المشاركة الأصلية كتبت بواسطة قيصر العميد

بطاقة الاحوال حاول تعرفلي بلاه

متا قالولك ورينا بطاقتك عشان يطابقونها ,,,

...

لئني مضيع بطاقتي وفي الاحوال قالولي بعد ثلاثين يوم تعال,,, واعطوني ورقه

قالو وديها للمباحث في المقابله
,,

المشاركة الأصلية كتبت بواسطة فيتامين وآو

بما ان الورقه اللي معك رسميه ماعليك من أحد

التدقيق بيكون عند البوابه اول ماتدخل لكن قول لهم القصه وعطهم الورقه ثم فيه تدقيق ثاني داخل في الصاله واشرح لهم القصه
إذا شفت احد دقر لك وتعقد معك دور اكبر ربته واشرح له الوضع ولا عليك من الأفراد ترا ضايعين

وامرك سهاله ان شاء الله وبالتوفيق لك يارب

المشاركة الأصلية كتبت بواسطة فيتامين وآو

تفضلوا

وخاااصه

الأخ / دبلوم محاسبه ليه

واعتذر منك والله مدري وش فيها الرساله مارضت توصلك مدري وش السبب

~~~~~

خذوها بالتفصيل ولا أبي الا الدعاء بالتوفيق والله يوفقنا وياك للوظيفه الطيبه والرزق الحلال .


بسم الله ~


اسئلة المقابله / في تخصصك وش استفدت منه ووين درست وكذا .
ومن هو وزير الداخليه ولازم يكون الجواب كذا/
تقول سيدي صاحب السمو الملكي الأمير نايف بن عبدالعزيز حفظه الله .
و في اي قاره تقع المملكه العربيه السعوديه .
وفيه وآحد معي قال سألني من هو وزير الإعلام .
شوف اهم شيء ماهو لازم تكون الإجابه صحيحه
المهم كيف ردت فعلك مع السؤال ترتتبك تجيك حاله من التبلم وكلمة هاه لاتقولها . تعرف الإجابه جاوب ماتعرف قل بكل شقه صراحه لا توجد عندي إجابه او بأسلوب اجمل بكذا وانت ولسانك
اهم شيء تناظر في عينه وتكون متجه يمه يعني لف جسمك يمه وناظر فيه كأنك جالس مع خويك ومظهرك لابد يكون منظم .
هذا بالنسبه للمقابله .
اما الكشف الطبي انا عيني اليمنى فيها كسل ولا أقراء بها بالمره لكن اليسرى سلميه 100 % اللهم لك الحمد

المهم جيت للدكتور مصري هو واعطاني كتيب فيه ارقام يختبر عمى الألوان اكيد مر عليك موقع إختبار عمى الألوان نفسه تماما .
اما بالنسبه للنظر لوحه بعيده شوي تقريبا 6 متر بعدها عنك وفيها اسطر كل سطر فوقه حرف الـ E ويقول لك السطر رقم كذا اذكر الحروف اللي فيه وين متجهه السطر 1 كبير 2 شوي 3 صغير 4 اصغر وانت ماشي وأصعب شيء رقم 6 .
تدري انا ايش سويت بالنسبه لعيني اليمنى اللي ماشوف بها قال غط عينك اليسرى انا ماغطيتها زين فرقت اصابعي عن بعض وجلس اطالع بن اصابعي بالعين اليسرى لأن الكشف على العين اليمنى الضعيفه
قال لي غط عينك ولا رديت عليه كأني ماسمعته والله ما أدري ايش صار على الورق
بالنسبه للطول والوزن رجل سعودي مدني يطلعك على الميزان ويقيس ثم يقول توكل ولا تدري وش يكتب لك

طبعاَ الفحص قبل المقابله .

اي شيء سؤال ابشرو باللي اعرفه ~