حسبي الله عليهم ... بس والله قهر نتصدق لناس مايستحقونها
اللي محتاجينها صدق مايجون يتسولون .. بس هذولي اللي في الشارع ماخذينها تجاره يلعببون على خلق الله ويسرقونهم واحنا مو لازم نشجعهم على كذا ونعطيهم ..

الصدقه لوجه الله
وربي ادرى بنيتك , عساه لو موب بس يكذب
ان شاء الله يتاجر بالحرام والا يحرقها
اهم شي نيتي انا , وربي ادرى بها

وانا من عادتي حتى اللي عند الاشارات
وادري انهم كلاكلين ونصابين
لكني اهم ماعلي نيتي انا , وبس

هذولا ابو يمن لاكثّرهم الله .. مافيه اسلوب إلا وسووه
لاهُم ولاحريمهم فنانين بالشحاذة
واذا تبي تتصدق لاتتعدى جيرانك واهل حيّك .

السلام عليكم ورحمة الله وبركاته
عن عمر رضي الله عنه قال قال رسول الله صلى الله عليه وسلم ( انما الاعمال بالنيات ..... )
من كلامك يااخوي انه نيتك صافيه مع هالحرمه وانك تبي تساعدها وتاخذ الاجر ولا تفكر فيها ولا شي بالعكس انبسط مدام هالشي لوجه الله سبحانه وتعالى وان شاء الله اجرك مكتوب
الله يوفقك ويحقق كل امانيك
تقبل مروري

الله يجزاك خير
احتسب الاجر وانا اخوك

والله انت ارحم مني والله جاني واحد شايب قبل فتره يقولي محتاج فلوس وسيارتي مصدومة ولاعندي حق اكلي وكان ماسك ظرف فيه اوراق وشويه يطلعلي الاوراق طلع عقيد والله شفت الصوره بنفسي بس انا شكيت في وضعه لانه بدا يخرج من موضوع الفلوس ودخل في موضوع الدولة والحكومة ويقولي مافيهم خير واغلب العسكر شواذ والعياذ بالله حسيت من كلامه انه يبي يستدرجني لشي يبغاني اقوله ويكون معاه اداة تسجيل ولاشي صراحه انا قلت ابعد عن المشاكل وطلعت المحفظه والمشكلة يوم طلعتها اتذكرت اني ما معاي الا 200 براسها وبطاقة الصراف وصعبه طلعت المحفظه قدامه وما اعطيه شي قلت مافي الا اني اعطيه وافتك منه و عطيته ال200 وشوي قالي وش رايك تجيني البيت انا ساكن قريب تعال اتقهوى قلت لا مشكور انا مستعجل المهم انا طنشته وهو باقي يتكلم لاني ادري انه مابيسكت وركبت سيارتي الا خويي يدق علي جوال رديت عليه وجلسنا نتكلم وانا بنفس اللحظه جالس اطالع في الشايب الا القاه يروح عند سيارة معروضه للبيع ويطلع جواله ويتصل .. وهذا اول شي يقهرني عنده جوال ليش مايروح يبيعه بدل ما يطلب الناس.. لا والشي الثاني اللي قهرني جالس يتصل على صاحب السيارة المعروضه من وين له فلوس يشتري سيارة ابفهم اذا توي ماخذ مني فلوس؟؟ المهم انا رحت في سبيلي وتركته وبعدها بكم يوم والله ماتصدقون وين صادفته .. لقيته قريب من المكان اللي قابلته فيه ومعاه سيارة ددسن قديم ومخلع قلت في نفسي الحين هذا عقيد اكيد اقلها ينزله راتب تقااعد ولا هو مركب الصوره اللي وراني هي ولا سارق بدلة عقيد تلقاه ذابحه ومتصور في بدلته والله مادري وش سالفته المهم اني عطيته الفلوس بحسن نيه وعاد هو وضميره

استغفر ربك ما له داعي تدعي عليها
حتى لو كاذبة

وايش اللي حوجهم للكذب ؟؟ الحاجة والله


الله المستعاااااااان


رحم الله العلامة ابن باز لما صرف لاحدهم الف ريال فزاد هذا المحتال صفر فأصبح عشرة الآف من حساب ابن باز
فلما روجع ابن باز بالأمر فقال بل الف ريال فقط لكن ما عمل كذا الا وهو محتاااج اصرفوا له عشرة الآف ريال .



فحاجة الناس (ومع هذا لا يعذرون بذلك) هي اللي دعتهم الى الكذب والسرقة والخيانة فالله المستعان

ايام المجاعة على وقت عمر بن الخطاب اصقط حد قطع يد السارقة لما في الناس من مجاعة


وما كان عليك استرجاع المبلغ 100

نعم لا تعطيها الباقي لكن لا تسترجع الـ 100 اين نحن من قول الفقهاء اذا سرق المحتاج تقطع يده ويعطى من بيت المال مبلغ على حاجته

وهذه كذبت لحاجتها الا توبخ وتعطى وتنصح او على فليتصل على مكافحة التسول لكن لا يسترجع مالها اعطيته

فالرسول يقول العائد في هبته ك***** يعود في قيئه عليه الصلاة والسلام

هذا مع من اهدى هدية فما ظنكم بمن تصدق ؟؟؟


وانت تؤجر على نيتك بإذن الله

الله المستعاااااااااان .....

يارجال خلها صدقه وماعليك منها
وهذولا المتسولين
عندهم طرق واساليب
تخلي الواحد يتعاطف معاهم غصبن عنه
وتقبل مروري