مساكم الله بالخير يا عااااااااااااااااطلين

الحقيقه عندي فكرة مشروع إنشاء مطعم خليجي للأكلات المحليه والجنوبيه وأكلات من الخليج قدمت الفكره لصندوق المئويه وطلبوا مني شوي دراسه .

مطعم ديكوره ثلجي أبيض في أبيض يقدم مأكولات غير تقليديه 10 أنواع كبسات جديده مثل كبسة بالمنجا كبسه بالخضار وكبسه ربيان برياني وكبسه سمك بالأعشاب البحريه ومقلوبه بأشكالها وإيدامات وسلطات وغيره يعني باختصار منيو جديد شوي بدلا من المظبي والمندى والشوايه بس طبعا راح يكون هناك قسم للمدفون والمضغوط وفي احد الأركان تيوس صغار مشويه .

الحقيقه أنا محتار في الأسم والتكاليف وأطلب من العضوات اللي معنا لو حابين يضيفون كبسات جديده أو أفكار للمنيو لا يترددوا .

كما أنوى أن أوظف في قسم الطبخ فتيات سعوديات

ياليت لو تزودنا بالأفكار والأشياء اللي تتمنوها في أي مطعم .

سأكون بأنتظاركم بفارغ الصبر

وأضيف للمنيو كبسه مشاوي وكبسه حمام ......

وكمان وش رايكم لو كان مطعم ومطبخ في نفس الوقت .

ما وصلتنا أفكار .......

ماشاءالله حلوة فكرة المطعم الخليجي .. بس خلك في خط واحد لا تشتت نفسك عشان ما يقل مستوى الخدمة و تكثر حاجتك للعمالة
لازم يكون عندك ركن عائلات راقي .

اكلات كويتية : مطبق سمك ( مشخول ) و القبوط ( زي المرقوق لكن فيه حشوة لحم )
ايضًا الربيان و مرق الهامور عجيب

ولا تنسى الكبسة الاماراتية احلى كبسات الخليج صراحة
الاكلات كثيرة بس هذا اللي جا ببالي .. اهم شي البهارات الطيبة .. و نصيحة ابعد عن سوالف كبسة بالمنجا الله يوفقك .

ابدأ بالوجبات الأساسية والشعبية لكل دولة خليجية ،
مثلا عندنا في السعودية الوجبات الأساسية الشعبية : كبسة ، قرصان ، جريش .
وفي الكويت كذلك : ... ، ... ، ...
وكذا الإمارات ، قطر ، عمان ، البحرين .

وبعدين لما يثبت سوقك ويقف المشروع على قدميه
سو كبسة مو بالمنجا بس لو تبي بالشمام
لما تكسب الزباين ويعرفون أن الوجبات الأساسية لدول الخليج تحت سقف واحد .

الله يوفقك اخوي
لكن فعلا انا من زمان اتمنى ان يكون عندنا مطعم يهتم بجميع وجبات الخليج
وكمان عندنا في سعوديه اكلات لايعلا عليها زي الحنيذ وسمك الميفا مدري وش يسمونه حنيذ اضاهر
ومن الحلى السعودي زي المرسى الجيزانيه والعريكه العسيريه
:. اتمنى يكون في مطعم في السعوديه يهتم بالفطور المقلق والكبده العدس والكمونيه والشربه
وكمان النواشف ياما تمنيت النواشف فطور وانا خارج البيت لكن اذا تبيه روح جمع من البقاله كم معلب عشان تفطر.

موٍوٍوٍفق

وثآني شي . اذا فتحتو المطعم

واذا في الدمآم وقرٍيب لي

بستآجر منكم مسآحة حق بيع الكنآفه

مررررررره رااائعهالفكره اهنيييئك عليهاااا اخووووي

بس انتبه ورركز ولاتخللي شي يقلل من رووعته

يبي لك اسم رااااكد خليجي


اما الديكور نصيحه ابعد عن الثللججي لاانه يخص الملااهي ويخص عادات الاجاانب اكثر

شي وانت متخصص لخلليجي وبصررحه ملينا من تصاميم فرنسا والصيين والشام والهند

يعني مشررووعك مممميييز وبالتووفييق

واذا طااارلي اي فكره ابشرر بهاا

والكبسسات مثل ماقااالت اختتي ررزه ابعد عن المنجا وهالاشيااء خلك باللحووم والمكسرااات والخضرواات الخ

يعطيكم العافيه طيب مطلوب الحسبه والتكاليف

ونراح نبدأ بالاكلات الخليجيه الرسميه والمعروفه طيب وش رايكم نسوي منيو

مقلوبه بأشكالها سمك - لحم - دجاج - ربيان
الكبسات قلنا كبسه اماراتيه وش هي الطريقه وأيش فيه كبسات نقدر نضيفها
مرقوق وحنيذ وعريكه وأكلات جنوبيه
إيدامات بأنواعها
سلطات بأنواعها
مرطبات وعصائر بأنواعها

وإيش كمان .......

الديكور يبي له جلسه بصراحه وش عندكم افكار ...... جديده

خلونا ندرس المشروع حبه حبه ونبي صور للديكورات المقترحه .......

وكم راح يكون عدد العمال والأسم التجاري وش راح يكون

لو قلنا الديكور 100000 ريال هل نخليها جلسات مفتوحه اوفر ولا مغلقه

ولو احد يشرح لنا شلون نشتري البضائع هل هي بالدين ولا كيف ؟؟

طبعا محل الكنافه راح أوجره على ناس والثلاجات راح تكون من الوكيل مثل ثلاجه المرطبات والحلى
طيب هل ينفع يكون مطبخ ومطعم ولا مطعم فقط ...

كم نقدر نحقق من الولائم والمناسبات ...

تكاليف المعدات .

طلبات التوصيل ؟؟؟
سيارتين ب 150 ألف للتوصيل وممكن أقل لو حصلنا مستعمله ونظيفه .