السلام عليكم
مشروع مربح باذن الله
المطلوب منك دوام كاشيير"محاسب فقط مع متابعه " من بعد صلاة الظهر حتى صلاة العصر
تقريبا 3 ساعات.
المشروع مطعم سمك .
محل 4×5 20م مربع يكفي , وطاولتين للاكل بداخل المطعم.لان "الاعتماد على السفري"
تحتاج مقلى مع انبوبة غاز .مع موقدوتجهيزها لا يكلف 2000 ريال
فريزر جديد يقيمة 1500الى 2000 ريال
ثلاجة عرض مستعمل 1000 ريال
عرض المنيوم مع الميزان 1000 ريال
مروحة شفط 200 ريال
ديكور المحل قيشاني ابيض مع لمسة ديكور خفيفه مثلا خطين قيشاني ازرق بالمنتصف 2000 ريال
لوحه 2000 ريال واسم"الهامور..السناره.. الحوت.." اللي يناسبك
مواصفات المحل "يكون على شارع حيوي وقريب من جامع" الناس تحب تاكل سمك يوم الجمعه . الخميس والجمعه نعتبر ايام ذروه في محلات الاسماك
نجمع الحسبه بالاعلى
2000+1500+1000+1000+200+2000+2000=9700 نكملها 11000 نثريات
ايجار محل"يعتمد على الموقع" نفرض 18000 ريال
تدفع مقدم 3 أشهر 4500
11000+4500=15500 ريال
3000 رخص وتصاريح عن طريق مكنب خدمات
15500+3000=18500 ريال
انتهينا من التجهيزات
السمك هناك متعهدين يوصل لك السمك للمحل, مع التنظيف بسعر وبدون بسعر, لكن مادام عندك عمال خلهم للتنظيف.
المحل يحتاج عاملين لتشغيله راتب بين 1000 الى 1200 , ويمكن تحفيزهم بريال لكل كيلو مباع.
2000 ريال تفي بالتموين سمك زيت بهارات رز وسلطات.
المتعهد يوصل لك السمك بالصباح , طبعا التكلفه بالوزن.
العمال يقومون بالتجهيو والتنظيف من قبل الظهر.
انت طال عمرك تشرف المحل بعد صلاة الظهر بالجامع اللي جنب المحل, وخلك المحاسب
ربح السمك بعد القلي يتجاوز 50%
الشعور 15 الى 18 تقريبا يباع 30 ريال
والهامور بين 20 الى 25 ويباع 40 ريال
والحريد مقارب للهامور
والناجل 40 الى 50 ويباع 80 ريال
خلك كريم بالسلطات...
طبعا معروف ذروة بيع الاسماك في ايام الاسبوع اربعاء خميس جمعه,
وبالنسبه لليوم هو فترة الغداء من بعد الظهر حتى العصر.
يعني لو فتحت المحل ماراح يكلفك الا حدود 25 الف ريال,
ومطلوب منك دوام من بعد الظهر حتى العصر,
وبعدها اجرد السمك الموجود في المحل ونهاية الدوام حاسبهم عليه.
وبفضل الخميس والجمعه تعدي بالمساء وتجلس بمحلك , لان هاليومين بالاسبوع فيها حركه.
يعني في اليوم دوام 3 ساعات , ونهاية الاسبوع 3 ساعات ظهرا ومثلها مساء
وتدير محلك لا تخاف من لعب العمال, ولاهو ذاك المجهود,,,
اذا ماقدرت تداوم هذا الوقت القليل في محلك,,,,اعتبر هذا المشروع ملغي ,,, والافضل لك لا تفكر في مشاريع....
لانه من اهم معوقات المشاريع واسباب خسائرها هو الاتكال على العماله,,

بالتوووووووووووووفيق

بارك الله فيك اخوى ومشكور على الموضوع

ماشاء الله فكره رائعة

مشكور على طرحك للموضوع

طيب اخوي بن هديبان مشروعك جدا رائع
انت فاتح محل سمك والله لا
طيب لو افتحه في محل السمك مو احسن من قريب جامع
بارك الله فيك على ما قدمته

المشروع حلو

وكل مشروع لايخلو من مخاطره

واحد مخاطره هو زيادة الكميه عن الحاجه

الله يجزاك خير الجزاء على الفكرره

مشروع رائع وانا قبل فترة كنت اخطط عليه
بس مشكلة هذا المشروع "الطباخ"
يبيلك طباخ ممتاز مو اي واحد

مساء الخير

الكلام حلووو ..سلس..مريح..مربح....لكن..

يبغاله قلب جامد ..يدخل السوق ويعرف انه التجارة ربح وخساره...

والفكرة...جيدة


موووفق

فكره رآآآئعه ما شاء الله لكن الموقع له دور كبير بالموضوع و طريقة الاعداد مهمه جداً أنا ما لي خبره بالامور

هذي لكن مجرد وجهة نظر ... و شاكر لك طرحك يا الغالي ,,,





صوت الأرض