26-05-2010, 09:01 AM
|
 |
عضو جديد
|
|
تاريخ التسجيل: May 2010
المشاركات: 8
معدل تقييم المستوى: 0
|
|
الله يسعدكم كلكم يارب وتسلمو على الرد ورب الكعبه مافي ولا بنك قدمت في 20 الف مرة ولا احد يرد عليا ولا احد عندي من عارف اش اسوي والله تعبت
تدرو انا ليش سبت الوظيفتين انا اقولكم ليش السكرتاريه سبتها 4 شهور بدون راتب ولا ريال والله العظيم ولا عقد كمان شغال 9 شهور بدون عقد وشهادة الخبرة بالقوة طلعتها منهم
والإداري التنفيذي الله يجازيه خير صاحب ابويا قالي اشغلك مؤقت اشتغلت عندو وبصراحة مرة حلوة لاكن مؤقت ما اقدر اكمل مو محتاج موظفين
والثالثة مدير علاقات عامه حسبى الله ونعم الوكيل فيهم يارب في البدايه كنت افكر صاحب الشركة واحد طلعو اربعه شركاء وماعندهم موظفين غيري انا فقط كل شي في الشركة على راسي من معاملات مشاوير خارج الشركة خطابات إجتماعات مقابلة عملاء كل شي كل شي وكمان دا بدون عقد لاكن دا كل ما اكلمه على العقد يصرفني ويكذب عليا وبعد ما كملت الخمسة الشهور يقولي والله حبيبي احنا مانقدر نعطيك راتب زي كدا مصاريف الشركة ماتستحمل احنا نعطيك 1500 ونجيبلك من صندوق الموارد 1500 صارو ثلاث الاف وانا متفق معاهم من اول مااشتغلت لانو مافي موظف غيري وقلتلهم شغلكم متعب قالولي نعطيك 3000 الاف وبعد 3 شهور نسويلك العقد ونعطيك 4000 الاف ونجبلك من الموارد البشرية 1500 وتأمين طبي عجبتني بعد الثلاث شهور اتغير كلامهم سرت اخد 2000 بدل 3000 ومافي صندوق الموارد ولا فيه عقد ولا شي قلتلهم انا ما ابغا وظيفتكم كرف في كرف على حساب غيركم حرام والله العظيم حسبي الله ونعم الوكيل في كل واحد يسوي كدا حسبي الله عليهم عشان كدا انا جالس شهرين بدون وظيفة ومتخرج من الجامعة الامريكية قسم علوم سياسية تعليم عن بعد تعبت وانا ادور في كل البنوك والمشكلة ليا اقارب مدراء فروع قدمت عندهم اخدو الملف وكل يوم اكلمهم يقولو انشاء الله وكدب كدب الملفات عندهم لها سنة ولا سولي اي شي انا بصراحة مني عارف اش اسوي يعني احنا ندرس عشان في النهاية نجلس في البيت ولا عشان نشتغل ولا مني عارف ماخدين الشهادة عشان نتصور جمبها ولا كيف
جزاكم الله خير اخواني الأعضاء الي ردولي على موضوعي الله يوفقهم يارب دنيا واخره اللهم امين
|
يناس ساعدوني ابغا وظيفة بنكيه الله يخليكم طالبكم
العرض العادي
