بسم الله الرحمن الرحيم




السلام عليكم ورحمة الله وبركاته




والله مدري من وين ابدأ




المهم في يوم من الأيام وانا اتعشى فجأة



و بدون اي مقدمات



طالعت لأبوي إلا وهو صافن ِ فيني



كأنه اول مرة يشوفني



خير إن شاء الله يا ابو أحمد >> امون على ابوي اناديه بأسم اخوي الكبير



ويش فيك تطالعني كأني ولد الجيران



قال لي اخبار الوظائف هالأيام



قلت ابد لا جديد



قال لي بعد العشى ابيك في كلمة راس




المهم انا استغربت هذا موب اسلوب ابوي بتاتاً البته




انا خلاص ما عاد نفسي في الأكل




قمت افكر ويش سويت من ورى ابوي




اشيك على الميموري من هنا ولا من هنا لعل وعسى




سويت شي المهم الذاكرة قفلت ما اذكر ايش اخر لقمة اكلها




من العشى اللي قدامي




المهم قمت من العشى وغسلت ايدي إلا وامي قامت من على السفرة




متجهه الى المطبخ




المهم دخلت المطبخ ابي اسألها ويش يبي ابوي




اخوكم في الله يهوجس




اطالع لأمي إلا وهي تعطيني ظهرها




و انا في قلبي اقول افا يا الولد إيش البلا




اللي انت مسويه




و انا خارج كأني لمحت وجهها فيه شويت ابتسامه




قلت خير إن شاء الله



انا قلبي يقرقع




استنيت ابوي لين يدخل غرفته




شوي ورحت له اطق الباب




السلام عليكم




وعليكم السلام .. اقعد




كان معه شويت اوراق يقلبها




خير يا بوي ايش فيه




قال لي ما فيك صبر شوي انهي اللي بيدي واكلمك




شوي الا يسألني ايش رايك بالسجن




انا عيوني نطت من مكانها




خير إن شاء الله ويش جاب سيرة السجن




قال لي جاوب على قد السؤال




قلت الله لا يكتب علي اني ادخلة ابد



لا انا ولا اي احد من المسلمين




قال لي طيب لو كان السجن ذهبي



ايش رايك فيه



انا من ثوارتي قلت



السجن سجن لو صنعوه من الذهب >> الشيبان عليهم حركات




قال لي يعني ما تبي تتزوج




بعد هالكلمة اخوكم في الله فك فمه ما قدرت اقول ولا كلمة




المهم قالي انا نويت ازوجك




استخير ربك وشوف من البنت اللي مسهرتك طول هالليل




كل يوم اصحى الساعة 3 اصلي اسمعك تقلب في الكومبيوتر




و إذا تبي امك تدور لك ما تقصر هي ودها تزوجك اليوم قبل بكرة




قلت له طيب يا بوي مثل منت عارف بعدني ما توظفت كيف اتزوج


قال لي انت اسعى ورى الوظيفة ولا يهمك ما دام بعد فيني عرق ينبض




والله اني وقتها ما حسيت إلا كأن احد صب فوق راسي مويه بارد




قمت وسلمت على راسه لا خلى ولاعدم يا بوي





وانا طالع إلا وامي في وجهي ها ايش رايك في بنت فلانه >> جاتك يا مهنى على ما تمنى



ناس طيبين ونعم فيهم



سلمت على راس امي وقلت الله يرضى عليك خليني استخيرربي

والله يكتب اللي فيه الخير



المهم رجعت عند ابوي قلت له ليش تقلي سجن




قال ابد انتم هالأيام تدلعونة قفص ذهبي




لكن انا جيتك من النهاية




لكن حط هالكلام حلقة في أذنك




مو كل من كان مسجون متعذب




انت بكيفك تقدر تحول سجنك الى جنة




بقلبك وبفكرك و فعلك وحسن خلقك





الحمد لله استخرت ربي



و ربي وفقني وخطبت بنت الجيران




و توته توته خلصت الحدوته




وعقبال ما املك واتزوج وكلكم معزومين




والحاضر يعلم الغايب





وفي النهاية اقول

عسى الله يدخلكم بالسجن اللي دخلته

او اللي مشيت في طريقة


بالتوفيق للجميع

مآ شآء الله تبآرك الرحمن

مبرووووووك أخويآ ويآرب هالشيء فآتحة خير ورزق عليك
ويرزقك بالوظيفة يآرب

وعقبآل كل العزآبية

هههههههههههههههههه

الف الف مبروك .. وعقبال الفرحه الكبيره ...

تستاهل التقييم ..

الله يسمع منك ونتزوج ..وندخل بالسجن زي مايقول ابوك .يا عاشق

والف والف والف والف مبروك يا بعدهم

وعقبال الوظيفة بإذن الله.

الله يوفقك

خبر جميل وسار
الله يتمم لك بخير
ويخلي لك امك وابوك ويفرحون بك..

ان شاء الله يكون الزواج فاتحة خير عليك ورزق

تريليووون مبروووك

أحلا سجن
ربي يوفقك ويسهل زواجك ووظيفتك ويرزقك من أوسع الأبواب

مبروووووووك تستاهل والله يوفيقك في حياتك الزوجيه

وخلاص بعد هذا غير النك الاسم

تستاهل كل خير
الله يوفقك ويسعدك ويرزقك من واسع فضله
بارك الله لكما وبارك عليكما وجمع بينكما بخير

بصراحه عنوان الموضوع,,,,,,,,,,,,يصلح بيت شعر’’


,,ويجذب بعد,,>> فضوووووول’’

إن شاءالله يكون’يترقى ’سجن ذهبي’’الى..................جنه’’

ماشاءالله على ابوك,,,,,>>,,يخليه لك,,,,,

وفي النهايه,,,,,,,,,,,,,,,

عسى الله يرزقني الوظيفه,,,,,,عاجلاً غيرآجل’’