08-06-2010, 01:01 PM
|
عضو نشيط
|
|
تاريخ التسجيل: Nov 2009
المشاركات: 138
معدل تقييم المستوى: 287
|
|
السلام عليكم ورحمه الله وبركاته
شباب اليوم رحت للمقابله والحمد لله كل شي سهالات بعلمكم وش صار بالتفصيل الممل قبل لانام
مشيت من البيت 4 وربع وصلت هناك 5 وربع حصلت شباب موقفين بسياراتهم في البرحه اللي قبال
المركز المهم 5 ونص جانا واحد يمشي وقال انزلو ورحو لواحد مدري وش رتبته الوكاد انه من العسكر
وصفنا صف واحد وفيه واحد ثاني واقف يدقق بالبطاقه الشخصيه وانت داخل بعدين وقفونا يمين وسجلو اسامينا
بورقه وجلسو ينادون بالكشف وعلى حسب الكشف يصفونا مجموعات كل مجموعه 17 واحد لما خلصنا
مجموعتنا قفلنا جوالاتنا واخذها واحد بشنطه لاب توب وركبنا الباص ماشاء الله مكيف وشي يفتح النفس
ومشينا لين وقفنا عند صاله مكتوب عليها تدقيق الاوراق والمعلومات وجلسنا في القاعه برضو مكيفه كل
واحد ينتظر دوره فيه يمكن 5 يدققون المعلومات والدور يمشي تمام جاء دوري وجلست ومعاه ورقه بياناتي
طابعينهم وجلس يشوف ويطابق وكذا المهم كل اوراقي والحمد لله سليمه (( لاتنسون المعروض اكتبه بالبيت
احسن لك لو ماكتبته تبي تكتبه عندهم يكفيك واحد ياتكتبه بالبيت او عندهم براحتك )) المهم خلينا اوراقنا عندهم
وطلعنا صاله ثانيه حقت الوزن والطول واختبار الالوان جلست على كرسي وقال غط عينيك اليمين وجلس يسألني
بعدين قال غط اليسار وجلس يسألني والحمد لله كل شي مضبوط وجيت عند واحد بنفس المكتب معاه كتاب حق
الالوان مثل الاختبارات اللي بالنت ترى لحست مخي شوي ارقام بس الالوان متقاربه يعني حاول من اول نظره
تعرف الرقم لانكك لو كثرت التدقيق تبي تضيع بعدين طلعت من عندهم وجلست غرفه قبالهم وهنا بديت ارتبك
قالو لاطلعت مع الدرج أرفع ثوبك واربطه على خصرك (( حسيت اني برقص )) ورفع عن ذرعانك وكرعانك
المهم طلعت مع الدرج وسويت نفس اللي قال لي صح طلع شكلي تحفه بس وش نسوي مجبورين وجلست انتظر
دوري لين جاء ودخلت وطرفت الباب الا احصل على المكتب أربعه اثنين مدنينين واثنين عسكريين مدري وش
رتبهم بس الظاهر من الاكابريه والحمد لله اني ماعرف عشان مارتبك اكثر وقفت بوسط الفرشه مثل ماقالو
وقلت السلام عليكم >> بصوت عالي حسو اني قادح وناوي اسوي شي وعرفت باسمي وبدأو يسألوني كل واحد
يقول سؤال وانا ادربي راسي مدري عن اجاباتي المهم بقول لكم وش قالو لي تراني دبلوم تقنيه كهرباء ..
1- من هو وزير الخارجيه !! > قلت سعود الفيصل قال طيب منهو أمير مكه ..؟؟ قلت مدري ابتسم
2- ابوك وين يشتغل ؟ قلت بمصلحة المياه قال طيب صدق دمجو المياه مع الكهرباء قلت ايه قال وش سموها ؟
قلت وزاره الكهرباء والمياه .. التفت على اللي جنبه وقال تفضل ..
3- ما اول ماخلقه الله ..؟؟ قلت آدم ..
4- وش آول آيه نزلت بالقرآن ..؟ اعرف انها عن القراءه بس ماحبيت احرف قلت ان الرسول يقرأ ..
5- سألني الاخير وقال مكانة الجهاد مكانه عاليه لو توفر لك الحين المال وكل شي وقالو جاهد تبي تروح ؟؟؟
قلت لازم اول شي طاعه ولي الامر وهو الملك عبدالله الله يحفظه ..
بعدين قالو موفق > مسكت الباب طالع مبسوط من قدي رجعت الباص وزعو جوالاتنا وصلونا للبوابه الساعه
عشر ونص بالضبط ورجعت البيت وكتبت لكم الموضوع وشكلي بخمد بنام واي احد يبي شي لايرده الا كيبورده
بعض الملاحظات :
1- اللي مو موعده لايتعب نفسه ويروح لانهم طلعو ناس جايين ومواعديهم مو نفس اليوم ..
2-ترى الواسطه شغاله ياكثر من جاء ونادا من الطلاب وشاف ملفه ويهمس له وهيك يعني هالحركات ..
3- الطول والوزن > فيها شوي تلاعب يعني على حسب اذا فيه احد تعرفه يبي يقول للمرضيين يزيدونكم ..
4- ترتيبهم حلو مره وكل شي سهل والحمد لله الامور سهالات لاحد يخاف او يتردد والله كنك طالع البر ..
5- ان رحت بدري من 4 او تاخرت الى 6 نفس الشي لانهم يعدون بالكشف بالاسامي وانت وحظك انا
مجموعتي الثانيه مع اني جاي بدري بس الكشف طلعني بالمجموعه الثانيه وهي 4 مجموعات 17 طالب ..
اتمنى كفيت ووفيت واتمنى منكم الدعاء لي بالفرز النهائي اكون من المقبولين
|
العرض العادي
