العد التنازلي
يوماااان

يومان ويتحقق حلم حياتي <<<<<<< امحق من حلم

يومان وانسى الفله والنوم ********>> والله حاس انهم بيمرمطون جدي

سمعت انه في مطعم بخاري في الدوره صح مطلوب من العداله وش الاكل عندهم في الميز

بسم الله الرحمن الرحيم

ياللي يقول حلم حيآتي

ترى العسكريه حلووووهـ بس عيبها الدورهـ ولا أتحداك تلقى في الوقت الحالي واحد معه شهادهـ ثآنوي يستلم اول مربوط حول الـ 5000 ريال

اصبروو في الدورهـ وتزين اموركم وانا متآكد إن فيه ناس تبي تهج وتقضب الباب نظراً لدرجة الحرارهـ العآليه لكن معليه اصبروو
بعدين اللي يعرف يمثل يبي يفلهااا مثل على إنك ضآربتك الشمس وطح كآنك ميت وتمشي امورك خخخخ ويريحوونكـ خآصه الظهر

بعدين يآشباب اللي له ولد عم ولا قريب في نفس طورايء الرياض يعلمه انه دورته هناك ترى المركز والتدريب كله مكآن واحد يعني تبون تحتكون في العسكر حقين الطواريء
ومن نآحية برنآمج اليومي خذهـ مني وافتح عيونكـ

خل نبدا من صلاة الفجر يقومونكم قبل صلاة الفجر بسآعتين آو سآعه ونص ويالله تقوووم غصب من الخرشه خخخخخ
وتتوضى ثمن الصلاة ثمن تلبسوون اللبس الرياضي الكامل ويودونكم الميدان من بعد االفجر سآعه ونص إلى سآعتين ثمن ترجعون تفطروون وسرا وسرا ثمن تقعد ولاتآكل لين يقولونكـ كل خخخخخ
ثمن ترجع الميدان لين الساعه 10 آو 11
ثمن يرجعوونك السكن وانت عآيفن نفسك من حرارة الشمس تريح شوي طبعآً تريح على الارض لو يشوفونكـ على سريركـ ذبحووك خخخخ
ثمن تتجهز لصلاة الظهر وبعد الصلاة يوقفووونكم آو بالاصح يطبخوونكم لين وقت الغداء اللي هو الساعه 1 ونصـ ثمن بعد الغداء إن كآنكم منظبطين في الطبخه الاولى اللي قبل الغداء يريحوونكم كآنكم مبزووطين طبخووكم ثآنيه خخخ
لين صلاة العصر بعد الصلاة يودونكم باللبس الرياضي الكامل للميدان وتدريب لين قبل الصلاة بسآعه او سآعه ونصـ ثمن يبداء وقت الهذرهـ والتعرف على بعض والراحه بدون سكن يعني في الحووش خخخخ اللي يبي البقاله واللي يبي بوفيه
ثمن تتجهزون للمغرب وبعد الصلاة يوقفوونكم شوي لين بعد الصلاة بنص سآعه ثمن تتعشون قبل صلاة العشاء وتتجهزون للصلاة بعد صلاة العشاء إن كآنهم زعلانين عليكم وقفووكم وهبلو بكم لين الساعه 11 او قبلها بشوي ثمن ووقت النوم

ووقت النوم مآيحتاج اعلق عليه آخر شيء تبي تذكرهـ هو ووضع النوم خذ <<< خخخخخخ
من التعب طبعآً

والله يعيينكم وهذا هو البرنامج وإن كآن نسيت شيء سآمحوني على القصور

دورتي السآبقه يآحبيلكم كلكم ترى التعيين قررررررب والله يوفقنا ويآكم

كفيت ووفيت دبلوم

بس سؤالي وش الاكل بالميز..

شبااااب لاهنتوووو ابي اسئلك لها تقديم قريب ولا لاني ابي اقدم فيها ولا حصلت لها مكان


ومشكورين

المقاضي واشترينها .. طيب الي يدخنون وش الحل معااهم >>> يلمح ياانااااس والله

الحل في صفحة عشر طعش

متى بتمشي همي....

الله الله يازملاء المستقبل شدو حيلكم والعزيمه عاليه ان شاء الله

والله يوفقكم يارب ويصبركم مثل ماصبرنا في عز الصيف على الحراره والتعب في البدايات فقط

وبعدين تصير الحياه طبيعيه بس الاصعب هو التحول من الحياه المدنيه المرهفه الى الحياه

العسكريه المتعبه

ودمتم في حفظ الرحمن