1- دخول من البوابه وتقديم الهويه للتأكد من وجود اسمك بالكشف
2- الجلوس بصاله مفتوحه الي ان يتم النداء بأسمك لتسليمك الاستماره
التي تم تعبيتها من النت عن طريقك والتأكد من بياناتك .
3- مهم جداً ( الشهاده الثانويه الاصل وصوره منها أو الثانويه مصدقه
طبق الاصل تكفي + حسن السيره والسلوك الاصل او صوره مصدقه منها + صور من الدورات الي معاك مصدقه او يكون الاصل معاك+ صوره من بطاقه الاحوال مع احظار الاصل + صوره من هويه الوالد + صوره من كرت العائله )
4- كشف النظر عادي جدا (الي مركب عدسات ماعتقد يدققوا عليه) والي مركب نظاره
عند الكشف لايحطها على عينه ابد . انتبهو عندهم دفتر فيه ارقام لازم تركز عليها وورقه على الجدار سهله بس ركز عليها
5- كشف الوزن والطول عادي جدا
6- المقابله الشخصيه ( تكلم عن نفسك + قراءه سوره البينه غيباً + اثقل حيوان بالعالم)

الخطوه الاولى..
تدقيق بالهوية الوطنية من واحد من الضباط..

الخطوه الثانية..
تدقيق بالاوراق حقتك الشهادات والمستندات اللي معك..

الخطوه الثالثة..
تنتظر لحد مايجي سراك عشان الوزن والطول ادري في ناس خايفين من هالمسألة ولكن (( احب اطمنكم كلكم مافيه ولا واحد انطرد اليوم حتى لو طوله 150 ســم ولو وزنك 50 كيلو والا 200 كيلو رح تعدي ))

الخطوه الرابعه..
تنتظر لحد ماينادو بأسمك عشان اللجنة الطبية والنظر ولاتخافو من هالموضوع الدعوة بس اشارات (( ثلاث اشارات لكل عين وتمشي واللي يسووها لك ناس ممرضين سعوديين عسل متفاهمين))

الخطوة الخامسة..
تشمر ساعديك والسروال ترفعه للركبة والشماغ تشيله وتنتظر دورك عشان المقابلة الشخصية..

الخطوة السادسة..
تدخل المقابلة الشخصية وتحصل واحد عقيد يسألك اسأله شخصية عادية انت من وين واسمك واسأله عادية ولكن ملاحظه ياشباب (( يبون هيااااااط لاتسكت وتبلم حتى لو ماتعرف الاجابة ))

الخطوة السابعة..
تكتب معروض عندهم بخط يدك للألتحاق بالدورة وياخذوه ويحطووه بملفك..

الخطوة الثامنة..
تنتظر الباص يجي ياخذك ويطلعك من المعسكر..وبالسلامة ان شاء الله..

بالنسبة لموعد النتائج ..( هم يتصلون عليك ) تقريبا بعد مايخلصو من المقابلات بسبوعين..

لا احد منكم يخاف والا يرتبك ترى الموضوع عاااااادي جدا..
لاتنسون الاوراق والمستندات..

التاريخ: /.............
سعادة قائد مركز التجنيد والتدريب بمدينة............................................ ........حفظه الله
السلام عليكم ورحمة الله وبركاته ،،،

أتقدم لسعادتكم بطلب الالتحاق بدورة تأهيل الفرد الأساسيعلما بأنني احمل الشهادة الجامعية تخصص ..... بتقدير...........وبمعدل .......... من 5 ولدي خبره عملية لمدة ......... سنوات وعدد ......... شهادات في مجال الحاسب