المشاركة الأصلية كتبت بواسطة نور دربي

الكشف في مستشفى الطائف تساهيل ولله الحمد

اول شي يقيس الطول والوزن الدكتور السعودي نفسه الي قاس الطول في القبول المبدئي رجال

محترم جداً بعد كذا تسوي كشف النظر عند دكتور هندي وبعدها تسوي كشف الاسنان عند دكتور

مصري وكلهم طيبين ومتساهلين

انا عديت يالله لك الحمد في الطول والنظر بس الاسنان قال لي اعطيك فرصه تسويها لأنه الاسنان

عندي صايره شبه اسنان سيئه جدا اعطاني مهله اربع ايام والله يجيب الفرج من عنده

وبعدين عند دكتور النفسيه وامورك سهله جدا
بعد كذا تروح تسوي كشف عند الدكتور الي صلح كشف النظر في القبول المبدئي تدخل عنده يشوف مسوي عمليات جراحيه في جسمك او عندك افتاق ويشوف تنفسك ان كان طبيعي او لا
ويخليك تمشي يشوف اذا فيك عرج او شي من هذا صحيح الدكتور مايعطي وجه ولا تكثر معه اسئله
لكنه ولد حلال حاس في المعاناه الي حنا فيها وايش مسويه فينا العطاله

بعد كذا طال عمرك قالوا تعالوا العصر الي يلاقي اسمه يدخل للمختبر يسوي كشف دم وبول وانتم بكرامه

اما الي مايطلع اسمه يروح الله يعوضه خير منها

بصراحه كانت لحضه صعبه جدا لمن يقول العسكري الاسماء
انا الحمد لله طلع اسمي لكن حسيت في الي ماكتب لهم الله نصيب الله يعوضهم خير ويرزقهم وظايف احسن منها ان شاء الله لهم فيها خيره

وقالوا تعالوا يوم الاحد تسون كشف اشعة وانف وحنجره
الله يسهلها واعدي من عند دكتور الاسنان ويكتب لي ولكم القبول النهائي في المباحث