الله يكرمكم حتى حفائض الاطفال مايكفيها..........

ولله العظيم البارح في نص الليل دق علي واحد من اخوياي وقالي فيه تقديم بباب رزق جميل بشركة وراتبها 3000 ريال بالهيئه الملكيه بينبع
قلت حلو
كان انام واصحي الساعة 6 وامر عليهم الساعة 8 وادخل عليهم
واسال الموظف

كان يقولي العقود عندنا بس ماجانا الاذن من الشركة ويمكن يجينا الاذن اخر شهر6 ميلادي

قلت ياليل ماطولك

قالي تعال اخر الشهر وتوقع العقد

قلت اذني مامت قهر اجيك

وامسك الباب واروح للبيت واجهز مع امي الغدا وتراني حريف بتقطيع البصل


على فكره تراها خامس كذبة والجايات أكثر اذا أستمر وزير ** ........ أقصد ( العمل )
في منصبة

وتصدقون لدرجة اني لقبت ملفي العلاقي بلقب ( رفيق الدرب ) لاني كل ماسمعت تقديم شغلت الكابرس وقمت احدد السعودية ولان أنا جالس في بيتنا وانتظر الفرج من رب العالمين


واحب أقوله....

اشكيك يامبكي عيوني على مين
ضنك على غيرك أبشكيك ضــــنك
واللحين يعني كل ما أشكيك ياشين
ماعندك إلا هي عذر الوظائف فنك
الله وكيلــــــــك خل الاعذار بــعدين
كنك تجاهل ماحصل مـــــــنك كنك
عليك وكــــــــلت الزمن بيننا البين
هو الذي بياخذلي الحــــــــق منك
حاسب ضميرك وانشد القلب والعين
عليك تشهد إنـــــــك المخطي إنك
وأبتركك تجلس مع نفسك اللــــحين
مابين دمعت عينك وضحك سنـك
ماني مطول كلها شهور وســـــــنين
راح أتوظف ياقاسي القلب عنك
بتعلمك الايام مقـــــــــــفي على وين
لأنك تبي تعرف مصيري لأنـــك



والله يوفق الجميع.....

الله يعطيك العافية ويرزقك بالوظيفة اللي تسد حياتك ومن حولك كلماات بجد روعة لاكن للأسف بالسعودية القطاع الخاص معدوم لا رواتب ولا ترقياات ولا زيادة رواتب كيف الواحد بدهـ يكون نفسة ويفتح له بيت لو كان راتبه 3000 ياالله يادوب يستنى 10 سنوات على أساس انه جمع مايكفى من الراتب لا كن مانقول إلا حسبناا الله ونعم الوكيل .. شاكراُ لك على موظوعك اللي لو بتنزله 100 مرهـ بالاسبوع مراح تلقى الفائدة لا حياة لمن تنادي وماأقول إلا الله يوفقناا وياكـ والحاظرين أجمعين يارب ..
تقبل مروري ..

ياشباب ارجو المعذرة أنا راح اسافر جدة وأجي بعد 4 أيام

ردد ياليل مطولك

القصيبي الله يرفع عنه ولا يبلانا قبل ان يمرضه لم يفيدنا ولم يقدم لنا شئ تبيه الان وهو في مرضه يفيدنا هههههههههه

ادع معي الله يشفية وكل مسلم مريض

ونصيحتي للقصيبي قدم استقالتك ورجع للشعر وكتابة القصص انسب لك بكثير

وطوط مع الخفافيش لين يحلها ربك.
وتخيل (فقط تخيل) اللي بيجي بدل القصيبي يطلع سليمان الراجحي << قامت القيامة
الله يعطيك العافية.

ياشباب احنا نحمل هؤلاء امور وربي فوق طاقتهم

يعني القصيبي وغيره وغيره حينما فكروا بمعنى البطاله ...

أقاموا الدنيا ولم يقعدوها حينما قام القصيبي في العمل في احد المطاعم لدقائق هؤلاء تفكيرهم محدود يعني وزير العمل القصيبي الله يشفيه تفكيره محدود يظن اننا رافضين العمل ههههههههههههههه واكيد اللي بيجي بعده لن يكون افضل منه ان لم يكن اسوء

تفكيرهم محدود صدقوني يظنون ان المشكله لدى العاطلين هو معنى العمل يا شيخ مستعد من بكرا اعمل عامل نظافة في احد المطاعم واكنس وازيل البواقي الاكل وامسح الزجاج ولكن اعطني الراتب الذي استطيع ان اعيش به

اما انك تعطيني 1500 ريال وشفتين عمل وبدون مواصلات وبدون وبدون وبدون وبدون

يا اخي احنا نسكن في الخليج

يعني لو انا اندنوسي ب 450 ريال استطيع بناء بيت وب300 ريال استطيع ان اعيش بقيت الشهر بكرامه كان قلنا افيشش مشكله

ولكن الاخوان الوزراء عاشوا في زمن الطفره ومازالوا عائشين في هذا الزمن

يذكر لي احد الاصدقاء وهو صافن وسرحان وراتبه 2700 ريال يقول ياترا هل يعلم القصيبي ان حفايض بزاريني وحليبهم فوق ال 300 ريال وان الشقة اللي ساكنها بالواسطه سنوياً 12 الف ريال وان سيارتي السكراب من كثر ما اصلح فيها بعتها وصرت طردي ورا التكاسي الخ الخ الخ الخ

كل هذه امور بسيطه يحتاجها اي فرد فينا يعني ما قلنا جهاز اي فون او لاب توب اوسس او كل ثلاث شهور ثوب جديد

قلنا امور بسيطه هل رواتب هذا الزمن كافية ....!!!!

يعني اليوم شركات التأمين الطبي تضع امور تعجيزية يعني اذا مرضت لا تمرنا رح للحكومي وبعد كم شهر ان كتب لك عمر تعال نشوف وارفع مشكلتك واهم شئ ملف اخضر علاقة وان كتب لك عمر تعال راجعنا وبعدين هذا اذا كنت حي بنعالجك في اي المستشفيات الاهلية الرخيصه وابره بالخطأ او وفاة طبيعية وصلى الله وبارك

هكذا يريدونا ان نعيش وزراء العمل فمرحا مرحا بهكذا وزراء

أكذب من القصيبي مااااااافية هو فااااضي اصلا مشغول بشعرة ورواياتة الجديدة
المفروض يعطوا هذا القطاع امير
مثل وزارة التعليم ايام الرشيد ظلم ولاتعينات ويوم استلامها الامير رفع الرواتب

ياليت يستلم المنصب امير والله بتتغير الحال 360 درجة