هذه القصيدة هي لسان الحال ..
فإليكم ،، علـّها تتحدث و تصف ماعجز اللسان عن وصفه .. !!
أهديها لكم جميعا ً . .
مع كل الحب ..


[IMG]http://www.********.net/vb/images/icons/898565.gif[/IMG]


يكلمني عن جروحه ،، و أنا من سـبّـته مجروح
يسولف لي عن ( أحبابه ) !! ،، و أسولف عنه لحاله

أحس في دمعة عيونه ، و تطلع من بكاه الروح
و إذا يفرح مع غيري ،، ( بكى قلبي .. و هنـّى له ) !!

ياليت آنا وياه اللي ركبنا في سفينة نوح
محد يقدر يفرّقنا .. لا عمـّي ،، و لا خاله

رسمته في قلم ناشف على قطعة خشب من لوح
و تهيـّأ لي يحاكيني ، و يبيني أرسم ظلاله

تحرّك طيفه الدايم ، و لَـعـَب في حسبتي بـجموح
( يحب الخيل ) ، و أشعاري عشانه صاروا خيـّاله

و صار بعيني الأجمل ، مع إنه شويّ هو مملوح
و لا غيره ملا عيني ، و قلبي بس يصفى له

ذبحني قلبي الساكت ،، متى قلبي عليه يبوح ؟؟
أحبه .. و مادرى إني أحبه , و أعشق وصاله

كتمت / و هذا من طبعي ، و تمنيت الغلا مفضوح
بأبيّن له ، و لا أقدر !! مع إني جالس قباله

أخاف إنه بعد مده يطير ،، و من إيديني يروح !!
هو نعمة من فضل ربي ، و يقولوا : النعمه زوّاله !

لي قلبٍ من كثر حبه ،، على فراش التعب ( مطروح )
لا هو ميت و لا عايش .. و والله إن مات أشوى له !!

و حبي ( من طرف واحد ) ، غلا صادق ، بدون مزوح
و إذا هو طاح قدامي : نزل له قلبي و شاله

شكى لي ، و كنت له ( أسمع ) / و قلبي دووووم له مفتوح
يطمّني عن ( أخباره ) ، و شنهي آخر أعماله

و إذا شفته خطا بحقي . . بدون أعذار هو مسموح
في نيـّاته .. و لا يدري .. و طيبة قلبه همّاله !

في جياته يروح الهم .. و يبدّل دمعتي بـ فروح
تمنيت البشر مثله ،، و كل من حولي أمثاله

من الله حبّه بقلبي ،، حشى مالي ترى مصلوح
عسى يكبر و يذكرني .. و يسمّي بـ ( اسمي ) عياله

كلمات رائعه ،
ومعانــي ـ أروووع .. }
سلمت يداك ع الطرح //
لك من الـورد اطيبـــــه "
،،

راعي العوجاء... مشكور بيض الله وجهك ع المرور المميز والجميل
تقبل جل احترامي وتقديري ..

اللــّـــــــــــــــــــــــــــــــــــــــــه

أللـــّــــــــــــــــــــــــــــــــــــــــــه

كلمـــــــــــــــــــــات

تنبع من القــــــــــــلب

وتبقى في القـــــــــــلب

ولايبوح بها اللسان

لكــــــــــــــن

يلقي بها القلم

سلمت يمينك

ودمت بخير

**كحيانه**
مشكوره على مرورك وتشريفك لمتصفحي دمتي كما تحبي ..

محمدالسعودي


’’جميل هوالصمت’والأجمل’أن تجد من يفهم ويعبرتلك اللغه’

إنقائكَ عذب’


لاهنتَ

**هكذاالدنيا**
مرورك هو قمة العذوبه ..
اشكركي على مرورك وحضورك الدائم ..
تقبلي جل احترامي وتقديري ..