يا شباب انا اليوم قدمت ببنده وبعد الموافقه وبعد ما أستلمت الأوراق رحت الببيت وقريتها لقيت مكتوب لازم رهن الشهاده الاصليه وأنكبت أنا ودي أقدم فالحكوميه بعد
وسألت واحد قال تقدر تطلع بدل فاقد
أفيدوني تكفون

ينقل للقسم المخصص


ان شاء الله الشباب مايقصرون معك

__________________
ومن يعمل من الصالحات وهو مؤمن فلا يخاف ظلما ولا هضما

احيان يكون بالشروط ولا يكون شي لزامي
انت جرب ان طلبوها منك عطهم الشهاده الأصليه وإذا جيت تقدم على وظائف حكوميه
طلع بدل فاقد
وحده اعرفها معها شهاده أصليه ثنتين راحت وقالت للكليه انها احترقت

أنت اذا قدمت بالحكومية راح تقدم بالصور صح ؟؟؟؟

اذا أنت بتقدم بالصور والشغلة مطوله في الحكومية قدم في بنده بالاصل

واذ طلع اسمك وخلاص قالت الحكمومة اوكي افصل من بنده بالعكس راح تكون أخذت خبره

أهم شي يكون عقد العمل في بنده غير محدد المده علشان ماترتبط ببنده

بالتوفيق للجميع

اخوي عابر انا مثلك قدمت في بنده
بس يوم شفت انهم بياخذون الشهادة الاصلية
وان فيه شرط جزائي اذا فصلت من عندهم
هونت عن الوظيفة وقلت الله الغني

لكن اذا انت لسه ما وقعت العقد ماعليكم منهم اتركهم ودور لك وظيفة ثانية

وعلى فكرة حتى لو طلعت بدل فاقد وتركت العمل
ما راح يسيبونك راح تدفع الغرامة اللي عليك لانك لازم تجيب لهم كفيل غارم

انا والله يوم قريت شروطهم وان فيها كفيل غارم قلت اذا هذا اولها ينعاف تاليها وتركتهم

بالتوفيق اخوي

~~~~معقوووووووله حتى فى الوظائف كفلااااااااءء~~~~~~~~~~
~~~~~~الله يعين~~~~~~

عابر القارات

حياك وبياك ..

وأدعوا العظيم الكريم أن يوفقك ويسدد خطاك ..

إذا الظروف حادتك على الوظيفة ,,, على أقل تقدير أضبط عمرك وصور لك 20نسخة ورح للي تخرجت منهم خلهم يختمون لك طبق الأصل ... على أقل تقدير <<< عاد وش رايك فيني