السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اخواني انا شاب جامعي موظف في شركه خاصه واغلب الشركات السيارات رافضه تطلع لي سيارة بحجه اني موظف في شركه
وراتبي قليل لايكفي لقوتي الشهري الا بالعافيه
وأقول لله الحمد والشكر على هذه النعمة بس ذبحتني اللموزينات ومشاويرها واحاب اطلع سيارة ليموزين من مشروع الملك عبدالله حفظه الله وامد في عمره بس مأدري وين مكانهم وش هي شروطهم وماهي طلاباتهم مع العلم بأني قد سبق لي وطلعت قرض من بنك التسليف قرض زواج
فهل هذا القرض يمنع من استخراج سيارة
أرجوا من لديه المعلومه الكافيه والشافيه بأن يتكرم بإفادتي ورحم الله والديكم ورزقكم الله واياهم الجنه

هذا رد الاخ دبلوماسي في احد المواضيع

اخوي جريح الفراق:
انا رحت لهم والله شروطهم جدا سهلة-----------------
1-العمر فوق 21.
2-رخصة عمومي.
3-كفيل يكون راتبه فوق 5000ريال
4-قسط شهري 2050 ريال.
5- تكون متفرغ.
بالنسبة للقسط الشهري قال لي عندنا اجتماع بكرة (السبت الماضي) ويمكن ننزل القسط.
بالنسبة للسيارة تكون باسمهم يعني ما عندك اي مشاكل اذا تبغى ترجعها زي نظام التاجير وبعد 3 سنوات تتملكها.
اما اذا توظفت انت مخير في ان تخليها معك او ان تردها لهم والوجه من الوجه ابيض.
واذا جبت اوراقك كامله 3 اسابيع والسيارة جاهزة.
انا مقدم عليهم ومنتظر السيارة متى استلمها.

البرنس الله يعطيك العافيه ، بس شروطك فيها غلط شوي ..

الأخ حسين : انا مريت مشروع الملك عبداللـه ، وموقعه في اي فرع لـ بنك التسليف .. وعندهم سيارات واجد ..

مثل / كامري ، سوناتا ، فورد ، انوفا ، ميكروباص اللي 12 راكب ..

والقسط يختلف عندهم .. هما يعطونـك إلى 70 ألف ، اذا تبي سياره اكثر تدفع الفرق ..

اعطيك مثال ع الكامري / سعرها 73 ألف ، تدفع لهم فرق 3000 ريال .. هذي النوع العايدي ،

اذا تبي توماتيك .. تدفع الفرق وهو 7000 ريال ، طبعاً القسط الشهري على حسب مااذكر 1750 ريال شهرياً ..

اذا ماتبي تدفع شي . خذ سوناتا 2010 طبعاً .. بـ اقل من 70 ألف .. لكن انا فضلت الكامري لانها سياره تخدددم معك وتكرف كرف مو طبيعي ولا تطلب قطع واجد ..

لكن اللي اذكره من شروطهم .. تغير المهنه من الاحوال المدنيه الى : سائق اجره ، رخصه عمومي ، الكفيل والله مااكذب عليك واقول ضروري او مو ضروري .. ماني فاكر اذا طلبوا مني ..

والسياره عندهم تاخذ من شهرين إلى ثلاث شهور حتى تستلمهاا ..

انا تراجعت منهم ، وقررت اخذ من عبداللطيف جميل .. بدون تغيير مهنه ولا شي ، بس دفعه 3 الاف ورخصه عمومي بسسسسس ..

والله يكتب لك ولـ جميع المسلمين الخيـرر ..

دعواتـك

البرنس الاسمري
هزاف
الله يعطيكم العافيه
والظاهر اني بأهون مدام الشغله كذا

الله يكتب لك الخيررر

ويغني اللي يدور الغنااه