16-08-2010, 09:43 PM
|
 |
عضو نشيط
|
|
تاريخ التسجيل: Jun 2010
المشاركات: 130
معدل تقييم المستوى: 38
|
|
اقتباس:
المشاركة الأصلية كتبت بواسطة عذب السجآيا
[align=center]
ابشركم يآشباب اليوم رحت لمقر ديوان المظالم كما وعدتكم أمس وفي تمآم العاشرة والنصف صباحاً أنا عندهم داخل المبنى المهم يآ أخوآني بعد ما سجلت بياناتي عند حارس الأمن لكي يسمح ليه بالدخول سئلته عن موقع شؤون الموظفين وقال ليه الدور الثامن على طول اقرب لفت لدور الثامن وبعد ما دخلت عليهم بالدور الثامن شفت مجموعة من الموظفين طالعت فيهم شوي وشفتلي مطوع قلت في نفسي عسى ان يكون ذو اجابة شافيه على اسئلتي وزبنته على طول ونشبت بحلقه وقال ليه بالحرف الواحد النتائج ستنزل على موقع الديوان تابعوها على الموقع قلت له طيب متى تنزل على اساس انها اسبوعين بعد الأختبارات تنزل ولا نزلت نبي جواب شافي أو موعد محدد لنزول النتائج مافيه احد يعطينا جواب شافي او موعد محدد لنزول النتائج هنا ، قال ليه روح لمركز دعم القرار بالدور(12) وعلى طول طلعت لمركز دعم القرار بالدور (12) دخلت ولقيتلي واحد شباب جالس على مكتب طبعاً هذا الشاب مكتبه بجنب مركز دعم القرار لكن مهو تابع لهم سئلته نفس الأسئلة الي سئلتها لمطوع ،، تدرون وش قال والله العظيم قال ليه انا موظف هنا بالديوان على البند ومقدم على المرتبة الرابعة ناسخ معكم بنفس الوظائف الي مقدمين عليها واختبرت معكم بعد وانتظر النتائج زيكم ولا آدري متى تطلع كل الي اعرفه ان النتائج رايح تنزل على الموقع ولا احد عنده غير هالمعلومة انا السراحة تعجبت من هالشي قلت له كيف موظف بالديوان ومقدم معانا ،، قال ليه عادي انا على البند يحق ليه اقدم على الوظائف الي عرضها الديوان شكله مهو مرسم الولد على بند الأجور المهم كلآمه مابرد قلبي قلت له ابي مركز دعم القرار بالضبط وينه فيه ؟ قال : بجنبنا على طول رحت لمركز دعم القرار ،، دخلت ولقيت موظف وجهه سمح السراحه بعد السلام قلت له والله انا جايك من شرق الرياض على شان استفسار بسيط ابتسم وقال ليه تفضل علماً ان فيه ناس تجينآ من برا الرياض على شان تستفسر وقلت له كل الي في خاطري من تسائلات ما صار استفسار هذا تحقيق ههههههه المهم قال ليه نتائجكم رايح تنزل بعد تصفيتها على الموقع وفي الجرائد قلت له طيب متى ،،، طلع بروسنا نخل ، ولا نزلت قال : اذا مهو الأسبوع الجاي الي بعده اكيد قلت له اكيد قال اكيد لازم بتنزل قبل العيد قلت له والمقابلات الشخصيه طيب متى رايح تكون قال المقابلات الشخصة بعد العيد ان شاء الله آمآ النتائج اكيد قبل العيد ،،،. والله يآ أخوان هذا كلامه ليه . اتمنى انها تكون تسائلات كافيه لكي تطمئن قلوبكم ويرتاح بالكم وأحب اقول لأخوأني خآرج منطقة الرياض انا بالخدمة اذا احتجتم أي استفسار أو طرح اسئله معينه على ديوان المظالم ، هذا الجهد وعلى الله التكلان ،،،
[/align]
|
اقول رح الله يوفق انشاء الله ويكتب لك نصيب في الديوان وتتوظف انشاء الله والله صدق من قال رب اخ لك لم تلده امك وانت يا عذب السجايا الاخ الكريم عذب الاصل (يالنشمي) .............
|
العرض العادي
