ياللي طواك الهم ودمعاتك تسيل
لاتشتكي للناس واسمع كلامي..

مهما شكيت وصادفتك الغرابيل
كله مقدر عند رب الأنامي..

رب(ن) خلق هالناس جيل ورا جيل
تمحيص لاهل النار ودار السلامي..

صفحه من القران في ظلمة الليل
ابرك من الدنيا وجمع الحطامي..

وشفع ووتر لاصار ماعاد بك حيل
دوام عليها لاتصير انهزامي..

وخمس الفرائض صلها دون تأجيل
فرض(ن) فرضه الله علينا لزامي..

وشمس الضحى للغرب لاجا لها ميل
شد الحزام وفز لأعظم مقامي..

خذ ركعتين(ن) وقتها فيه تطويل
تلقى اثرها يوم تبلى العظامي..

والورد لاتنساه مع عشر تهليل
وقت الصباح ولاغشاك الظلامي..

ونظم حياتك واطلب الله التساهيل
من عادة المسلم لوقته نظامي..

ابيات شعري واضحه دون تفصيل
اوجزتها في بيت واسمع كلامي..

داوم على الطاعات لو فعلها قليل
واخلص عملك لوجه رب الانامي


اخوكم /قلم مفكر

صح لسانك والله يبيض وجهك اخوي ..

قصيده رائعه وكنت متمكن فيها ماشاء الله عليك ..

تحيّتي ..

حياك الله اخوي زيدان واهلا بك وبمرورك الكريم وماعليك زود .

صح لسانك

ماعليك زود يافارس الحب .

قصيدة رائعه الله يعطيك العافيه
ودمت بود

خذ ركعتين(ن) وقتها فيه تطويل
تلقى اثرها يوم تبلى العظامي..

والورد لاتنساه مع عشر تهليل
وقت الصباح ولاغشاك الظلامي..

ونظم حياتك واطلب الله التساهيل
من عادة المسلم لوقته نظامي..

ابيات شعري واضحه دون تفصيل
اوجزتها في بيت واسمع كلامي..

داوم على الطاعات لو فعلها قليل
واخلص عملك لوجه رب الانامي




يّ ألف أهلاً بك أخوي
جميله جداً أوجزت بهذا النصح الجميل .. تحيه من القلب أثابك الله يّ أخي

موفق خير

مبدع اخوي تقبل مروري .

ابدعت بهالابيات ياقلم

صـح لسانك

وجزاك ربي كل خير

الله يعطيك العافيه

دمت بـ ود