السلام عليكم ورحمة الله وبركاته
انا حبيت اكتب لكم مشكلة عائله فقيره مره مره
فيه شايب مع زوجته وولدين ماهم متزوجين باقي عياله متزوجين وساكنين بنفس القريه اللي هو فيها
العايله ساكنه في صنادق اقسم بالله منزل غير مهي لسكن الكهرباء من الجيران وبعض الاحيان يفصلونه عليهم
عايشين على الجمعيه واهل الخير
المشكله ان الشايب ساكن بالبيت من اكثر من 60سنه وصار له تقريبا 16سنه يبي يطلع صك لبيته علشان الجمعيه قالت بنبني لك بس لازم صك البيت المهم راح للمحكمه قالت له جيب شهود علشان تثبت انه بيتك المهم راح مع الشهود وجلسو يمطلون فيه لحد ماتوفى واحد من الشهود ثم الثاني ومازل يراجع والشايب كبير بالسن سوى توكيل حق ولده المهم ماسوى له الشيخ شي وكل موعد يبعد عن الثاني شهر او شهرين وهم اقسم بالله بالحر حتى مره الشايب جاء حق زوجته يلهث يقول بموت من شدة الحر والزوجه كبيره بالسن عمرها 70 والشايب 85
وفيه ناس من اهل الخير بيساعدونهم في البنيان بس المشكله صك البيت
المهم راح مره للمحكمه حصل جارهم محتج يقول نص البيت ماهو حق الشايب والعمده والبلديه من قبل محدده البيت والشايب عارف حدوده وقام الشيخ يماطل فيهم بكره بعده شهر اسبوع ومازلت المماطله الحين من يقدر يساعد هالشايب علشان يطلع صك بيته وكل الاثبتات تثبت ان البيت له والشيخ معترف بها الشي بس حكم القوي على الضعيف
وحسبي الله ونعم الوكيل اقسم بالله بالمطر بيتهم يصير بحر ماعندهم مكان يجلسون فيه
واللي يبي يشوف حالتهم او يساعدهم يرسل لي وارسل له الرقم والعنون يروح يستفسر منهم افضل
والله حالتهم تقطع القلب حر وفقر وفوق هدا يجي الجار ويظلمهم
تكفون اللي يقدر
هم من سكان المنطقه الشرقيه بالتحديد قريه ابومعن قريب من مطار الملك فهد
مرجعتهم بمحكمة القطيف عند الشيخ خالد
والشايب سعد
اللي يبي الرقم يقول تكفون ساعدوهم والله يوم شفت حالهم تقطع قلبي عليهم بس مابيدي شي اسويه لهم

لاحول ولاقوة الا بالله

الله يرفع عنهم ان شاء الله

لاحول ولاقوة الا بالله

الله يرفع عنهم ان شاء الله

مشكورين
بس ياليت اللي يقدر يساعدهم يكلم الشيخ يشفع لهم اويقدر يكلم مسؤال
ترى هم يبون صك بيتهم فقط والجمعيه ماهي مقصره بتبني له ياليت تساعدوهم
ولكم الاجر
والله احنا مانتحمل نطلع دقيقه برا البيت بسبب الحر فما بالكم بمن يعيش بصنادق ماتحميه من برد ولاحر

صدقتي اختي احنا مانقدر نستحمل الحر دقيقه وحده
الله يرزقهم من حيث لايحتسبون ويجعل امورهم سهالات
وحسبي الله على جارهم الظالم بدال مايصير عون يصير فرعون
ويعطيك الف عافيه على حبك للخير ومساعدتكم لهم حتى لو بمناشدتكم
للغير يساعدهم
الله يسعدك ويرزقك يالغلا
تقبلي مروري

الله يرزقهم ويغنيهم

اسئل الله العلي العضيم ان ينفس كربهم ويفرج همهم
يارحم الرحمين

الله يكون في عونه
طيب عنده مشايخ القرية او نفس الجمعية
يتفاهمون مع الخصم و يتحدثون مع المحكمة
بكل صراحة توقعته في الشمال أو الجنوب
لكن ابو معن أمام الناس و مكشوفين للجميع
و أكيد يعرفونهم
لا اريد إحباطه لكن مسألة الأراضي و الترسيم يطول

مشكورين على الردود
انتو تعرفون الشيبان روسهم يابسه
وبعدين معروف ان البيت له شلون يبيعه لجارهم
وعلى العموم الشايب ربي معه على طول يتحسب عليهم والحين جارهم منوم بالمستشفى من مرض لمرض
ربي مانسى عباده والظالم له يوم
وجارهم عنده مزرعه تقريبا نصف القريه ولا عليها صك ومدخل ربع بيت الشايب والشايب تنازل عن حقه عند المحكمه
بس علشانه فقير ومساكين ماحد مساعده
بس عنده ربي بياخد حقه ان شاء الله وانا متابعه حالتهم عن طريق اهلي بنفس القريه وبكتب عنهم بكل مكان لعلى الله يسخر لهم من يوقف معهم
وبعدين اللي يقول يشتري شقه معقوله يترك بيته اللي عاش فيه 60 سنه ويسكن بشقه ليش وين عايشين ان شاء الله مايضيع حق وراه مطالب

لا حول ولا قوه الا بالله

ان شاء الله احصل من يقف معهم