السلام عليكم اخواني واخواتي في هذا المنتدى
المشروع مربح من 4000الى 6000ريال شهريا باذن الله
ماهو المشروع /الكل يعرف البسيطا في الجوف منطقة زراعية ينتجون الاعلاف وبكثرة تروح انت تدور على المزارع طبغا كم يوم وانت تمر عليهم وتاخذ جوالاتهم لان المزارع كثيرة جدا
تدور لك تريلة جوانب تستاجرها وبتلقاهم هناك تشتري الف لبنة برسيم وتوصيله للرياض بريال ونص ولجدة بريالين عن كل لبنة والتحميل بنص ريال للبنة والنزيل بنص برضه
راح تبيع لبنة الرسيم بمكسب ريالين الى ثلاثة ريال واحيانا بمكسب ريال ونصف بعد ما تطلع جميع التكاليف
الف لبنة من ريالين مكسبك الفين ريال في الشححنة الواحدة وانت راح تصرف في الشهر مابين اربع الى خمس شحنات وراس المال حول عشرة الاف ريال حسب سعر لبنة البرسيم
وبعدا مايحتاج تروح لبسيطا تتصل على صاحب المزرعة وتطلب منه نفس مقاس البرسيم اللي اخذت منه المرة السابقة وتحوله الفوس وتجيك التريلة حاول تستاجر مبسط من البلدية بسعر رمزي
صدقوني انا شفت بعيوني العمالة طايرين بهالشغلة
ولقيت هناك شباب عاطلين في البسيطا رزقكم على الله ثم الاعلاف بهالطريقة وراس المال بسيط
ومتى ماطفشت تقدر تطلع لان بضاعتك مطلوبة وراس المال مضمون باذن الله
وبالتوفيق

والله ياخوي انا في سوق الابل فالرياض اليوم وصحيح فيها خير،،
وطبعا الاسعار اليوم البرسيم 11الى12 سالت (بس ماصدقتهم اتوقع اقل من كذا)يقولون ياخذونها جمله 9ريال ،،

ياليت اذا تعرف السعر الصحيح للجمله تخبرنا عنها ،، والمكان انت تقول استاجر من البلديه وين المكان الي تقصده؟
وبكم الاجار لاني اتوقع مايحتاج تستاجر

يعطيك العافيه ،، وبصراحه مشروع بسيط جدا ومطلوب وفيه خير ،،

السلام عليكم اخوي
انا رحت في شهر 3 بتاريخ 6 لبسيطا وكانت الاسعار على حسب فيه بسبعه وبسبعة ونص وفيه دون وفيه فوق
بينما كانت هنا اقصد في الرياض وماحولها في ذاك الوقت ب12 وب13يعني بعد ماتطلع تكاليف التحميل والتزيل والتوصيل يصفا لك ريالين اوثلاثة طبعا انا مالي في الشغلة لاني مرتبط بوظيفة بس ولد عمي هوراعي الاعلاف وقال خاوني وخاويته والله شفت ارزاق واجد بهالبلد بس احس الوظايف مقيدتنا والا والله فيه خير واجد
واماكن بيع الاعلاف في العزيزية والجنادرية

اها يعني اللبنه (البلكه) بسبعه ريال الى8ريال جمله ،، لكن اجار البلديه اذا تقدر تفيدني فيه الله يجزاك خير ،،
وولد عمك كم تاخذ معه الشحنه الين يصرفها يعني تقريبا اقصى مده اذا الطلب وسط ،،؟ لو تساله بعد يكون افضل<<مطولها ههههههههه

فكرة مشروع حلوه ،،،


لكن نحتاج توضيح أكثر إذا أمكن بخصوص إيجار المواقف وغيرها ؟


والأسعار في الوقت الحالي ؟


وفقك الله وسدد خطاك ........

اخوي ولد عمي يبيع في مركز مدينة صغيرة تتبع محافظة ومع ذللك يبيع ثلاث اربع تريلات في الشهر
لكن انا اتكلم عن الرياض لان الطلب موطبيعي وانت عارف الجنادرية والابل هناك والعزيزية وغرب الرياض
طبعا انا اتكلم عن الرياض من كلام الشباب اللي لقيناهم في البسيطا هم يبيعون هناك ولهم مبسط
لكن سعره في الرياض ماعرف
لكن في المدينة اللي فيها ولد عمي الظاهر انه يقول ب300ريال في الشهر والله مو متاكد

بالنسبة لاسعار البرسيم فيه موقع على الانترنت لوتسمح الادراة وضعت اسمه هنا
يخبرك عن اسعار البرسيم والاعلاف في اسواق المملكة والتغطية شبه يومية

الله يجزاك خير ،،،


شكلي حصلته الموقع ،،،

صدق إللي يقولونه يبدأ بـ 4 ريال

والله الشغله مربحه وانا مجرب والله فيها فلوس بس الاجانب مسيطرين على الوظع الحين
والشغله ترا ماهي بالسهوله اللي تشووفونه يعني انا كان معي سياره وانا انقل بنفسي واحمل من جد متعبه والله
تصحى من النوم الفجر ولاترجع البيت الا في الليل على عشر بالليل انا كنت اشتغل في منطقه القريبه من ساجر بس هذيك المدينه كلها مسيطرين عليها الاجانب وبقوه بعد
وايضا من ساجر الى الرياض مسافه خاصه اذا كنت انت اللي تسوق ايضا فيها خطر كبير لان الدينا ماتسرع فيها ابد وعلى حسب الرصه يعني مو اي واحد يحمل لك اذا الرصه فيها تمام ماعليك ان شاءالله اذا اي كلام يمكن تطيح الحمله ويمكن تقلب السياره
ومن الاخر والله فيها رزق وكبير بس يبيلها اكثر من شخص خاصه اذا انت تملك سياره
وخاصه وقت اللي مافيه حصاد يزود الطلب ويقل في السوق ويرتفع سعره

طيب طرقه افضل تستاجر مزرعه برسيم
يتراوح سعرها من 50 الى 75 الف في السنه

طبعا الزراعه كل سته اشهر والحصاد كل 25 يوم تحصد
السنه 12 شهر
نقول 10 حصدات في السنه

طبعا الحصده الواحده يتراوح سعرها من 20 الى 25 الف ويووجد عمال يشتريها بالكامل

المحور ينتج حوالى 3000 لبه شهريا

لو فرضنا

3000 * 8 ريال فقط = 24 الف
24 * 10 حصدات = 240 الف

ناتج السنه 240 - ايجار المزرعه 70 الف = 170 الف

قل مصاريف العمال وصيانه للا لات 70 الف في السنه

صافي في جيبك 100 الف



هذا الكلام كله حاصل في وادي الدواسر

من كلام احد زملائي في العمل