22-05-2010, 10:40 PM
|
|
Guest
|
|
تاريخ التسجيل: Feb 2009
الدولة: خميس مشيط حاليا
المشاركات: 6,889
معدل تقييم المستوى: 0
|
|
|
مشارك...رحلتي الى الامم المتحدة مع قلب المملكة وزيدان وكبتن عتيبة
إلى الأمم المتحدة
السلام عليكم ورحمة الله
تعرفوني حاكم بيزنطة وتعرفون علاقاتي مع حكام اوروبا ....قبل شهر متصل علي ساركوزي قالي نبيك تجينا في الامم المتحدة...قلت له بشر عساكم فتحتم فرع جديد وبتوزعون اول يوم بلاش قالي ابد وانا اخوك طفشنا من كويحة اوباما كل فترة يجمعنا ويقعد يقرق على روسنا وهو ماعند امه سالفة تعال خاونا والله ياعندهم مقانيص ترد الروح..وترى عندهم معجنات من اللي يحبها قلبك..قلت له خلاص ابشر بس اول شي نروح المقانيص بعدين نروح الامم المتحدة قالي لا ياحبيبي اول يوم نروح الامم المتحدة بعدين تروح المقانيص قلت له موافق بس بشرط ...ابجيب معي اخوياني في منتدى البطالة....قال جبهم بس لا تكثر....قلت لا بس ابجيب صليع زيدان وقلب المملكة وكبتن عتيبة بس....مع انهم مشغولين خاصة هذاك ابو بدون شعر قام يتغلى من يوم صار مشرف صار يشوفنا ولا شي عنده...قالي خلاص جبهم وتعال بس لا تتاخر...
بعد ساعة اتصل علي معمر القذافي قالي يرحم ابوك غير البنطلون هذاك اللي مقطوع من عند الركبة قلت هذي شي يخصني وبعدين تراني خيطته من مكان القطع وصار الحين جديد بس يبيله كوي...قالي اذا بتجيبه لا تجلس جنبي لان شكلك يفشل ...وقفل الخط بوجهي
اخذت الخال زيدان والشياب قلب المملكة وكبتن عتيبة وطلعنا للامم المتحدة اول ما دخلنا الجو بارد قلت للشايب خلك ذرب اذا طالعت فيك وزيرة والا رئيسة دولة لاتعطيها وجه وترى كل شي هنا مباشر...وكل قنوات العالم موجودة تصور....واذا جا احد وجه لك سؤال عن أي شي ماتفهمه قله اتحفظ على الاجابة قله أي شي بس سوي نفسك مثقف وتفهم في السياسة اصلا انا مدري وش اللي خلاني اخذك معي...لو خليتك مع حلالك في القصيم كان ازين لي ولك..
اللجنة المنظمة حاطين كرسيي جنب كرسي على عبدالله صالح...والاخ جايب معاه نفرين سلته ومرسه وقاعد يفطر...عاد انا اخذت الكرسي حقي ورحت جلست في اخر المجلس شوية جات جنبي انجيلا ميركل حقت المانيا....جيت ابقوم قالت وين ياهووه ترى بدا البث المباشر ارتز في مكانك لا تسوي فضايح...جلست في مكاني .....اول شي بدا اوباما يتكلم كلامه كثير ...عاد انا سحبت لي طاولة و حطيت راسي ونمت قلت لميركل اذا دق جرس الفسحة صحيني....
صحيت لوحدي بعد ساعتين لقيت المجلس فاااضي ومافيه الا انا ....لقيت الزعماء والرؤساء قاعدين ياكلون معجنات وبيتي فور واتلفت يمين يسار ابي اشوف اخوياني الشايب والخال لقيت قلب المملكة يسولف مع برلسكوني رئيس وزراء ايطاليا يقوله عندنا بالقصيم غنم على كيفك تبي نجدي والا نعيمي حتي لو تبي حاشي اجيبلك من عند جاري وان كان تبي وانيتات والا كليجة بس ارسل ايميل وثاني يوم ارسلها لك مع حاكم بيزنطة....
وزيدان ماسك له الملك خوان كارلوس ملك اسبانيا ووقاعد يقول له تراني صرت مشرف واي خدمة تبيها كلمني بس وابشر بسعدك ولو تبي تصير مشرف ابكلم لك ابو وليد تراه صار خويي يمكن يحطك في المنتدى الاعلامي عشان الى الان مافيه مشرف....وبيني وبينك ترى حاكم بيزنطة انسان ماهوب زين ابد...كل يومين نعطيه باند ويروح يبكي ...بعدين احزن عليه وارجعه....
كبتن عتيبة ماسك له جولدن براون ويقول له والله ابشرك جانا مطر قبل اسبوع والدنيا هالحين ربيع والله ودك انك حسيل عشان ترعى في الشعابين
فضحوني الله يرجهم ...مسكت الشايب قلب المملكة قلت له ورا ماصحيتني وانت تعرف اني ماجيت الا عشان المعجنات ...قالي انا يوم سمعت اوباما يقول اقلطوا الله يحييكم قمت على طول وماصدقت احصل لي شي اكله...تعرف هنا كل شي غالي البيبسي ب8 ريال....
شويه جا مانموهان سنغ رئيس وزراء الهند وسلم علي وجلس يتكلم معي...انا مافهمت منه ولا شي ...بس قلت له بنقالي مافي كويس كلو حرامي...قالي ايوه انا معلوم..
وانا اتكلم معاه مر من قدامي بنيامين نتنياهو...وسلم علينا عاد انا يوم سلمت عليه ضغطت على يده الين قعد يصيح قلت لزيدان صوره بسرعة...وصورناه قلت له قسم بالله لو انزلها في اليوتيوب ان شعبك ماعاد ينتخبك مرة ثانية ابد.....
بعدين راح... قالي منموهان سنغ ايش مشكلة ...قلت له هذا خربان كبير على امسك حرمة كبير وبزورة صغير بعدين على طول ادروب (اضرب) قالي ايوه معلوم هذا على طول جنجال انا كل يوم شوف في تلفزيون
قلت لزيدان وقلب المملكة بالله اسحبوا لي هذا النتن ياهو للحمامات ابيه بسالفة...سحبوه ودخلت عليه بالسلك حق المايكروفون واجلده اجلده عشان ثاني مرة ما يقول على المسلمين ارهابيين....وصورته ,,,,جا معمر القذافي ومعه الحرس حقه وكلهم حريم جو يفارعون عاد انا فكيته يوم شفت نسوانه ...
رجعنا للمجلس مرة ثانية وكل شوية يقوم رئيس دولة ويقعد يهذري على روسنا....وقسم بالله كل كلامهم كذب في كذب....اسرائيل تقول تبي مجتمع سلام خالي من العنف ..وايران تقول تبي دول المنطقة خالية من السلاح النووي...والسعودية تقول تبي تسوي صرف صحي في كل دول العالم....
انجيلا ميركل جلست تسولف معي وتقولي انت كذا شكلك ...قلت لا هذا شكل ابن الجيران قالت لا تعصب علي اقصد انت دايم بدون شنب...قلت لها اييييه انتي ماتدرين وش السالفة....هذي بنتي الله يحفظها كنت ابوسها كل يوم ...وبعد برهة من الايام طلع عندها حساسية قالي الدكتور احلق الشنب على الصفر واغد رجال...قالت لي يعني حلقت الشنب عشان تاخذ راحتك في البوس...قلت لها يعني زي كذا.....قالت لي يا ويلي ويلاااه ....ياليتني لحقتك وانت صغير ...قلت لها وش بتسوين يعني ...قالت ولا شي ...بس انت متزوج..قلت لها ايه متزوج...قالت طيب تتزوجني قلت لها قدام الحين نطلع نروح لاقرب كنيسة ونخلص الاجراءات...بس كم تعطيني مهر...قالت كم تبي قلت ابي 50 الف يورو...قالت خخخخخخخخ تبي 50 الف ويورو بعد وانت بدون شنب....امس لاقيه وزير بشنب ودقن و***وكة والمهر 12 الف يورو...وشوية قام الرئيس الامريكي اخذ المايك وقال اما الان مع كلمة الرئيس حاكم بيزنطة....واقوم من الكرسي وادور على الشايب قلب المملكة مالقيته...وادور على الخال زيدان مو فيه...عاد كلمت الرئيس الروسي ميدفيدف قلت له يرحم امك امسك مكاني لا تخلي احد يجلس فيه بالذات الحكام العرب تراهم زي اللزقة اذا جلسوا ماعاد يقومون...قالي ميدفيدف خلاص ازهلها....
البقية بعدين...(يسمع بالتشويق ولاعمره شافه)
التعديل الأخير تم بواسطة قاصر الشر ; 22-05-2010 الساعة 10:58 PM
|
الله يرجك
العرض العادي
