02-06-2010, 03:21 PM
|
|
|
|
تاريخ التسجيل: Sep 2007
الدولة: قلوب أحبتي
المشاركات: 2,491
معدل تقييم المستوى: 12496
|
|
ياشباب هذا ماصار معي بالتفصيل اليوم الأربعاء 19/6/1431
صحيت صلاة الفجر ثم جهزت حالي واخذت اوراقي كامله ثم راجعتها عشر مرات
عشان ماانسى شئ ثم طلعت لمركز التدريب والساعة خمس ونص وانا عندهم
لقيت مجموعة من الشباب وفيه عسكري ينظم وقوف السيارات وأول ماتنزل
يقولك حط جوالك بالسيارة ممنوع دخول اي جوال أو اي شئ ثاني المهم بدوا الشعب
يجون يوم جت الساعة ست وربع جاء رئيس رقباء ومعاه كشف فيه اسماء وقال
اللي مامعه صور لازم يروح يتصور واللي مامعاه شهادة الثانوية العامة لازم يجيبها
لانها ضرورية لازم تجيبها ومابعدها يعتبر تعليم اضافي لو كان ماكان سواء
دبلوم أو بكالوريوس او دورة واللي مو مصدق شهاداته ترا مو بالضرورة عادي تمشي
الدنيا سهالات وبعدين بدأ ينادي بالأسماء ويصف العالم طابور حسب الكشف الموجود
معاه وبعد ماينتهي نمشي باتجاه البوابة طابور كأنه طابور مدرسة >>صراحة ذكرني بالمدرسة
المهم عند البوابه تلقى عساكر كثير واحد معه كشف وواحد ياخذ بطاقة الهوية
ويقرا له الاسم ثم تدخل تلقى بعد البوابه عساكر اخرين تفتيش اللي معه جوال
ياخذونه ويسجلون الاسم ورقك السجل المدني عليه وتدخل بعدين تروح لصاله
تلقى عسكري على البوابه يسألك عن اسمك ثم يعلمك بأي مجموعه لأنهم مقسمين
الشعب على اربع مجموعات لتسهيل التدقيق كل مجموعه على طاوله كبيرة
تلقاهم ملصقين اوراق عليها بالطلبات والمعروض اللي تكتبه على الورقة طبعا
عليها اوراق واقلام بس عليك تنقل بعدين ترتب ملفك ثم تنتظر لين ينادون عليك
يعطونك اوراق وحده عبارة عن نموذج طلب التقديم بياناتك وبيانات والديك
وورقة توقع عليها على ان بياناتك صحيحة ووحده للكشف الطبي والمقابلة
ثم تنتظر لين متى مايجي دور المجموعة اللي انت فيها لأن كل مجموعه ينادونهم
سوا وكل مجموعه بينها وبين مجموعة مابين نصف ساعة الى خمس واربعين دقيقة
ولما ينادون عليك تروح لقاعة تجلسون فيها وتنزلون اشمغتكم ونعولكم "تكرمون"
وترفعون السروال للركبة والثوب للمرفق وتنتظر دورك واذا جاء دورك تدخل
قاعة ثانية اول شئ كشف على النظر اللي هو حرف E فوق تحت يمين يسار
(وتراه سريع اللي يسألك يبي اجابة في جزء من الثانية) وبعدين يسألك في ارقام
عمى الألوان ثم تطلع على الميزان ويقيس وزنك وطولك ثم تدخل على اعضاء
المقابلة الشخصية يسألونك كم سؤال ويقولون توكل على الله فيه لوحة مكتوب
عليها نتائج الكشف المبدئي والمقابله 7/8/1431 على موقع وزارة الداخلية
ملاحظات :
اللي ناقصة اوراق او صور يروح يصور ويرجع اهم شئ يجي قبل الساعة عشر
اللي اوراقه مو مصدقه تمشي عادي مو مشكله
مايردون احد على الطول او الوزن يمشون كل الشعب احس ان القبول النهائي
طرده بس باحترام احسن من الامن العام وامن المنشآت اللي يعطيك ظفر
الاسئلة اللي جاتني بالمقابله هي :
س1 : وش اسمك؟
س2 : من وين ؟
س3 : كيف المدينة ؟ >>> لأني من المدينة فديتها
س4 : وش شهادتك ؟
س5 : وش تخصصك ؟
والمعذرة على الاطالة على التفصيل الممل جدا جدا
وبالتوفيق للجميع
وأي استفسار أنا حاضر
اخوكم n.s
التعديل الأخير تم بواسطة n.s ; 02-06-2010 الساعة 03:40 PM
|
العرض العادي
