بسم الله الرحمن الرحيم

السلام عليكم ورحمة الله وبركاته

بصراحة ودي احكي لكم حكاية صديقي الذي يعمل في شركة خاصة يقول انا اعمل في شركة خاصة منذ 2007م وراتبي الاساسي 2000 ريال وبدل سكن 500 ريال وبدل نقل250 ريال والمجموع 2750 مع خصم تأمينات اجتماعيه % 9 .
الرجل متزوج ولديه طفلتين زي القمر بسم الله ما شاء الله انا شفتهم

مستأجر بيت مشي حالك بـ800 ريال في الشهر وبدون سيارة وكل يوم مشاوير للعمل وللسوق وللمستشفى تخيلوا كل هذا من 2750 ريال وش يبقى له ولعائلته الله اعلم .

يقول صديقي بعد الراتب باسبوع او عشره ايام تبدأ معاناة كل شهر ما فيه مصروف البنات يبون حليب وحفاظات وصاحب البيت يبي الايجار ووفر مصروف المشاوير للدوام وغير الدوام

المهم الشئ المحزن اني اشوف صديقي في الشارع مع بناته وزوجته يؤشر للسيارات عشان يروح مشوار
والله منظر البنات في الشمس وهو شايلهم يقطع القلب .
وأكثر من مره اقول له اذا تبي تروح مشوار كلمني وخذ سيارتي يقول طيب وما يتصل .

يقول حاولت البحث عن وظيفة اخرى بس للأسف ما لقيت ومافيه امكانيه للسفر الى مدينه اخرى للبحث عن عمل .

اقول الله يكون في عونه وعون عائلته واطلب من الجميع ان يدعون له بالخير والله انه رجل فيه خير وطيب وكل من يعرفه يحبه

وآسف على الاطالة

اســــأل الله العظيم رب العرش العظيم ان يفرج همّه ويرزقه بالوظيفه الحلال ويخليه لـ بناته واهله...آآآمين

والله يا اخوي لو بيدي شي ما بقصـــر لكن الله المستعان ...الي اقدر عليه الدعاء...

الله يكون بعونه ..

اللي يتعب في سبيل اهله ويتكبد المصاعب لأجلهم ..

يستحق منا ان ندعي له بالخير والرزق الوافر الحلال ..

شكرا لك اخوي ..